Made in France ခရီးဆောင်သေတ္တာ လူဝီဗီတွန် …
(ဗဟုသုတရလိုသူတိုင်းဖတ်ထားသင့်ပါတယ်)

နာမည်ကြီး အိတ်တွေရောင်းတဲ့ လူဝီဗီတွန်ဆိုတဲ့ဆိုင် ရှိတာကိုတော့ ပါရီရောက်စကထဲက သတိပြု မိပါတယ်၊ တရက်မှာတော့ လန်ဒန်မြို့မှာ ရောက်ရှိ နေထိုင်နေတဲ့ မောင်ရင်ငတေရဲ့ အသိမိတ်ဆွေ တယောက် ရောက်ရှိလာတဲ့အခါမှာ သူ့ရဲ့ချစ်ရည်းစားအတွက်လက်ဆောင် အိတ်တလုံးဝယ်ဖို့ အစီ စဉ်ရှိပြီး ဆိုင်ကိုလိုက် ပို့ခိုင်းပါတယ်၊ မောင်ရင်ငတေလည်း ကိုယ်လိုက်ပို့တဲ့ သူတွေထဲက တခါဖူးမျှ ဝယ်ယူဖို့ အထမမြောက်ခဲ့တာတွေဘဲ ကြုံတွေ့ခဲ့ရတာကြောင့် ဒီတခါတော့ အောင်မြင်စွာနဲ့ ဝယ်ဖြစ် တော့မယ် ထင်ခဲ့ပါတယ်၊ ဝယ်ပြီးသွားရင်တော့ မှတ်တမ်းတင် ဓါတ်ပုံလေးတွေ ရိုက်ရအုံးမယ်ဆိုပြီး ကင်မရာ တပြင်ပြင်ပေါ့ဗျာ၊ ဒါပေမယ့် ဒီတခါလည်း မဝယ်ဖြစ်ခဲ့ပါဘူး၊ ဈေးကလည်း ကြီးလှသကိုဗျ၊ 

ဘာမဟုတ်တဲ့ အိတ်ကလေးတလုံးကို ၇၇၀ ယူရိုလား ကျသင့်တာလေ၊ တလလုံး ၁၅၆ နာရီ ပင်ပင် ပန်းပန်း အလုပ်လုပ်ပြီးမှ ယူရို ၁၂၀၀ လောက်ရတဲ့ မောင်ရင်ငတေအနေနဲ့ကတော့ ဒီအိတ်ကလေး လွယ်ပြီး ရှိုးများချင်တာမျိုး အားမပေးလိုပါဘူးဗျ၊ မတော်တဆ ခါးပိုက်နှိုက်လုသူတွေက ပါရီမြို့အနှံ့ ပေါမှပေါမဟုတ်လား၊ အိတ်ထဲမှာ အကြွေးကဒ်ပြားတွေသာပါပြီး တခြားတန်ဖိုးရှိတာဆို ဘာဆိုဘာ တခုမှ မပါရှိတဲ့ ငါးရာကျော်တန်တဲ့အိတ်ဆိုပြီး အပြောခံရရင်လည်း ရှက်စရာ မဟုတ်လား၊ ပြီးတော့ အစစ်နဲ့အတု ဘယ်လိုမှ ခွဲခြားသိနိုင်ဖို့ မလွယ်ကူတဲ့ ဒီလို အိတ်မျိုးတွေက တောင်ဥက္ကလာချုပ်လား မိတ်အင်ပါရီလား ဘယ်သိနိုင်ပါ့မလဲနော့၊ မောင်ရင်ငတေ အနေနဲ့က ဒီကနေ့မှာ နာမည်ကျော်ကြား လူကြိုက်များနေတဲ့ အဲလို ဈေးကြီးကြီး အိတ်မျိုးကို စိတ်မဝင်စားခဲ့ပေမယ့် အဲဒီလို အိတ်လုပ်ငန်းကို စတင်ကြံဆလို့ တီထွင်လုပ်ကိုင်ခဲ့သူ Louis Vuitton ဆိုတဲ့ ပုဂ္ဂိုလ်ကြီး အကြောင်းကိုတော့ စိတ်ဝင် စားမိရ လေးစားမိရပါတယ်၊

ဒီ နာမည်ကြီး ခရီးဆောင်အိတ်တွေ လက်ဆွဲအိတ်တွေကို ချုပ်လုပ်ပြီး သက်မွေးဝမ်းကျောင်းခဲ့ရတဲ့ Louis Vuitton မွန်စီယာ လူဝီဗီတွန် (၁၈၂၁-၁၈၉၂) ကို ပြင်သစ် အရှေ့တောင်ပိုင်းက ဆွစ်ဇာလန် နယ်စပ်အနီး ဂျူရာတောင်ခြေ Anchay မြို့စွန်နားက လူဦးရေ တရာ့ငါးဆယ်ခန့်သာ နေထိုင်ကြတဲ့ ရွာကလေးမှာ မွေးဖွားခဲ့တာပါ၊ သူ့အသက် ဆယ်နှစ်ကျော်ခန့်မှာ သူ့မိခင်ဖြစ်သူ ကွယ်လွန်သွားခဲ့ပြီး သူ့ရဲ့ဖခင်ဖြစ်သူကလည်း နောက်အိမ်ထောင်ပြုခဲ့လို့ သူဟာ အိမ်ကနေထွက်ခွာ လာခဲ့ရပါတယ်တဲ့၊

၁၈၃၅ ခုနှစ်မှာ လူဝီဗီတွန် အိမ်ကထွက်လာတော့ လက်ထဲမှာ ငွေတပြားတချပ်မှမရှိလို့ တွေ့ရာရရာ
အလုပ်လုပ်ပြီး တွေ့ကရာ အမိုးအကာအောက်မှာ ဖြစ်သလိုသာ အိပ်ခဲ့ရပြီးနောက် နှစ်နှစ်ကြာမှသာ မြို့တော်ပါရီမြေကို ခြေချမိပါတယ်တဲ့၊ ပါရီရောက်အောင် ကီလိုမီတာ လေးရာကျော် မိုင်သုံးရာနီးပါး ခရီးကို ခြေလျှင်လျှောက် ရောက်ရှိလာခဲ့တာပါတဲ့၊ အသက် ၁၆ နှစ်သားအရွယ် ၁၈၃၇ ခုနှစ်မှာ ပါရီ မြို့ကို ရောက်ရှိလာခဲ့ပြီး ရရာအလုပ် ပေါင်းစုံကို လုပ်ကိုင်ခဲ့ပြီး ၁၈၅၄ ခုနှစ်မှာတော့ Maison Louis Vuitton လို့ အမည်ရတဲ့ ခရီးဆောင် အိတ်မျိုးစုံ ချုပ်လုပ်တဲ့ လုပ်ငန်းကို စတင် တည်ထောင်နိုင်ခဲ့ပါ တယ်တဲ့၊ အဲဒီအချိန်က ဥရောပတလွှားမှာ စက်မှုတော်လှန်ရေးကြီးရဲ့ နောက်ဆက်တွဲ ရလဒ်အဖြစ် မီးရထားနဲ့ ခရီးသွားလုပ်ငန်းတွေ ထွန်းကားလာခဲ့တာမှာ လူဝီဗီတွန်ရဲ့ ခရီးဆောင်လက်ဆွဲသေတ္တာ လုပ်ငန်းဟာ တရှိန်ထိုးအောင်မြင်ခဲ့တာပါ၊ 

ကင်းဗတ်စ သားရေစများနဲ့ ခိုင်ခိုင်ခန့်ခန့် ချုပ်လို့ထားတဲ့ သူ့ရဲ့ လက်ဆွဲသေတ္တာများကို ကြိုက်နှစ်သက်သူကတော့ အဲဒီအချိန်က အာဏာသိမ်းပြီး ဘုရင်ဖြစ် လာတဲ့ Louis-Napoléon Bonaparte (Napoleon III) တတိယမြောက် နပိုလီယံ (၁၈၀၈-၁၈၇၃) ရဲ့ မိဖုရားကြီးဖြစ်သူ စပိန်မင်းသမီး Eugénie de Montijo (၁၈၂၆-၁၉၂၀) ဖြစ်ပါတယ်၊ လူဝီဗီတွန် တယောက် တတိယ နပိုလီယံ မိဖုရားကြီးရဲ့ အိတ်ချုပ်တော် ဖြစ်လာခဲ့သလို အဲဒီချိန်က ပြင်သစ်ရဲ့ အာဏာ အရှိဆုံးသောသူက လူဝီဗီတွန် လက်ဆွဲသေတ္တာများရဲ့ ဖောက်သည်ကောင်း ဖြစ်လာခဲ့လို့ လူဝီဗီတွန် လက်ဆွဲသေတ္တာများကို ပိုမိုလူကြိုက်များအောင် ကြော်ငြာပေးသလို ဖြစ်ခဲ့တာပါ၊ ၁၈၉၂ ခုနှစ်မှာ လူဝီဗီတွန် ကွယ်လွန်ခဲ့ပြီးနောက် သူ့ရဲ့သားဖြစ်သူက အိတ်ချုပ်လုပ်ငန်းကြီးကို ဆက်လက် ဦးစီးပြီးတော့ လုပ်ကိုင်ခဲ့ပါတယ်၊

လူဝီဗီတွန်ရဲ့ အိတ်တွေဟာ နှစ်ပေါင်းများစွာ ကြာမြင့်ခဲ့ပေမယ့် အရောင်အသွေးနဲ့ ဒီဇိုင်းပုံစံတွေက သိသိသာသာကြီး ပြောင်းလဲလို့ မသွားခဲ့ပါဘူး၊ အများအားဖြင့် နဂိုမူလအရောင်ဖြစ်တဲ့ ညိုပုတ်ပုတ် ညိုရင့်ရင့်အရောင်က အခုထက်ထိတိုင်ပါ၊ ခေတ်ပေါ်မော်ဒယ်မလေးများအကြိုက် ခပ်လန်းလန်းပုံစံ အရောင် ခပ်တောက်တောက်တွေတော့ ရှိနေပေမယ့်လို့ ခရီးသွားသေတ္တာတွေကတော့ မူလပုံစံကို အခုထိတိုင် အခြေခံထားတာကိုတော့ ထူးခြားစွာတွေ့ရှိ နေရပါတယ်၊ ပါရီမြို့ကို စရိတ်ပိုက်ဆံမရှိလို့ မိုင်ပေါင်းသုံးရာခရီးကို နှစ်နှစ်ကျော်ကြာ လမ်းလျှောက်လာခဲ့ရတဲ့ လူဝီဗီတွန့် နာမည်နဲ့ လုပ်ငန်းကြီး တခုဟာ လူဝီဗီတွန် ကွယ်လွန်ခဲ့ပြီး နှစ်ပေါင်းတရာ့နှစ်ဆယ်ကျော်ကြာမှာတော့ နာမည်ကြီးသထက် ကြီးရုံမျှမက တခြားသောပြင်သစ်ပြည်ရဲ့ အထင်ကရလုပ်ငန်းကြီးများဖြစ်ကြတဲ့ Moët & Chandon ရှန်ပိန်လုပ်ငန်းတို့ Hennessy ကော့ညှက်ဘရန်ဒီလုပ်ငန်းတို့ Christian Dior နဲ့ Givenchy ရေမွှေး ထုတ်လုပ်ရေး လုပ်ငန်းတို့ Sephora ရေမွှေး အရောင်းဆိုင်လုပ်ငန်း ပြင်သစ်နိုင်ငံရဲ့ ၁၈၃၈ ခုနှစ်မှာ ဖွင့်လှစ်ခဲ့တဲ့ ပထမဆုံးသော Le Bon Marché ဆူပါမားကက်လုပ်ငန်း ဂျပန်လူမျိုး Kenzo Takada ထူထောင်ခဲ့တဲ့ Kenzo ဖက်ရှင်ပစ္စည်းလုပ်ငန်းများအပါအဝင် အခြားအခြားသော လုပ်ငန်းကြီးပေါင်း များစွာဟာ အခုအခါမှာတော့ ပြင်သစ် ဘီလျှံနာသူဋ္ဌေးကြီး Bernard Arnault (၁၉၄၉-**) ဦးစီးတဲ့ LVMH လုပ်ငန်းကြီးအောက်မှာ စုရုံးရောက်ရှိလို့ နေပါပြီ၊ အဲဒီလုပ်ငန်းအမည်မှာတော့ လူဝီဗီတွန်ကို ထိပ်စီးက တင်ထားတာကို တွေ့ရပါတယ်၊ လူဝီဗီတွန် ပစ္စည်းတွေဟာ ဘယ်တော့မှ လျှော့ဈေးမရှိပါ ဆိုပြီး နာမည်ကြီးပေမယ့် အွန်လိုင်းဈေးကွက်မှာတော့ ဈေးခပ်ပေါပေါနဲ့ ရောင်းချနေကြတာကို တွေ့မြင်ရလေ့ရှိလို့ စစ်သလားတုသလား ဆိုတာကိုတော့ မောင်ရင်ငတေလို ခပ်တုံးတုံးခပ်အ အကောင် ကတော့ ခန့်မှန်းနိုင်မှာ မဟုတ်ပါဘဲ လူဝီဗီတွန် ကြိုက်နှစ်သက်သူများသာ ခွဲခြားသိနိုင်ကြမှာပါ၊

လူဝီဗီတွန်ရဲ့ အိတ်များကို အရူးအမူး ကြိုက်နှစ်သက်သူများကတော့ အာရှနဲ့ အာဖရိကက သူဋ္ဌေး
လက်သစ်များ ဖြစ်ကြတယ်လို့ ဆိုပါတယ်၊ ဂျပန်ပြည်မှာတော့ လူဝီဗီတွန် ဒီဇိုင်းသစ် စတင်ရောင်းချ ပေးမယ့်ရက်ဆိုရင် ညအိပ်တန်းစီလို့ စောင့်ဝယ်ကြသူ ပိုက်ဆံဖြုန်းနိုင်တဲ့ ဂျပန်လူငယ်အများအပြား ရှိပါတယ်လို့ တိုကျိုမြို့ရောက် မောင်ရင်ငတေရဲ့ သူငယ်ချင်းက ပြောပြပါတယ်၊ ကိုယ်တွေ့ ကြုံရဖူး တာကတော့ ပါရီမြို့ ရှောင်ဇေလီဇေလမ်းမကြီးပေါ်က လူဝီဗီတွန် အရာင်းဆိုင်ရှေ့မှာ ရပ်ကြည့်ရင်း
မယောင်မလည်လုပ်နေခိုက်မှာ ဟောင်ကောင်တရုတ်တိုးလ်ရစ်တယောက်လား ပါရီတရုတ်တန်းက တရုတ်မလား မသိပါဘူး၊ မောင်ရင်ငတေကို လာလည်တဲ့သူတဦးလို့ ထင်ပြီးတော့ လူဝီဗီတွန်အိတ်
ကောင်းကြောင်းတွေပြောပြီး မဝယ်လိုပါက သူ့ရဲ့ကိုယ်စား ပတ်စ်ပို့စ်စာအုပ်ပြဝယ်ပေးဖို့ တောင်းဆို လာပါတယ်၊ ပါရီမြို့က လူဝီဗီတွန်ကိုဝယ်ပြီး ဟောင်ကောင်တိုင်ဝမ် မကာအို တရုတ်ပြည်မှာ ပြန်ပြီး ရောင်းရင် မြိုးမြိုးမြက်မြက် မြတ်ကြလို့ အဝယ်များတဲ့ သူတို့လူမျိုးတွေ ပုံစံဆိုရင် ပတ်စ်ပို့စ်စာအုပ်နဲ့ အမှန်အကန် ခရီးသွားသူတယောက်ဖြစ်မှသာ ရောင်းချပေးတာဖြစ်ပါတယ်တဲ့၊ ၇၈ ရာခိုင်နှုန်းသော ဂျပန်မလေးများဟာ ဟန်းနီးမွန်းခရီးစဉ်အဖြစ် ပါရီမြို့ကို ရွေးချယ်ကြကြောင်းနဲ့ ပါရီမှာ ဈေးဝယ်ချင် ကြကြောင်း အဲဒီအခါမှာ ဒီလို Louis Vuitton တံဆိပ် အိတ်ကလေးတလုံးကလည်း မပါမဖြစ် ပါဝင် ကြကြောင်းပါ၊ ထိုနည်းအတူ မောင်ရင်ငတေတို့ ရွှေပြည်တော်ဖွား မမပျိုပျိုအိုအိုတို့လည်း ခုအခါမှာ လူဝီဗီတွန် ပြိုင်ပွဲကြီးထဲမှာ ပါဝင်ဆင်နွှဲလာကြသူတွေ ပိုလို့ပိုလို့ များပြား၍ လာနေကြောင်းပါခင်ဗျာ၊

လူဝီဗီတွန်ရဲ့ မျိုးဆက်တွေကတော့ ဘယ်ရောက်လို့ ဘယ်ပေါက်ပြီး လက်ရှိ လူဝီဗီတွန် လုပ်ငန်းမှာ
ဘယ်လိုပါဝင် ပတ်သက်နေတယ်ဆိုတာကို ရေရေရာရာမသိရှိနိုင်ပေမယ့် လက်ရှိ လူဝီဗီတွန်ပိုင်ရှင်
သူဋ္ဌေးကြီးဖြစ်သူ ပြင်သစ်နိုင်ငံမှာ အခွန်ခဆောင်ရတာ များပြားလွန်းလှလို့ ဘယ်လ်ဂျီယံ နိုင်ငံသား အဖြစ် ပြောင်းလဲခံယူဖို့ ကြိုးစားခဲ့သူ Bernard Arnault တယောက်ကတော့ သူ့ရဲ့ လုပ်ငန်းတွေကို အောင်မြင်စွာနဲ့ တိုးချဲ့ရင်း တိုးချဲ့နေသလို *** လူဝီဗီတွန် *** ဆိုတဲ့ အမည်နာမကလည်း နောင် နှစ်ပေါင်း တော်တော်များများအထိ ဆက်လက်တည်ရှိနေအုံးမှာ မလွဲမသွေပါ ခင်ဗျာ၊

(ဥရောပမှာတော့ တတိယအချမ်းသာဆုံးသူဖြစ်ပြီး ကမ္ဘာ့အချမ်းသာဆုံးသော သူဋ္ဌေးကြီးစာရင်းဝင် အဲဒီ ဘီလျှံနာကြီး Bernard Arnault ရဲ့ ဘယ်လ်ဂျီယမ်နိုင်ငံသားအဖြစ် ပြောင်းလဲခံယူခဲ့မှုကတော့ မအောင်မြင်ခဲ့ပါဘူး ထင်ပါရဲ့၊ ဒီကနေ့ထိတိုင် ပြင်သစ်နိုင်ငံသား အဖြစ်နဲ့သာ တည်ရှိနေစဲပါ ခင်ဗျာ၊ ဘယ်သူတွေက ကန့်ကွက်လို့ ဘယ်သူတွေက ဘာလို့ လက်မခံခဲ့ပါသလဲဆိုတာကို မောင်ရင်ငတေ စိတ်သိပ်မဝင်စားလို့ မစုံစမ်း မမေးမြန်းမိပါဘူး၊)

အတုအစစ် ခွဲခြားနိုင်ဖို့ နမူနာပါ၊ Counterfeit Louis Vuitton Pochette Multicolore
http://www.looksofluxury.com/…/7247664-counterfeit-louis-vu…

လူဝီဗီတွန် နောက်ဆက်တွဲ ….

ထုံးစံအတိုင်း လူဝီဗီတွန်အကြောင်းပြန်ဖတ်ကြည့်တော့ လိုအပ်နေတာလေးတွေကို နည်းနည်းပါးပါး
ပြုပြင်စရာရှိတာ ပြုပြင်ပါတယ်၊ နောက် ဖြည့်စရာရှိတာလေးတွေကိုလည်း ဖြည့်ချင်မိပါသေးတယ်၊

မွန်စီယာလူဝီဗီတွန် (၁၈၂၁-၁၈၉၂) မွေးဖွားခဲ့ရာ Anchay ဆိုတာက ဒီကနေ့ အင်တာနက် စာမျက် နှာများနဲ့ ဂူဂဲလ်မြေပုံမှာတော့ Lavans-sur-Valouse ဆိုပြီးတွေ့ရပါတယ်၊ တောင်ကုန်းမို့မို့တွေကြား တောင်ယာစိုက်ခင်းတွေကြား ဟိုနားအိမ်လေး လေးငါးဆယ်လုံး ဒီနားအိမ်လေး လေးငါးဆယ်လုံးနဲ့ အိမ်စုအိမ်စုတွေထဲက အိမ်စုတစုကို Anchay လို့ ခေါ်ပါတယ်၊

Charbouilla, လူဝီဗီတွန် မွေးရပ်မြေကြီး
အဲဒီဂျူရာတောင်တန်းဒေသဆီသို့ ဒီနှစ်ထဲမှာ မောင်ရင်ငတေ နှစ်ခေါက်တိုင်တိုင် ရောက်ခဲ့ပါတယ်၊ Anchay ရွာလေးကို ရောက်ဖူးချင်လို့ သွားဖို့ ကြိုးစားမိခဲ့ပါသေးတယ်၊ ဒါပေမယ့် အဲဒီရွာပိစိလေးကို ဖြတ်သန်းသွားဖို့ ဘယ်လိုမှ လမ်းကြော မသင့်တာမို့ မရောက်ရှိခဲ့ရပါဘူး၊ အတော်ခေါင်တဲ့ ရွာလေး လို့သာ ပြောရပါတော့မယ်၊ အဲဒီလမ်းကြောကို ဖြတ်သွားဖူးသူ မောင်ရင်ငတေ့ မိတ်ဆွေအပြောအရ
သာမန် ရွာစုလေးတွေသာဖြစ်ကြောင်း အေးအေးချမ်းချမ်းနဲ့ တောအလုပ်တောင်အလုပ်တွေကိုသာ လုပ်ကိုင်စားကြသူတွေသာ ဖြစ်ကြောင်း ရွာလယ်လမ်းဆုံ ကွက်လပ်လေးကို Place Louis Vuitton
အမည်ပေးထားတာတော့ တွေ့ခဲ့ရပါကြောင်း ဒါပေမယ့် မွန်စီယာ လူဝီဗီတွန်နဲ့ ပတ်သက်နေတာကို ဘယ်သူကမှ ဂရုစိုက်ကြဟန် မတူကြကြောင်းကိုပါ ခင်ဗျာ၊ အဲဒါနဲ့ မောင်ရင်ငတေလည်း အပြင်မှာ တကယ်မရောက်ခဲ့ရပေမယ့် ဂူဂဲလ်မြေပုံကနေ သွားကြည့်လိုက်တော့ အဲသလို ဖြစ်နိုင်ခြေက တရာ ရာနှုန်းပါ ခင်ဗျား၊ တကယ်ပါ၊

လူဝီဗီတွန် မွေးဖွားခဲ့ရာ Charbouilla ဆိုတဲ့ မြေနေရာကတော့ Ancheronne ရေချောင်းသေးသေး ကလေးရဲ့ နဘေးက ခြုံတောကြီး တခုအဖြစ် Anchay အိမ်စုလေးတွေရဲ့ မလှမ်းမကမ်းမှာ တွေ့မြင် ရမှာပါတဲ့၊ ဘယ်လိုဖြစ်ဖြစ်ပါ၊ သူလို နာမည်ကျော်တယောက်ရဲ့ မွေးရာမြေကိုတော့ မောင်ရင်ငတေ ရောက်ဖူးချင်ပါသေးတယ်၊ အခြေအနေ ပေးလာခဲ့ရင်တော့ ရောက်အောင် သွားပါဦးမယ်၊

အဲဒီ ခပ်ခေါင်ခေါင် လူမသိသူမသိ ရွာသားလေးရဲ့ အမည်က ကမ္ဘာအရပ်ရပ်မှာ မသိသူမရှိတော့တဲ့
နာမည်အကြီးဆုံးသော ဈေးအကြီးဆုံးသော အမှတ်တံဆိပ်တွေထဲမှာ ထိပ်ဆုံးကတံဆိပ်တခုအဖြစ် ရပ်တည်လာခဲ့တာကို မောင်ရင်ငတေ အသိအမှတ် ပြုပါတယ်၊

လေးစားမိရတာကတော့ လူဝီဗီတွန် ဆိုတဲ့ ပုဂ္ဂိုလ်ကြီးကိုသာပါ၊
လေးစားပါတယ် . . . . . . . . ……. မွန်စီယာ လူဝီဗီတွန် ခင်ဗျား၊

Credit to https://maungyinngatay.blogspot.fr/2016/05/blog-post_31.html
Ref: http://moemaka.com/archives/36393
မောင်ရင်ငတေ ၃၁၀၅၂၀၁၆