ချစ်ကောင်း, အိမ့်ချစ်, ၅၂၈

၅၂၈ အမည်ဖြင့် ပြုလုပ် ခဲ့သော အဆိုတော်ချစ်ကောင်းနှင့် အိမ့်ချစ်တို့၏ ဂီတမျိုးဆက်သား အဖနှစ်ဦး ဖျော်ဖြေပွဲတွင် ပရိသတ်များအား သီချင်းပုဒ်ရေများစွာဖြင့် ဖျော်ဖြေပေးခဲ့ပြီး ၎င်းတို့မိသားစု အပေါ် ပရိသတ်များက ကရုဏာ သက်စေခဲ့သည့် ဖျော်ဖြေပွဲလည်း ဖြစ်ခဲ့သည်။
၅၂၈ ဟု အမည်ပေးထား သော ယင်းဖျော်ဖြေပွဲကို အောက် တိုဘာ ၁ ရက်ညက အမျိုးသား ကဇာတ်ရုံ၌ ပြုလုပ်ခဲ့ပြီး ချစ် ကောင်းနှင့် အိမ့်ချစ်တို့နှစ်ဦးက သီချင်းအပုဒ် ၃၀ ခန့်ဖြင့် ပရိသတ်များအား ဖျော်ဖြေပေးခဲ့သည်။

၎င်းတို့နှစ်ဦး အတူဖျော်ဖြေ သည့်အစီအစဉ်တွင် တစ်ဦး၏သီချင်းကို တစ်ဦးက ပြန်လည် သီဆိုဖျော်ဖြေမှုအစီအစဉ်လည်း ပါဝင်ခဲ့သည်။

ပရိသတ်အကြိုက် တေး သီချင်းများသာ ဖျော်ဖြေခဲ့သော ကြောင့် သီချင်းတိုင်းကို ပရိသတ် များက လိုက်ပါသီဆိုအားပေးခဲ့ ကြသလို ချစ်ကောင်းနှင့် အိမ့်ချစ် တို့ကလည်း အင်တိုက်အားတိုက် ဖျော်ဖြေခဲ့ကြသည်။

အဆိုပါ ဖျော်ဖြေပွဲကို တိုက် ရိုက်ထုတ်လွှင့်ခဲ့သော်လည်း ပွဲ ကျင်းပသည့် အမျိုးသားကဇာတ် ရုံ အပြည့်နီးပါး ပရိသတ်များ လာရောက်အားပေးခဲ့ကြပြီး သီချင်းတိုင်းတွင် အဆိုတော်နှစ်ဦး စလုံးအား ပန်းစည်းများ၊ အရုပ်များပေးခဲ့ကြသည်။

နောက်ဆုံး ဖျော်ဖြေတင် ဆက်မှုအစီအစဉ်တွင် စင်အောက် အထိဆင်း၍ ဖျော်ဖြေခဲ့ကြပြီး အိမ့်ချစ်က ဖခင်နှင့် မိခင်ကို ကန် တော့သည့်အချိန်တွင်မူ ပရိသတ် များက ၎င်းတို့၏ မိသားစုအပေါ် ကရုဏာသက်ခဲ့ကြသည်။

ယခုဖျော်ဖြေပွဲကို သမီး၏ ဆန္ဒအရ သီဆိုဖျော်ဖြေခဲ့ခြင်းဖြစ် ပြီး ၎င်းကဲ့သို့ပင် သမီးဖြစ်သူကို အားပေးသောကြောင့် ပရိသတ် များကို ကျေးဇူးတင်ကြောင်း ချစ်ကောင်းက ပြောကြားခဲ့သည်။

ယင်းဖျော်ဖြေပွဲတွင် သီချင်း စုစုပေါင်း အပုဒ် ၃၀ ခန့် သီဆိုခဲ့ပြီးနှုတ်ဆက်သီချင်းသီဆိုပြီးချိန်တွင်ပရိသတ်များက ထပ်မံတောင်းဆို ခဲ့သောကြောင့် ‘ရေစီးကြောင်း သံယောဇဉ်’သီချင်းကို ထပ်မံ သီဆိုဖျော်ဖြေခဲ့သည်။

ဖျော်ဖြေပွဲတွင် ချစ်ကောင်းက ၎င်း၏ နာမည်ကြီးတေးသီချင်းများဖြစ်သည့် မာယာ ၁ နှင့် မာယာ ၂ ၊ ရင်ခုန်မှ အရမ်းချစ်သတဲ့လား၊ ကော်ဖီခါးခါး စသည့် သီချင်းများအပါအဝင် တစ်ကိုယ်တော်ဖျော် ဖြေမှုအနေဖြင့် ရှစ်ပုဒ်ဖျော်ဖြေ ပေးခဲ့သလို အိမ့်ချစ်ကလည်း ၎င်းနောက်ဆုံးထွက်ရှိထားသည့် အောင်မြင်မှုနောက်ကွယ်သီချင်း အပါအဝင် စုစုပေါင်းသီချင်း ရှစ် ပုဒ် သီဆိုပေးခဲ့သည်။

ဇွဲဥာဏ်​ – 7day news