တစ်နေ့ ကို အက်စပရင်ဆေးပြားတစ်ပြား အနည်းဆုံး ငါးနှစ်ကြာ ပုံမှန်သောက်ပေးပါက အူမ-စအို ကင်ဆာ ဖြစ်နိုင်ခြေနည်းပါးကြောင်း ဒိန်းမတ်နိုင်ငံက ပြုလုပ်ခဲ့တဲ့လေ့လာမှုတစ်ခုမှာ ဖော်ပြခဲ့ပါတယ်။

အရင်ကပြုလုပ်ခဲ့တဲ့လေ့လာမှုတွေမှာ အက်စပရင် နဲ့ ibuprofen လို စတီရွိုက်မပါတဲ့အရောင်ကျဆေး(non-steroidal anti-inflammatory drugs) တွေဟာ အူမ-စအိုကင်ဆာကို ကာကွယ်တဲ့နေရာမှာ အသုံးဝင်နိုင်ကြောင်း တွေ့ ရှိခဲ့ရပေမယ့် ဘယ်လောက်ပမာဏသောက်သုံးသင့်ကြောင်းနဲ့ အချိန်ဘယ်လောက် ကြာ စွဲသောက်သင့်ကြောင်းကိုတော့ မသိရှိခဲ့ရပါဘူး။

အခုအခါမှာတော့ လူပေါင်း ၁၁၃၀၀၀ ကျော်ဆီက လေ့လာခဲ့တဲ့ အချက်အလက်တွေကို အသုံးပြုပြီး၊ သုတေသနပညာရှင်တွေဟာ အက်စပရင်နဲ့ NSAIDs ခေါ်စတီရွိုက်မပါတဲ့အရောင်ကျဆေး၊ သောက်သုံးရမယ့်အချိန်ကာလနဲ့ အူမ-စအိုကင်ဆာရောဂါတို့ အကြား ဆက်စပ်မှုကို အဖြေရှာဖို့ လေ့လာ ကြိုးပမ်းခဲ့ကြပါတယ်။

ယေဘုယျအားဖြင့်၊ အူမ-စအိုကင်ဆာဖြစ်ပွားမှုဟာ အသက်အရွယ်၊ မျိုးရိုးနဲ့ လူနေမှုပုံစံတို့ အပေါ် မူတည်ပြီး ကွာခြားမှုရှိကာ ကင်ဆာရောဂါဖြစ်ပွားမှု ၉၀ ရာခိုင်နှုန်းဟာ အသက် ၅၀ အထက် လူကြီးတွေ ဖြစ်ကြောင်း အမျိုးသားကင်ဆာသုတေသနအသင်းရဲ့ စာရင်းဇယားအရ သိရှိရပါတယ်။

ဒိန်းမတ်နိုင်ငံက ပြုလုပ်ခဲ့တဲ့လေ့လာမှုအရ၊ အက်စပရင်ဆေးပြားကို တစ်နေ့ နည်းနည်း ငါးနှစ်ဆက်တိုက် ပုံမှန် သောက်ပေးရင် အူမ-စအိုကင်ဆာဖြစ်နိုင်ခြေကို ၂၇ ရာခိုင်နှုန်းလျော့ချပေးပြီး အက်စပရင်မဟုတ်တဲ့ NSAIDs ဆေးတွေကို ငါးနှစ်ဆက်တိုက် စွဲသောက်ပေးရင် ကင်ဆာဖြစ်နိုင်ခြေ ၃၀ ရာခိုင်နှုန်းလျော့နည်းတယ်လို့ ဆိုပါတယ်။

ဒါပေမယ့် ဒီလေ့လာမှုကို ဦးဆောင်ခဲ့တဲ့ ကိုပေဟေဂင်မြို့ ၊ ဒိန်းမတ်ကင်ဆာသုတေသနအသင်းက ဆရာဝန် Dr.Soren Friss ကတော့ “ အက်စပရင် ဒါမှမဟုတ် NSAID ဆေးတွေကို ဆရာဝန်ညွှန်ကြားချက်မပါဘဲ မိမိဘာသာ သောက်သုံးခြင်းကိုတော့ လုံးဝအားမပေးပါဘူး။ ပြင်းထန်တဲ့ ဆိုးကျိုးတွေ ဖြစ်နိုင်ခြေများလို့ ပါ။

ကျွမ်းကျင်သူဆေးဝါးပညာရှင်တစ်ယောက်ယောက်နဲ့ မတိုင်ပင်ဘဲ ဘယ်ဆေးကိုမဆို ပုံမှန်စွဲမသောက်သင့်ပါဘူး” လို့ ပြောကြားခဲ့ပါတယ်။

Mario – သစ်ထူးလွင်
Ref: Reuters