(တစ်)

မယုံစရာစတိုင်လ်(Style)တွေကြောင့် စုံနံ့သာ မြိုင်ရယ်လို့ အရပ်ရှစ်မျက်နှာမှာ ဟိုးလေး တကျော် ဖြစ်ပေါ်၍နေရပါလေသော တိရစ္ဆာန်တို့ စုဝေးနေထိုင်ကြရာ တောကြီးရဲ့ ဇာတ်လမ်း အထွေးထွေးအရှုပ်ရှုပ်တွေကို မှတ်တမ်းရေး ထုတ်လို့လာခဲ့မိတာဖြင့် အတန်အသင့်ဆိုသလို အချိန်အခါကလေးများလည်း လင့်ခဲ့ပါလေပေါ့။

အတိတ်အရေးကို တစ်ဆိတ်ကလေးလို့ဆိုသလို ငဲ့စောင်းလို့ ကြည့်မိလေတဲ့အခါ စုံနံ့သာမြိုင် ရဲ့ သတင်းစာလောကကြီးအ ကြောင်းကိုလည်း ဂျက်ဆရာငတိ သခင်ဟာ လက်မဟာကို စပိ(Speed)တင်လို့ရေးဖြစ်ခဲ့သေး လေတာပေါ့။

ယဉ်ကျေးတဲ့ လူ့အဖွဲ့အ စည်းမှန်ရင် မဏ္ဍိုင်ကြီးလေးရပ်ရှိ ရမယ်။ အုပ်ချုပ်ရေးမဏ္ဍိုင်၊ ဥပ ဒေပြုရေးမဏ္ဍိုင်၊ တရားစီရင်ရေး မဏ္ဍိုင်စတဲ့ မဏ္ဍိုင်ကြီးများနဲ့ အ ပြိုင် စတုတ္ထမဏ္ဍိုင်ဖြစ်တဲ့ စာနယ် ဇင်းမဏ္ဍိုင်ကြီးဟာလည်း ခိုင်ခိုင် မြဲမြဲနဲ့ မယိုင်မလဲရှိရပေလိမ့်မယ်။ စသည် စသည်နဲ့ လူတိုင်းသိပြီး သားဟာကြီးကိုပဲ ကိုယ့်ကိုယ် ကိုယ်ဆရာကြီးလိုလို ဘာလိုလို လုပ်ပြီးတဲ့သကာလ ဂျက်ဆိုတဲ့ ဆရာ ခပ်တည်တည်နဲ့ရေးချခဲ့ သေးလေတာပေါ့။

၁၈၀၀မှာ မွေးပြီး ၁၈၅၉မှာ ဆုံးတဲ့ နိုင်ငံရေးသမား သမိုင်းပ ညာရှင် ကဗျာဆရာသော်မဆင် မ က္ကောလေးကပဲ စသုံးသလိုလို၊ ၁၇၂၉မှာ မွေးပြီး ၁၇၉၇မှာဆုံးတဲ့ အိုင်ယာလန်နိုင်ငံသာ ဗြိတိသျှ လွှတ်တော်အမတ်အက်ဒ်မန်ဘာ့ ခ်ကပဲစသုံးသလိုလိုနဲ့ ဒွိသဘာဝနဲ့ ၀ိဝါဒကွဲပြားနေလေတဲ့ အဲ့သည် အနှီဖို့သ်အက်စတေ့(Forth Est-ate)၊ မြန်မာဘာသာအလိုအား ဖြင့် စတုတ္ထမဏ္ဍိုင်ဆိုတဲ့ ဝေါဟာ ရကြီးဟာ လူယဉ်ကျေးတို့ကမ္ဘာ မှာ အမြစ်တွယ်ပြီးရင်းတွယ်လို လာလေတဲ့အခါ စုံနံ့သာမြိုင်ဆိုတဲ့ တိရစ္ဆာန်တွေရဲ့ ကမ္ဘာကိုလည်း ရောက်လာခဲ့လေသဗျ။ တိရစ္ဆာန် တွေဟာ မရိုင်းကြပါလေဘူးဆိုတဲ့ သရုပ်ကိုဖော်ထုတ်ပြချင်လာတာ ကြောင့် တောရဲ့ဦးသျှောင်မြေခွေး မောင်ဟာ တိရစ္ဆာန်များရဲ့ အရပ် မှာလည်း စတုတ္ထမဏ္ဍိုင်ခိုင်မြဲလှ ပါကြောင်း ပြသတဲ့အနေနဲ့ သ တင်းစာဂျာနယ်တွေထုတ်ခွင့်ပေး လိုက်တာဗျား။

စုံနံ့သာမြိုင်ဒေးလီးဆိုတဲ့ သ တင်းစာကို စထုတ်ဖို့ ပြင်တဲ့အယ် ဒီတာချုပ် ဇီးကွက်၊ တာဝန်ခံ အယ်ဒီတာလင်းယုန်၊ ပင်တိုင် ဆောင်းပါးရှင် ချိုး၊ ဥသြနဲ့ ဒေါင်း ငှက်၊ သတင်းထောက်လုပ် မယ့် မြင်းတွေကိုခေါ်ပြီး တောရဲ့ဦး သျှောင်မြေခွေးမောင်မြွက်ကြား တဲ့ မိန့်ခွန်းတော်မြတ်စကားထဲမှာ ‘ငါမြေခွေးမကောင်းခဲ့ရင် မြေခွေး အကြောင်းရေးကြ၊ မြေခွေးမ မ ကောင်းရင် မြေခွေးမအကြောင်းရေး ကြ’လို့တောင်ပါခဲ့သေးတာမ ဟုတ်လား။ ထားတော့။ အဖြစ် သရုပ်ကို အနှစ်ချုပ်ရရင် စုံနံ့သာ မြိုင်ဒေးလီးသတင်းစာ ထုတ်ပြီဆို တာနဲ့ တိရစ္ဆာန်တွေ သတင်းစာ တွေကို တစ်စောင်ပြီးတစ်စောင် ထုတ်ထုတ်လို့လာလိုက်ကြပုံ များ။

(နှစ်)

ဘာကလေးပဲလုပ်လုပ် လုပ် ပြီးတာနဲ့ အသံထွက်လာတတ်တဲ့ တောကြီးထဲမှာ တောသတင်းစာ ကလေးတွေ ခပ်လှိုင်လှိုင် ခပ်မြိုင် မြိုင်ဆိုသလိုထွက်ရှိလို့လာပြီးတာ နဲ့ နွားဆွဲတဲ့လှည်းရဲ့နောက်မှာ လှည်းဘီးက ကပ်လို့ပါလာသလို ပြဿနာတွေကလည်း တစ်ခုပြီး တစ်ခုကပ်ကပ်လို့ ပါလာလိုက် ကြတာ။

ဖျံနှစ်ကောင် ငါးကြင်းတစ် ကောင်ရတယ်ဗျ။ အဝေမတည့် နိုင်ဘဲနဲ့ ပြဿနာတတ်ကြသဗျ။ မြေခွေးတစ်ကောင်ရောက်လာပြီး ငါးကြင်းကို ခွဲဝေပေးသဗျ။ ငါး ကြင်းကို သုံးပိုင်းပိုင်း အမြီးပိုင်းနဲ့ ခေါင်းပိုင်းကို ဖျံနှစ်ကောင်အ တွက်ပေးပြီး အလယ်ပိုင်းကို မြေ ခွေးကယူကာပြေးသဗျ။ အဲ့သ ဟာနဲ့ ပတ်သက်ပြီး မြေခွေးနေ ထိုင်ရာ ဂူထဲကိုသွားပြီးသတင်း ထောက်မြင်းကလေးက သတင်း သွားမေးသဗျ။

အဲ့သမှာ သတင်းထောက် မြင်းကလေး တရားစွဲခံရပါလေ သတဲ့။ ပိုင်နက်ကျူးလွန်မှုနဲ့ အစွဲ ခံရတာပါ။

နောက်ပြဿနာက သမင်နဲ့ ကျားရဲ့ ပြဿနာပါ။အတိတ်ဘ၀ တုန်းက လူတစ်ယောက်မှာ ဇနီး နှစ်ယောက်ရှိတယ်။ ပထမဇနီးက သားသမီးမရနိုင်လို့ ဒုတိယဇနီးကို ထပ်ယူထားခဲ့ရတာဖြစ်ပါတယ်။ ဒါနဲ့ ဒုတိယဇနီးမှာ ကိုယ်ဝန်ရှိ ကြောင်းသိတဲ့အခါ ပထမဇနီးက အဲသည့်ကိုယ်ဝန်ပျက်အောင် လုပ်ပါတယ်။ တစ်ကြိမ်တစ်ခါမ က ကိုယ်ဝန်ရတိုင်းပျက်အောင် လုပ်ရာက ဒုတိယဇနီးသေပါ တယ်။ နှစ်ဦးသားတို့ဟာ တစ် ယောက်ကိုတစ်ယောက်အမုန်း ကြီးရာက ဘ၀အဆက်ဆက် လက်စားချေဖုို့ အဓိဋ္ဌာန်ပြုထားခဲ့ကြသူတွေပါ။ ဒါနဲ့ နောင်ဘ၀မှာ တစ်ယောက်က ကြောင်၊ တစ်ယောက်က ကြက်ဖြစ်ပါတယ်။ ကြောင်ကကြက်မကြီးမွေးသမျှ ကြက်ကလေးတွေကို စားပစ်ပါ တယ်။ နောင်တစ်ဘ၀ရောက်ပြန်တော့ တစ်ယောက်ကကျား၊ တစ်ယောက်

ကသမင်ဖြစ်ပြန်ပါတယ်။ ကျားက သမင်မွေးလာသမျှ သမင်ကလေးတွေကို ထိုင်ပြီး စားပစ်ပြန်ပါတယ်။

အဲသဟာကို သတင်းထောက်ကလေးတစ်ကောင်က သတင်းသွားယူပြီး တောသတင်းစာတစ်စောင်ထဲမှာထည့်သဗျ။ သမင်ကလေးတွေ မွေးလာသမျှကို ကျားက ထိုင်စားနေတဲ့အကြောင်း။ အဲသဟာကို ကျားကတရားစွဲ တာပါ။ တာဝန်ဝတ္တရားနှောင့် ယှက်မှုဆိုလား။ တာဝန်ဝတ္တရား အရ သမင်ကိုစားနေတဲ့ကိစ္စကို ထိခိုက်ရေးသားထားတာကြောင့် တာဝန်ဝတ္တရားနှောင့်ယှက်ရာကျ တယ်ဆိုပြီး တရားစွဲတာပါ။

မိုးမီးလောင်သလိုဖြစ်တာ ကတော့ တိရစ္ဆာန်စကူးလ်ကိစ္စ။ တိရစ္ဆာန်စကူးလ်မှာ တက်နေတဲ့ အကောင်ကလေးတွေထဲက ငါး ကောင်ကိုရွေးပြီး လူ့ရပ်လူ့ရွာကို လေ့လာရေးလွှတ်ဖို့ရွေးထားခဲ့ တာ သမင်ကလေးရယ်၊ ဒရယ်က လေးရယ်၊ မြင်းကျားကလေး ရယ်။ ဒေါင်းကလေးရယ်ခင်ဗျ။အဲ သဟာ ကတယ်တော့လေ့လာရေး သွားကြမယ့်နေ့လည်းရောက် ရော ရွေးထားပြီးသားငါးကောင် မဟုတ်တော့ဘဲ မြေခွေးရဲ့သား ရယ်၊ ၀ံပုလွေရဲ့သမီးရယ်၊ ကျား သစ်ရဲ့တူရယ်၊ ဆင်ကြီးရဲ့ခယ်မ ရဲ့သားရယ်၊ ခြင်္သေ့ရဲ့ မိန်းမဘက် က တူမရယ်ဖြစ်သွားကြပါလေ ရော။ အဲသဟာကို သတင်း ထောက်ဖိုးရွှေယုန်က တိရစ္ဆာန်စ ကူးလ်အထိ သွားရောက်တွေ့ဆုံ မေးမြန်းပြီး သတင်းရေးထည့် လိုက်တာပါ။ အဲဒါကို တရားစွဲ တာပါခင်ဗျ။ စုံနံ့သာမြိုင်လျှို့ဝှက် ချက်အက်ဥပဒေပေါက်ကြားမှုဆို လား။

စတုတ္ထမဏ္ဍိုင်လို့ဆိုကာ သ တင်းဂျာနယ်တွေ လှိုင်လှိုင်ထွက် တဲ့တော၊ သတင်းတွေကိုလွတ် လွတ်လပ်လပ်ရေးလို့ ရနေပါပြီ ဆိုတဲ့တောဟာဖြင့် ရေးထုတ်သမျှ ကို ဘေးဒုက္ခပေးဖို့စောင့်နေခဲ့ပြီ ထင့်။

(သုံး)

ခပ်တွန့်တွန့်ဖြစ်သွားပုံရတဲ့ တောထွက်သတင်းဂျာနယ်က လေးတွေထဲမှာ အခုတလောတော့ ဘေးမသီရန်မခသတင်းထူးကလေးတွေ ပြန်ပါနေပြန်သဗျ။

စုံနံ့သာမြိုင်တောစပ်ကနွေ စပါးစိုက်ခင်းမှာ၊ စပါးပင်တွေ ပေါက်နေတဲ့အကြောင်း၊ စုံနံ့သာ မြိုင်ငှက်ပျောတောထဲက ငှက်ပျောပင်တစ်ပင်မှာ ငှက်ပျောသီး နှစ်လုံးပူးကြီးတစ်လုံး ထူးခြားစွာ သီးနေတဲ့အကြောင်း၊ စုံနံ့သာမြိုင် က တိရစ္ဆာန်တချို့ကို လူတို့ဌာနေ ရှိ စိုက်ပျိုးရေးလုပ်ငန်းခွင်၊ သယ် ယူပို့ဆောင်ရေးလုပ်ငန်းခွင်များ မှာ သွားရောက်တာဝန်ထမ်း ဆောင်စေတော့မယ့်အကြောင်း၊ စုံနံ့သာမြိုင်တောလုံးဆိုင်ရာ ဂေါက်သီးရိုက်ပြိုင်ပွဲမှာ ဆင်ကြီး က တစ်ချက်တည်းနဲ့ကျင်းဝင် အောင် ရိုက်ထည့်လိုက်နိုင်တဲ့အ ကြောင်း၊ မထင်မှတ်ဘဲ ရွာချ လိုက်တဲ့မိုးကြောင့် စုံနံ့သာမြိုင်မှာ ပိတောက်ပန်းတွေ ဝေနေအောင် ပွင့်တဲ့အကြောင်းစတဲ့ သတင်းထူး သတင်းဦးကလေးတွေပဲဆိုပါ တော့။

အင်း…ဒါတောင်မှ တောရဲ့ ဥပဒေတွေနဲ့ လွတ်ကင်းရဲ့လား မပြောတတ်ပါဘူး။ ကောင်းတာ လုပ်လုပ်၊ မကောင်းတာလုပ်လုပ်။စုံနံ့သာမြိုင်ကို အကြည်ညိုပျက် စေမှုဆိုတာမျိုးနဲ့ လှမ်းစွဲရင် တိရ စ္ဆာန်သတင်းသမားတွေ ဘယ်လို လွတ်အောင်ပြေးမလဲ။ ကဲ….. ပြော။။(ဖော်ပြပါ သရော်စာသည် စာရေးသူ ဂျက်ကွမ်းခြံကုန်း၏ အာဘော်သာဖြစ်သည်)

ဂျက်ကွမ်းခြံကုန်း