လွန်ခဲ့တဲ့ ၁၄ နှစ်က အာဖဂန်နစ္စတန်နိုင်ငံမှာ ဗုံးခွဲ ဖျက်ဆီးခံခဲ့ရတဲ့ ဗုဒ္ဓရုပ်ပွားတော်ကြီးတွေရဲ့ နေရာမှာ ဆလိုက်မီးနဲ့ ရုပ်ပွားတော်ပုံတော်ကို ပြန်ဖော်ပွဲတခုကို ဇွန် ၆ ရက်နဲ့ ၇ ရက်နေ့တွေက ကျင်းပပြုလုပ်ခဲ့ကြပါတယ်။

ဒီပွဲလေးကို တရုတ်ဇနီးမောင်နှံ ၂ ဦးက ဦးဆောင်စီစဉ်ခဲ့ကြတာပါ။ ဆလိုက်မီးရောင်နဲ့ ဗုဒ္ဓရုပ်ပွားတော်ပုံတွေ ၈ နာရီကြာ ပုံဖော်ပြသခဲ့ကြတာမှာ အာဖဂန်ဒေသခံတွေ ပြန်လည်တွေ့မြင်ခဲ့ကြရပြီး မြူးတူးပျော်ရွှင်စွာ ကခုန်ခဲ့ကြ ပါတယ်။

“ဒါဟာ သမိုင်းဝင်မယ့် လုပ်ဆောင်မှုတခုပါပဲ။ ဘယ်လိုပဲဖြစ်ဖြစ်၊ ကျနော်တို့သမိုင်းမှာ ဒီ ပုံတော်တွေ ရှိခဲ့တာကို ပြန်ပြီး အမှတ်ရစေတယ်။ တာလီဘန်တွေ ဖျက်ဆီးလိုက်လို့ ဒီသမိုင်းဝင် ရုပ်ပွားတော်တွေ ဘယ်လိုမှ ပြန်မရနိုင်တော့ပေမယ့် ဒီနေရာမှာ နှစ်ပေါင်းများစွာ ရှိခဲ့တာကို ပြန်အမှတ်ရမိပါတယ်။”

ပွဲအပြီးမှာ သုံးစွဲခဲ့တဲ့ စက်ပစ္စည်းတွေအားလုံးကို တရုတ်ဇနီးမောင်နှံက ဒေသခံယဉ်ကျေးမှုအမွေအနှစ် ထိန်းသိမ်းရေးဌာနကို လှူဒါန်းခဲ့ကြပြီး နှစ်စဉ် မတ်လမှာ အခုလို ဆင်းတုတော်ပုံတော်တွေကို ဆလိုက်မီးထိုးပွဲကို ကျင်းပသွားဖို့ ဆုံးဖြတ်ခဲ့ကြပါတယ်။

၂၀၀၁ ခုနှစ် မတ်လထဲမှာ တာလီဘန်တွေ ဒိုင်းနမိုက်တွေနဲ့ ဖောက်ခွဲဖျက်ဆီးလိုက်တဲ့ ဆင်းတုတော်အသေးဟာ အေဒီ ၅၀၇ ခုနှစ်က တည်ဆောက်ခဲ့ပြီး ဆင်းတုတော်အကြီးကတော့ အေဒီ ၅၅၄ မှာ တောင်နံရံကို တွင်းပြီး တည်ဆောက်ထားခဲ့တာပါ။

“ဒီဘာမီယန် ဗုဒ္ဓဆင်းတုတော်တွေနေရာမှာ မီးရောင်နဲ့ပဲ ပြန်ဖော်ပြနိုင်ခဲ့ပေမယ့် အနည်းဆုံးတော့ ဒီနေရာမှာ အဖိုးမဖြတ်နိုင်တဲ့ ဘာသာရေးနဲ့ ယဉ်ကျေးမှုအမွေအနှစ်တွေ နှစ်ပေါင်းများစွာ ဒီနေရာမှာ ရှိခဲ့ကြတယ်။ ဒါတွေကို ကျမတို့ ဆလိုက်မီးနဲ့ ထိုးပြပုံဖော်ခဲ့ကြတာဟာ ဒီကျမတို့ရဲ့ ယဉ်ကျေးအမွေအနှစ်တွေနဲ့ ကျမတို့ရဲ့ လူသားသမိုင်းကို ဘယ်လောက်တန်ဖိုးထားတယ်ဆိုတာ လူတွေ သိရှိကြလိမ့်မယ်လို့ မျှော်လင့်ပါတယ်။”

DVB