ဓာတ်ပုံ-ဂျေမောင်မောင်(အမရပူရ)

မြန်မာနိုင်ငံခြားရေးဝန်ကြီး ဒေါ် အောင်ဆန်းစုကြည်သည် ယခင် က ၎င်းနှင့်စိမ်းကားသော ဆက်ဆံ ရေးရှိခဲ့သည့် အာဆီယံအဖွဲ့တွင် ယခုမှစ ငါးနှစ်တိုင်အစည်းအဝေး ထောင်ပေါင်းများစွာပါဝင်ဆွေး နွေးဆက်ဆံရတော့မည်ဖြစ်သည်။ လက်ရှိ အာဆီယံအဖွဲ့ဝင်နိုင်ငံအချို့မှာ နိုင်ငံရေးရှေ့တိုးမရ၊ နောက်ဆုတ်မရအခြေအနေကို ကြုံတွေ့နေရသည့်အခိုက် ဒေါ်အောင်ဆန်းစုကြည်လူလုံးပြပါဝင်မှု သည် အာဆီယံအဖွဲ့၏ ဒီမိုက ရက်တစ်ကောက်ကြောင်းကို အ နည်းနှင့်အများမြှင့်တင်ပေးရာ ရောက်မည်ဟု အာဆီယံသံတမန် အချို့က မျှော်လင့်လာကြသည်။ ၎င်းကဲ့သို့ နိုဗယ်ငြိမ်းချမ်းရေးဆုရှင်၊ ကမ္ဘာ့ထင်ရှားကျော်ကြား သော နိုင်ငံရေးပြယုဂ်တစ်ခုအာ ဆီယံမိသားစုတွင်ပါဝင်လာမှုသည်သမိုင်း၌ ပထမဆုံးဖြစ်လိမ့်မည်။

အာဆီယံသည် တစ်နှစ်လျှင် အစည်းအဝေးတစ်ထောင်ခန့် ကျင်းပလေ့ရှိပြီး မေလလယ်တွင် ပြုလုပ်မည့်ရုရှား-အာဆီယံထိပ် သီးအစည်းအဝေးသို့ သမ္မတဦး ထင်ကျော်နှင့်အတူ လိုက်ပါခြင်း ဖြင့် ဒေါ်အောင်ဆန်းစုကြည်သည် အာဆီယံအဖွဲ့နှင့် ပထမဆုံးစ တင်ထိတွေ့ရတော့မည်ဖြစ် သည်။ ဇူလိုင်လတွင် လာအို၌ ကျင်းပမည့် (၄၉)ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေး(AMM)ကို ဒေါ် အောင်ဆန်းစုကြည်မဖြစ်မနေ တက်ရောက်ရမည်ဖြစ်သည်။

အာဆီယံ-မြန်မာသမိုင်းအ စက ဒေါ်အောင်ဆန်းစုကြည်ပါ ၀င်ပတ်သက်မှုရှိခဲ့ဖူးသည်။ အာ ဆီယံအဖွဲ့အစည်းအနေဖြင့် ဒီမို ကရေစီရေးမြှင့်တင်ရာတွင် အ ထောက်အကူပြုနိုင်လိမ့်မည်ဆို သည့် မျှော်လင့်ချက်ဖြင့် မြန်မာ အာဆီယံအဖွဲ့ဝင်အဖြစ်ပါဝင် ရေးကို ဒေါ်အောင်ဆန်းစုကြည်က ထောက်ခံခဲ့သည်။ ၁၉၉၅၌ အာ ဆီယံအဖွဲ့လေ့လာသူအဖြစ် မြန်မာပါဝင်ခွင့်ရပြီးနောက်တစ် ပတ်အကြာ၌ ရန်ကုန်အခြေ စိုက်အာဆီယံသံတမန်များနှင့် ဒေါ်အောင်ဆန်းစုကြည်တွေ့ဆုံ ရန်အစီအစဉ်ရှိခဲ့ဖူးသည်။ 

သို့ သော် အာဆီယံ၌ စစ်အစိုးရပထ မဆုံးပြုလုပ်ခဲ့သော လှုပ်ရှားမှုက အာဆီယံ၏အဓိကစည်းမျဉ်းဖြစ် သောတစ်နိုင်ငံ၏ ပြည်တွင်းရေး ကို အခြားနိုင်ငံအနေဖြင့် ၀င် ရောက်မစွက်ဖက်ရေးဆိုသည်ကို ထောက်ပြခဲ့ခြင်းဖြစ်ပြီး ယင်း ကြောင့် ထိုအချိန်က အာဆီယံ ဥက္ကဋ္ဌဖြစ်သော ဘရူနိုင်းသည်ဒေါ် အောင်ဆန်းစုကြည်နှင့်တွေ့ဆုံ ရန်စီစဉ်ထားသောအစည်းအဝေး ကို ပယ်ဖျက်ခဲ့သည်။ ထိုအချိန် မှစ၍ ဒေါ်အောင်ဆန်းစုကြည်နှင့် အာဆီယံအဖွဲ့ကြားတွင် ဆယ်စု နှစ်နှစ်ခုတိုင် စိမ်းကားသောဆက် ဆံရေးရှိလာခဲ့သည်။ အာဆီယံ သမိုင်းတစ်လျှောက်မြန်မာနှင့် ဆက်ဆံရာတွင် မြန်မာစစ်အစိုးရ၊ စစ်အစိုးရတစ်ပိုင်းဦးသိန်းစိန်အစိုးရတို့နှင့်သာ ဆက်ဆံခဲ့ဖူးပြီးအတိုက်အခံဒီချုပ်နှင့်ဆက်ဆံမှုမရှိခဲ့ပေ။ ၁၉၉၅ခုနှစ်မှစ၍ ဒေါ်အောင်ဆန်းစုကြည်ဘက်က ရပ်တည်ကာကွယ်ပေးရန် ငြင်းဆိုခဲ့ကြသော အာဆီယံနိုင်ငံခြားရေး ၀န်ကြီးများအားလုံးမှာ ယခုအခါအငြိမ်းစားယူသူ၊ ကွယ်လွန်သူကွယ်လွန်ကုန်ကြပြီဖြစ်သည်။

ယနေ့အချိန်အထိ အာဆီယံ နိုင်ငံများ၏ အစိုးရခေါင်းဆောင် များအနက် အနည်းငယ်သာ ဒေါ် အောင်ဆန်းစုကြည်နှင့် ပုဂ္ဂိုလ် ချင်းတွေ့ဆုံဖူးပြီး ဒေါ်အောင်ဆန်းစုကြည်အနေဖြင့်လည်းအာ ဆီယံနိုင်ငံများအနက် ထိုင်းနှင့် စင်ကာပူနှစ်နိုင်ငံကိုသာ အလည် အပတ်သွားရောက်ခဲ့သည်။ ၂၀၁၀မြန်မာ့နိုင်ငံရေးအသွင်ကူး ပြောင်းမှုမတိုင်ခင်အထိမြန်မာနိုင်ငံဆိုင်ရာ အာဆီယံနိုင်ငံများ၏ သံအမတ်ကြီးများသည် မြန်မာစစ်တပ်ခေါင်းဆောင်ပိုင်း စိတ်မကျေနပ်ဖြစ်မည်ကို စိုးရွံ့၍ ဒေါ်အောင်ဆန်းစုကြည်အား (နေအိမ်အကျယ်ချုပ် ချထားမခံရ သော အခိုက်အတန့်များတွင်ပင်) တိုက်ရိုက်တွေ့ဆုံမှုမျိုးမလုပ်ဘဲ ရှောင်ကြဉ်နေခဲ့ကြသည်။ ၂၀၁၄ က အာဆီယံဥက္ကဋ္ဌအဖြစ် မြန်မာ တာဝန်ယူခဲ့ချိန်ကလည်း ဒေါ်အောင်ဆန်းစုကြည်နှင့် ၎င်း၏ ပါတီအနေဖြင့် အာဆီယံအ ခမ်းအနားများစွာ၌ ပါဝင်မှုမရှိခဲ့ ပေ။ ထိုအချိန်မှာပင် အနောက် တိုင်းခေါင်းဆောင်များက ဒေါ် အောင်ဆန်းစုကြည်ထံ သီးသန့် သွားရောက်တွေ့ဆုံခဲ့ကြသော် လည်း အာဆီယံအစိုးရများကမူ အတိုက်အခံခေါင်းဆောင်တစ်ဦး ကို အထူးတလှယ်အနေအထား တွေ့ဆုံမှုမရှိခဲ့ပေ။

ဒေါ်အောင်ဆန်းစုကြည်နှင့် ၎င်း၏ ဒီချုပ်ပါတီရွေးကောက်ပွဲ အနိုင်ရချိန်တွင် အာဆီယံအဖွဲ့ ၀င်နိုင်ငံများအနက် ပထမဆုံး ချီး ကျူးဂုဏ်ပြုကြိုဆိုသူသည် စင်ကာပူ ခေါင်းဆောင်များဖြစ်ကြ သည်။ တရုတ်နိုင်ငံကလည်း ချီး ကျူးဂုဏ်ပြုကြောင်း ထုတ်ဖော် ပြောကြားခဲ့ပြီး ရွေးကောက်ပွဲအ လွန် အကူအညီပေးရန် အသင့် ရှိကြောင်း ကတိပေးခဲ့ချိန်တွင် တောင်တရုတ်ပင်လယ်အရေးနှင့် ပတ်သက်၍ တရုတ်နှင့် ဆက်ဆံ ရေးမပြေလည်သော အာဆီယံ အစိုးရများကမူ ဒေါ်အောင်ဆန်းစု ကြည်နှင့် ၎င်း၏ပါတီအနိုင်ရ မြန်မာ့ရွေးကောက်ပွဲကို ဂုဏ်ပြု ခြင်းများလူသိရှင်ကြားပြုလုပ် ခြင်းမရှိခဲ့ပေ။

သို့သော် အဖွဲ့ဝင်နိုင်ငံများ အနေဖြင့် ၎င်းတို့၏ နိုင်ငံခြားရေး ၀န်ကြီးများကို အပြောင်းအလဲပြု လုပ်ခဲ့သည်။ ကမ္ဘောဒီးယား၊ လာအို၊ ထိုင်း၊ စင်ကာပူ၊ ဖိလစ် ပိုင်၊ ဘရူနိုင်းတို့က နိုင်ငံခြားရေး ၀န်ကြီးအသစ်များ အသီးသီးခန့် အပ်ခဲ့ပြီး အာဆီယံနိုင်ငံခြားရေး ၀န်ကြီးများအနက် မလေးရှားနှင့် ဗီယက်နမ်တို့သာ ယခင်အစိုးရ သက်တမ်းအတိုင်း ကျန်ရှိသည်။ ထို့ကြောင့် နိုင်ငံခြားရေးဝန်ကြီး အများစုသည် ဒေါ်အောင်ဆန်းစု ကြည်နှင့် ဆက်ဆံရေးတွင် အရှုပ် အရှင်းမရှိ အသစ်စက်စက်အနေ အထားဖြင့် တွေ့ဆုံကြတော့မည် ဖြစ်သည်။ အဖွဲ့ဝင်ဆယ်နိုင်ငံအ နက် ဒေါ်အောင်ဆန်းစုကြည်နှင့် အင်ဒိုနီးရှားနိုင်ငံခြားရေးဝန်ကြီး ရက်တနိုမာဆုဒီတို့နှစ်ဦးသာ အမျိုးသမီးများဖြစ်ကြသည်။ အာဆီယံအဆင့်မြင့်အရာရှိများ အနေဖြင့် မြန်မာအစိုးရသစ်၏ အာဆီယံအဖွဲ့အပေါ် အမြင်ကို သိလိုနေကြပြီး ဦးစွာ ဒေါ်အောင် ဆန်းစုကြည်အနေဖြင့် ၎င်း၏ အစိုးရအဖွဲ့ အာဆီယံမူဝါဒနှင့် ပတ်သက်၍ ၎င်းကိုယ်တိုင်ကိုယ် ကျပေါ်လွင်အောင် ချမှတ်ရန်လို သည်ဟု အာဆီယံအအဆင့်မြင့် သံတမန်တစ်ဦးက မကြာသေး မီကပင် ပြောကြားထားသည်။

ယခုနှစ် အာဆီယံဥက္ကဋ္ဌ သည် လာအိုဖြစ်ပြီး အာဆီယံအဖွဲ့ အနေဖြင့် ကမ္ဘာ့အင်အားကြီး သုံး နိုင်ငံဖြစ်သော အမေရိကန်၊ ရုရှား နှင့် တရုတ်နိုင်ငံများနှင့် အမြင့်ဆုံး အဆင့် စေ့စပ်ဆွေးနွေးမှုများလုပ် ဆောင်ရမည်ဖြစ်သည်။အာဆီယံ ခေါင်းဆောင်များနှင့် နိုင်ငံခြား ရေးဝန်ကြီးအနက် ဒေါ်အောင် ဆန်းစုကြည်သည် ကမ္ဘာ့ခေါင်း ဆောင်များနှင့် ကြိမ်ဖန်များစွာ တွေ့ဆုံဖူးသူ၊ ရင်းနှီးသောပုဂ္ဂိုလ် ရေး ဆက်ဆံရေးရှိသူဖြစ်၍ နိုင်ငံ တကာအခြေအနေအပေါ် ဒေါ် အောင်ဆန်းစုကြည်၏ အမြင်များ သည် အာဆီယံအတွက် အသုံး ၀င်လိမ့်မည်ဟု အာဆီယံအရေး စောင့်ကြည့်လေ့လာသူအချို့က သုံးသပ်ကြသည်။

‘‘သူ့ (ဒေါ်အောင်ဆန်းစု ကြည်) ရဲ့ ကမ္ဘာ့ခေါင်းဆောင်တွေ နဲ့ အကြိမ်ပေါင်းများစွာ တွေ့ဆုံမှုတွေကြောင့် နိုင်ငံတကာအခြေအ နေအပေါ် သူ့အမြင်တွေဟာ အာဆီယံအတွက် အသုံးဝင်ပါလိမ့် မယ်။ အာဆီယံအဖွဲ့ တစ်ဖွဲ့လုံး ဆိုတာကို ကိုယ်စားပြုဖို့အတွက် သူနဲ့ မြန်မာနိုင်ငံဟာ အာဆီယံအမြင်တွေနဲ့ အဆက်အစပ်ရှိ ပူးပေါင်းဖို့ အရေးကြီးပါတယ်’’ ဟု ဒေသတွင်း နိုင်ငံရေးလေ့လာသူဝါရင့်ထိုင်းသတင်းစာဆရာ ကဝီချုံကစ်တရာဝန်က သည်နေရှင်း သတင်းစာတွင် ရေးသားထား သည်။

ကဝီသည် မြန်မာနိုင်ငံခြား ရေးဝန်ကြီးသစ်အနေဖြင့် အာဆီ ယံအစည်းအဝေးများတွင် ကြုံ တွေ့ရနိုင်သည့် အခြေအနေများ ကို ထောက်ပြထားရာ ယင်း၌ တရားမဝင် ရွှေ့ပြောင်းမှုဆိုင်ရာ ပြဿနာကို ဒေါ်အောင်ဆန်းစု ကြည် ရင်ဆိုင်ဆွေးနွေးရမည်ဆို သောအချက်လည်း ပါရှိသည်။ ဒေသလုံးဆိုင်ရာ ကြိုးပမ်းမှုမှတစ် ဆင့် ဤအကဲဆတ်သော ပြဿနာ ရပ်ကိုဖြေရှင်းရန် တွေ့ဆုံဆွေး နွေးပွဲတွင် အင်ဒိုနီးရှား၊ မလေးရှားနှင့် ထိုင်းနိုင်ငံတို့ ပါဝင်ထားပြီး ဖြစ်သည်။ ယခင် အစိုးရလက် ထက်တွင် ဦးသိန်းစိန်က ထို ပြဿနာရပ်ကို ဖော်ထုတ်ဆောင် ရွက်ရေး နိုင်ငံတကာညီလာခံတစ် ခု၌ပါဝင်ရန် မီးစိမ်းပြခဲ့သည်။ ထို့ကြောင့် ဒေါ်အောင်ဆန်းစုကြည် အနေဖြင့် ဒေသတွင်း နိုင်ငံများ ဆက်စပ်ပတ်သက်နေသော ယင်းပြဿနာနှင့်ပတ်သက်၍ ဆောင် ရွက်စရာများစွာ ရှိနေသည်။

ဒေသတွင်းအခြေအနေ

ကမ္ဘောဒီးယားနှင့်မလေးရှား ကဲ့သို့ နိုင်ငံများတွင် အတိုက်အခံ တို့သည် ရွေးကောက်ပွဲ၌ အခြေအနေကောင်းသည့်တိုင် ရေရှည် အာဏာကိုင်ထားသူများနှင့် ပတ် သက်၍ တိုးတက်မှု အနည်းငယ် ဖြစ်ပေါ်ရေးကို အသည်းအသန် ရုန်းကန်နေကြရသည်။ ထိုင်းနိုင်ငံ တွင် ဒီမိုကရက်တစ်နိုင်ငံရေးအ ပေါ် စစ်တပ်က အာဏာသိမ်းထား သည်။ ဖိလစ်ပိုင်နိုင်ငံတွင်မူ လွန်ခဲ့သော ခြောက်နှစ်ခန့်က ဂျာနယ် လစ်များကို အဆိုးရွားဆုံး အစုလိုက်အပြုံလိုက် သတ်ဖြတ်မှုအ တွက် တာဝန်ရှိသော ပြည်သူ့စစ် များကို စွဲချက်တင်ရန်အတွက် အာဏာပိုင်များ ကြိုးစားနေရဆဲဖြစ် သည်။ မလေးရှားတွင်လည်း အာဏာပိုင်များသည် ၎င်းတို့အပေါ် ဝေဖန်မှုများ အသံတိတ်သွားစေ ရန်အတွက် ငြိမ်းချမ်းစွာ ဆန္ဒထုတ်ဖော်ခြင်းကိုပင် ဥပဒေနှင့်ညှိ၊ ပြစ်မှုမြောက်အောင် လုပ်ထားသည်ဟု နယူးယောက် အခြေစိုက် HRW အဖွဲ့ကြီးက အ စီရင်ခံထားသည်။

အာဆီယံ၌ ဒီမိုကရေစီအ ထွန်းကားဆုံးဟုဆိုသည့် အင်ဒိုနီး ရှားနိုင်ငံတွင်ပင် ပြုပြင်ပြောင်းလဲ ရေးကတိကဝတ်များနှင့် တက်လာခဲ့သည့် အစိုးရအပေါ် လတ်တလော သံသယပွားစရာ ဖြစ်ရပ် ဖြစ် ခဲ့သည်။ ၁၉၆၅ ကွန်မြူနစ်ဝါဒ ချေမှုန်းစဉ်အတွင်း လူပေါင်း ငါး သိန်းခန့်ကို အစုလိုက်အပြုံလိုက် သတ်ဖြတ်ခဲ့ခြင်းအား အောက်မေ့ ဖွယ်ကျင်းပသည့် Ubud စာရေး ဆရာများနှင့် စာဖတ်သူများပွဲ တော်အခမ်းအနားများကို မကြာ သေးမီက ပယ်ဖျက်ခဲ့၍ဖြစ်သည်။

အခိုင်အမာ အာဏာအမြစ် တွယ်ထားသည့် ဘရူနိုင်း၊ ဗီယက် နမ်နှင့် လာအိုတို့တွင် ရွေးကောက်ပွဲဆိုသည်မှာ အာဏာပိုင်တို့အ တွက် ရွံမုန်းစရာတစ်ခုလို ဖြစ်နေ သည်။ စင်ကာပူ၊ မလေးရှား၊ ဖိ လစ်ပိုင်တို့၏ ခေါင်းဆောင်များ သည် ယခင်ခေါင်းဆောင်များ၏ သားများ ဖြစ်ကြလေသည်။ နိုင်ငံရေးတွင် မိသားစုချည်နှောင်မှု သည် အင်ဒိုနီးရှား၊ ကမ္ဘောဒီးယားနှင့် မြန်မာတို့ကဲ့သို့ပင် ခိုင်မာနေဆဲဖြစ်သည်။

ယခုလ ၂၂ရက်က နိုင်ငံခြား ရေးဝန်ကြီးဒေါ်အောင်ဆန်းစု ကြည်သည် နိုင်ငံတကာသံတမန် ခုနစ်ဆယ်ကျော်နှင့် ပထမဆုံးအ ကြိမ်အဖြစ် တွေ့ဆုံရာ၌ အာဆီယံသံတမန်များလည်း ပါဝင်ခဲ့ သည်။ ၁၉၄၈ မြန်မာနိုင်ငံလွတ် လပ်ရေးရစဉ်ကတည်းက ကျင့်သုံး ခဲ့သည့် လွတ်လပ်၍ တက်ကြွပြီး ဘက်မလိုက်သော နိုင်ငံခြားရေး မူဝါဒကို ဆက်လက်ကျင့်သုံးမည်ဟု ထိုတွေ့ဆုံပွဲတွင် ပြောကြားခဲ့သည်။

အာဆီယံအဖွဲ့ဝင်နိုင်ငံတစ် နိုင်ငံ၏ ဒိုင်းနမစ်နှင့် အာဆီယံအ ဖွဲ့၏ အပြောင်းအလဲများကို ခွဲ ခြားထား၍ရမည်မဟုတ်ပေ။ ၁၉၈၈က အင်ဒိုနီးရှားနိုင်ငံရေးပြု ပြင်ပြောင်းလဲမှုသည် အာဆီယံ တစ်ဖွဲ့လုံး၌ အပြောင်းအလဲတစ် ခုဖြစ်ပေါ်စေခဲ့ပြီး အထူးသဖြင့် နိုင်ငံရေးလုံခြုံမှုအသိုက်အ၀န်းကို တည်ထောင်ရာတွင် သက်ရောက် ခဲ့သည်။ ယခု မြန်မာအပြောင်းအ လဲနှင့် ဒေါ်အောင်ဆန်းစုကြည်၏ နိုင်ငံခြားရေးဝန်ကြီးအခန်းကဏ္ဍ ကြောင့် အာဆီယံအပေါ်သက် ရောက်မှုမည်မျှရှိမည်နည်းဆို သည်မှာအားလုံးစောင့်ကြည့်နေ သည့် မေးခွန်းတစ်ခုဖြစ်သည်။

‘‘အာဆီယံအတွင်းမှာ ကျွန် တော်တို့ဟာ တစ်နိုင်ငံရဲ့ နိုင်ငံရေး စနစ်ကို တစ်နိုင်ငံကလေးစားတာ ကြောင့် (မြန်မာရဲ့အပြောင်းအလဲ ကြောင့်အာဆီယံအပေါ်) နိုင်ငံရေးသက်ရောက်မှုကနည်းနည်းပဲရှိ နိုင်တယ်။ အာဆီယံအတွင်းမှာ တချို့နိုင်ငံက ဒီမိုကရက်တစ်စနစ် ရှိပြီး တချို့က ကွန်မြူနစ်ဖြစ်နေ တာကိုလည်း ကျွန်တော်တို့အပြန် အလှန်လေးစားရတယ်။ ပြီးခဲ့တဲ့ နှစ်တွေအတွင်း ခင်ဗျားနိုင်ငံရဲ့အ ပြောင်းအလဲတွေမှာ အာဆီယံနိုင် ငံတွေအနေနဲ့ ခင်ဗျားနိုင်ငံရဲ့အ ပြောင်းအလဲလုပ်လိုတဲ့ဆန္ဒကို ထောက်ခံအားပေးမယ်ဆိုတဲ့စိတ် နဲ့ပဲ ရှိနေကြတာပါ။ ခင်ဗျားနိုင်ငံ ကိုပဲဖြစ်ဖြစ်၊ တခြားနိုင်ငံကိုပဲဖြစ် ဖြစ် ဘာလုပ်ပါဆိုပြီး ကျွန်တော် တို့မပြောဘူး။ ဘာဖြစ်လို့လဲဆိုတော့ အိမ်နီးချင်းကောင်းလေ’’ ဟု မြန်မာနိုင်ငံတွင် ဆယ်နှစ်ကြာ တာဝန်ထမ်းဆောင်နေသော စင် ကာပူသံအမတ်ကြီးရောဘတ်ချွာ ကပြောသည်။

အာဆီယံတွင် တစ်နိုင်ငံ၏ ပြည်တွင်းရေးကို တစ်နိုင်ငံက၀င် မစွက်ရဆိုသည့်မူရှိနေသည်။ ယ ခင်က မြန်မာနိုင်ငံအာဏာရှင် လက်အောက်ရှိနေချိန်တွင် အာဆီယံ၏ဒီမိုကရက်တစ်နိုင်ငံများ ဖြစ်သော ထိုင်းနှင့် ဖိလစ်ပိုင်တို့က ကြားဝင်မစွက်ဖက်ရေးဆိုသည်မူ ၏ အတိုင်းအတာနှင့်ပတ်သက်၍ အတော်ပင်ပွင့်ပွင့်လင်းလင်း ထုတ်ဖော်ဆွေးနွေးနေခဲ့ကြရ သည်။ သို့သော်ယခုအချိန်တွင် အခြေအနေများက ပြောင်းပြန် ဖြစ်ကုန်သည်။ တစ်ချိန်တည်းမှာ ပင် မြန်မာအနေဖြင့် အာဆီယံအ တွင်း ဒီမိုကရက်တစ်အသံ၊ ဒီမိုက ရက်တစ်စကားများပိုပြောကြား မည်ဆိုလျှင်လည်းလက်တွေ့ သက်ရောက်မှုသည် အကန့်အသတ်ရှိဦးမည်ပင်။

ငြိမ်းငြိမ်းပြည့် – 7day