မြန်​မာ့ရုပ်​ရှင်​

ရုပ်ရှင်/ ဗီဒီယိုဇာတ်ကားများ ရိုက်ကူးရာတွင် စံသတ်မှတ်မှုအဖြစ် အသုံးပြုမည့်စာချုပ်၌ ထည့်သွင်းမည့် အချက်အလက်များနှင့်ပတ်သက်ပြီး အနုပညာရှင်၊ အတတ်ပညာရှင်များ ယခုလအတွင်း တွေ့ဆုံဆွေးနွေးသွား မည် ဖြစ်ကြောင်းသိရသည်။ ”ရုပ်ရှင်ဗီဒီယို ရိုက်ကူးတဲ့နေရာမှာ စာချုပ်စာတမ်းနဲ့လုပ်ဖို့အတွက်ဆို ရင် လောကသားတွေအားလုံးသဘောတူတဲ့ စည်းကမ်းချက်တွေပါဝင်တဲ့ စာချုပ်တစ်ခုကို ကျွန်တော်တို့ဘက်က စံသတ်မှတ်မှုအနေနဲ့လုပ်ပြမှရမယ်။ အဲဒီလိုမျိုး စာချုပ်ရဖို့အတွက်ဆိုရင် အနုပညာရှင် အတတ်ပညာရှင်တွေနဲ့ တွေ့ဆုံဆွေးနွေးဖို့အတွက် ကျွန်တော်တို့စီစဉ်နေပါတယ်” ဟု သရုပ်ဆောင်ဇာဂနာက စက်တင်ဘာ ၁၉ ရက် တွင် ပြောသည်။
ယခုအခါတွင် ရုပ်ရှင်ဗီဒီယိုဇာတ် ကားများရိုက်ကူးရာ၌ ထုတ်လုပ်သူ နှင့်အနုပညာရှင်များအကြား သဘောတူစာချုပ် ချုပ်ဆိုမှုများရှိသော်လည်း နားလည်မှုအရ ချုပ်ဆိုထားသောစာချုပ်ဖြစ်ကြောင်း သိရသည်။ ယင်းကဲ့ သို့ နားလည်မှုဖြင့်ချုပ်ဆိုသည့်အခါတွင် အနုပညာလောက၌ အချိန်မတိကျခြင်းကြောင့်ဖြစ်သော ပြဿနာများ၊ ဇာတ်ကားရိုက်ကူးစဉ်တွင် လိုက်နာရမည့်စည်းကမ်းများကို မလိုက်နာခြင်းကြောင့် ဖြစ်ပေါ်သော ပြဿနာများကို ရင်ဆိုင်နေရကြောင်း သိရသည်။

”နောက်ဆုံး MRTV-4 တို့ Sky Net တို့ကအစ စာချုပ်စာတမ်းတွေနဲ့လုပ်ဆောင်နေတာပါ။ ကျွန်တော်တို့ရုပ်ရှင်လောကတစ်ခုတည်း နှုတ်ကတိတွေ သံယောဇဉ်တွေနဲ့လုပ်ကြတယ်။ အဲဒီတော့ဘာဖြစ်လာလဲ။ အ ငြင်းပွားရတယ်။ စိတ်ညစ်ရတယ်။ စကားများရတယ်။ စာချုပ်စာတမ်း နဲ့သာလုပ်မယ်ဆိုရင် ကျိန်းသေတာတစ်ခုကတော့ ပရော်ဖက်ရှင်နယ်စစ် စစ်တစ်ခုဖြစ်လာမယ်။ ပြန်ကြားရေး ဝန်ကြီးဌာနနဲ့ လွှတ်တော်၊ အစိုးရတွေကသာ စည်းမျဉ်းစည်းကမ်းတစ်ခုနဲ့ စာချုပ်ချုပ်ဆိုမယ်ဆိုရင် ဇာတ်လမ်းတင် ပြမှုကိုပေးမယ်ဆိုရင် ရုပ်ရှင်လောက က အခုထက်အဆပေါင်းများစွာမြင့် မားလာမှာပါ”ဟု ဒါရိုက်တာဝိုင်းက ပြောသည်။

ယခုအခါ ပြန်လည်ပြုလုပ်မည့် စာချုပ်တွင် ဇာတ်ကားတစ်ကားရိုက် ကူးရန်အတွက် ယင်းဇာတ်ကားတွင် ပါဝင်မည့် အနုပညာရှင်တစ်ယောက် ၏အနုပညာကြေး၊ ဇာတ်ကားရိုက် ကူးစဉ်ကာလအတွက် လိုက်နာရမည့် စည်းကမ်းချက်များ အစရှိသောအနု ပညာရှင်၊ အတတ်ပညာရှင်များသဘော တူထားသော စည်းကမ်းချက်များပါ ဝင်မည့် စံသတ်မှတ်မှုစာချုပ်ကိုပြုလုပ် သွားမည်ဖြစ်သည်။

NN – democracytoday