ရွှေ့ပြောင်းလုပ်သား, ထိုင်း

တရားမ၀င် ရွှေ့ပြောင်းအလုပ်သမားများက ထိုင်းနိုင်ငံသားတွေရဲ့ အလုပ်အကိုင်ကို လုယက် လုပ်ကိုင်နေသလို ဖြစ်နေကြောင်း ထိုင်းနိုင်ငံလက်ထောက်အလုပ်သမားဝန်ကြီးဌာနက စက်တင်ဘာလ (၁၃) ရက်နေ့ အစည်းအဝေးမှာ ပြောသွားချက်ကို ထိုင်းနိုင်ငံ သတင်းမီဒီယာများက ဖော်ပြထားပါတယ်။
အလုပ်သမားရှာဖွေရေးဦးစီးဌာနနှင့် သက်ဆိုင်ရာဌာနများ ပူးပေါင်းပြီး အထူးအဖွဲ့အနေဖြင့် ရွှေ့ပြောင်းအလုပ်သမားများကို ၂၀၁၆ ခုနှစ် စက်တင်ဘာလမှ ဒီဇင်ဘာလအထိ လိုက်လံစစ်ဆေး ဖမ်းဆီးသွားမှာဖြစ်ပြီး တစ်လလျှင် (၅)ကြိမ် စစ်ဆေးဖမ်းဆီးမယ်လို့ သိရပါတယ်။

ငြိမ်းချမ်းရေးနှင့် အမျိုးသားဒီမိုကရေစီကောင်စီ(NCPO)မှ ထုတ်ပြန်ထားသော စာအမှတ် ၁၀၀/၂၅၅ နဲ့ ၁၀၁/၂၅၅၇ အရ အမြန်ဆုံးဆောင်ရွက်သွားမည်ဖြစ်ပါတယ်။

၂၀၁၇ ခုနှစ် ဇန်နဝါရီလမှ စက်တင်ဘာလအထိ အထူးအဖွဲ့(၆)ဖွဲ့ဖြင့်လည်း ရွှေ့ပြောင်းအလုပ်သမားဆိုင်ရာ လူကုန်ကူးတိုက်ဖျက်ရေးကောင်စီ ခေါင်းစဉ်အောက်တွင် ရက်ရှည် စစ်ဆေးဖမ်းစီးအရေးယူမှုများ လုပ်သွားမယ်လို့ သိရပါတယ်။

အလုပ်သမားများကို ဥပဒေအရ မှန်မှန်ကန်ကန် စစ်ဆေးနိုင်ရန် ၂၀၁၇ ခုနှစ်တွင် အလုပ်သမားရှာဖွေရေး ဦးစီးဌာနမှ သက်ဆိုင်ရာဝန်ထမ်းပေါင်း (၁၀၀) ကို သင်တန်းပို့ချပြီး လက်မှတ်ထုတ်ပေးမှာဖြစ်ပါတယ်။

ထိုင်းနိုင်ငံအတွင်း တရားမဝင်ခိုးဝင်လာသော ရွှေ့ပြောင်းအလုပ်သမားများကို ပိုပြီးကြီးကြပ်စစ်ဆေးရန် လုံခြုံရေးအဖွဲ့နှင့် လူဝင်မှုကြီးကြပ်ရေးဦးစီးဌာနကလည်း လုပ်ဆောင်ဖို့ တောင်းဆိုထားပါတယ်။

၂၀၁၆ ခုနှစ် စက်တင်ဘာလ (၉)ရက်နေ့မှ(၁၁)ရက်နေ့ထိ နယ်စပ်တလျှောက်တွင် တရားမဝင်ရွှေ့ပြောင်း အလုပ်သမားပေါင်း(၂၉၇)ဦး ဖမ်းဆီးရမိကြောင်း သိရပါတယ်။

ကိုးကား-❂ #TachileikNewsAgency

သတင်း
ရဲမင်း(AAC)