ဦးနှောက်, သွေးကြောပိတ်, ​လေဖြတ်

ဦးနှောက် သွေးကြောပိတ်၍ လေဖြတ်ရောဂါ လက္ခဏာ စတင်ဖြစ်ပေါ်ချိန်မှ သုံးနာရီအတွင်း ရန်ကုန် ပြည်သူ့ဆေးရုံကြီး လေဖြတ်ရောဂါ အထူးကုသဆောင်သို့ ရောက်လာသည့် လူနာများကို သွေးခဲပျော်ဆေး RTPA (Recombinant Tissue Plasminogen Activator) ဖြင့် ကုသမှုပေးနေကြောင်း သိရသည်။
လေဖြတ်ရောဂါသည် ဆေးပညာဆိုင်ရာ အရေးပေါ် အခြေအနေ တစ်ရပ်ဖြစ်ပြီး အချိန်မီ ကုသမှုမရှိသည်နှင့် ဦးနှောက်၏ လုပ်ဆောင်ချက်၊ လုပ်ငန်းဆောင်တာများ ဆုံးရှုံးမည် ဖြစ်ကြောင်း၊ ဦးနှောက် သွေးကြောပိတ်၍ လေဖြတ်သော လူနာဖြစ်ပါက လေဖြတ်ရောဂါ လက္ခဏာများ စတင်ဖြစ်ပေါ်သည့် အချိန်မှ သုံးနာရီအတွင်း ဆေးရုံသို့ ရောက်ရှိလာလျှင် သွေးခဲပျော်ဆေး RTPA ဖြင့် ကုသမှုပေးရန် စာရင်းထည့်သွင်းပြီး ယင်းဆေးပေးသင့်သော သတ်မှတ်ချက်များနှင့် ကိုက်ညီသင့်လျော်ခြင်း ရှိမရှိ စစ်ဆေးကြောင်းနှင့် လူနာသည် သွေးကြောပိတ်၍ လေဖြတ်ခြင်း ဖြစ်သော်လည်း တစ်ကြိမ် လေဖြတ်ဖူးခြင်း၊ ဦးနှောက်သွေးကြော တစ်ကြိမ်ပေါက်ဖူးခြင်း၊ လွန်ခဲ့သော သုံးလက နှလုံးသွေးကြော ပိတ်ရောဂါ ဖြစ်ဖူးခြင်း၊ ဦးနှောက် ထိခိုက်ဒဏ်ရာ ရဖူးခြင်း၊ ခွဲစိတ်ကုသမှု အကြီးစား ပြုလုပ်ထားဖူးခြင်း၊ အစာအိမ် သွေးယိုစိမ့်ဖူးခြင်း၊ ခန္ဓာကိုယ်မှ သွေးယိုစိမ့်ဖူးခြင်း၊ အသက် ၈၀ ကျော်နေခြင်း၊ ကိုယ်ဝန်ဆောင် အမျိုးသမီးဖြစ်ခြင်း စသည့်အကြောင်းများရှိပါက သွေးခဲပျော်ဆေးသွင်း၍ ကုသ၍မရကြောင်း သိရသည်။

လေဖြတ်သည့် ရောဂါလက္ခဏာ စတင်ဖြစ်ပေါ်သည့် အချိန်နှင့် ဆေးရုံသို့ရောက်ရှိပြီး ဆေးသွင်းကုသပြီးသည် အထိ အချိန်ကြာမြင့်ချိန် နည်းလေ သက်သာ ပျောက်ကင်းသည့် လူနာများလေဖြစ်ကြောင်း၊ ဆေးသွင်းကုသသည့် လူနာများ၏ ရာခိုင်နှုန်း ၃၀ မှာ ဆေးသွင်းကုသပြီး သုံးလအကြာတွင် ကုသမှု မခံယူခဲ့ရသူများနှင့် နှိုင်းယှဉ်ပါက ကိုယ်တစ်ခြမ်း မသန်စွမ်းခြင်းသည် မရှိတော့ကြောင်း (သို့မဟုတ်) အနည်းငယ်သာ ကျန်တော့ကြောင်း သိရသည်။

လေဖြတ်ရောဂါ အထူးကုသဆောင်တွင် သွေးခဲပျော်ဆေး RTPA ဖြင့် ဦးနှောက်သွေးကြောပိတ် လူနာများအား ဆေးသွင်း ကုသပေးမှုကို နံနက် ၇ နာရီမှ ညနေ ၄ နာရီ အထိ ၀န်ဆောင်မှုပေးနေပြီး ကျွမ်းကျင် ၀န်ထမ်းများကို ထပ်မံ လေ့ကျင့်သင်ကြားပေးလျက် ရှိရာ ယခုထက် အချိန်ပိုမိုတိုးချဲ့၍ ၀န်ဆောင်မှု ပေးနိုင်ရန် လုပ်ဆောင်လျက်ရှိကြောင်းနှင့် ကျန်းမာရေးနှင့် အားကစား ၀န်ကြီးဌာနအနေဖြင့် နိုင်ငံတစ်ဝန်းရှိ ပြည်သူ့ဆေးရုံများနှင့် ပုဂ္ဂလိကဆေးရုံများတွင် လေဖြတ်ရောဂါ အထူးကုသဆောင်များ ဖွင့်နိုင်ရေးနှင့် RTPA ဆေးဖြင့် သွေးခဲဖျော်ခြင်း ကုသမှုကို ပေးနိုင်ရန် အထောက်အကူ အဖွဲ့ဖွဲ့စည်းကာ လုပ်ဆောင်လျက် ရှိကြောင်း သိရသည်။

သွေးခဲပျော်ဆေးတွင် ဘေးထွက်ဆိုးကျိုးများရှိပြီး ဆေးသွင်းနေစဉ် သွေးပေါင်ချိန် အလွန်အမင်း ကျဆင်းသွားခြင်း၊ ဓာတ်မတည့်ခြင်းနှင့် အဓိကမှာ သွေးယိုစိမ့်ခြင်းဖြစ်ပြီး ဆေးသွင်း ကုသမှု ခံယူထားသော လေဖြတ်ရောဂါ လူနာများတွင် လက္ခဏာမပြသော သွေးယိုစိမ့်မှုမှာ ၁၉ ရာခိုင်နှုန်းရှိပြီး အသက်အန္တရာယ်ရှိသော သွေးယိုစိမ့်မှုမှာ ၀ ဒသမ ၇ ရာခိုင်နှုန်း ရှိကြောင်း၊ အချိန် လေးနာရီကျော်မှ သွေးခဲပျော် ဆေးသွင်းလျှင် ဆေး၏ဘေးထွက် ဆိုးကျိုးဖြစ်သည့် ခန္ဓာကိုယ် သွေးယိုစိမ့်မှုများ ပိုမိုတွေ့ရှိရကြောင်း သိရသည်။

Eleven news