letter-to-the-edito

အစိုးရအဖွဲ့၏ စွမ်းဆောင်ရည်ကို ပြရတော့မည့် အချိန်… အယ်ဒီတာ့ အာဘော်
နိုင်ငံတော်၏ အတိုင်ပင်ခံပုဂ္ဂိုလ်က လက်ရှိ အချိန်အထိ အစိုးရအဖွဲ့မှ ၀န်ကြီးများနှင့်ပတ်သက်၍ စိတ်ကျေနပ်မှုအရှိဆုံးမှာ လာဘ်မစားခြင်းပါဟု စင်ကာပူ ခရီးစဉ်တွင် Channel News Asia သတင်းဌာနနှင့် သီးသန့်တွေ့ဆုံမေးမြန်းခန်း၌ ဖြေကြားခဲ့သည်။ နိုင်ငံတကာ ပွင့်လင်းမြင်သာမှုအဖွဲ့၏ ၂၀၁၆ ကမ္ဘာ့ခြစားမှုစာရင်းတွင် အဆိုးဆုံး ၂၃ နိုင်ငံစာရင်းဝင်သော နိုင်ငံ၏ ဝန်ကြီးများလာဘ်မစားခြင်းမှာ ကောင်းသတင်းပင်ဖြစ်သည်။

ပြည်ထောင်စုဝန်ကြီးများ လာဘ်ပေးလာဘ်ယူမှုနှင့်ပတ်သက် ၍ ကောင်းသတင်းအချို့ အစိုးရအဖွဲ့နှင့် နီးစပ်သူများထံမှ ယခင်က တည်းက ပျံ့လွင့်လာခဲ့ပြီး၊ နိုင်ငံ့ခေါင်းဆောင်ကိုယ်တိုင် မိမိအစိုးရ အဖွဲ့ အဂတိတရားကင်းရှင်းကြောင်း ယုံကြည်စွာပြောကြားမှုက အစိုးရသစ်လက်ထက် မြင်သာသောတိုးတက်မှုဟု ဆိုရမည်ဖြစ်ပါ သည်။ ထို့အပြင် ၀န်ကြီးအားလုံးတွင် နိုင်ငံတိုးတက်ဖွံ့ဖြိုးစေခဲ့သော စေတနာအပြည့်ရှိသည်မှာလည်း သံသယဖြစ်စရာမရှိပေ။

သို့သော် ၀န်ကြီးနှင့် အစိုးရအဖွဲ့ဝင်ပုဂ္ဂိုလ်အချို့၏ စွမ်းဆောင် ရည်နှင့် ပတ်သက်၍မူ မေးခွန်းထုတ်စရာများရှိနေပါသည်။ ဒေါ် အောင်ဆန်းစုကြည်၏ ရည်ရွယ်ချက်ကောင်းမွန်ပြီး မွန်မြတ်လှသော အမျိုးသားရင်ကြားစေ့ရေးမူဖြင့် အရပ်သားအစိုးရကို ယခင်ဝန်ကြီး ဟောင်းအချို့၊ အခြားပါတီဝင်အချို့၊ တိုင်းရင်းသားအချို့ဖြင့် ဖွဲ့ စည်းခဲ့သည်ကို တွေ့ရပါသည်။ အစိုးရဖွဲ့စခါတွင် ၀န်ကြီးအချို့၏ ဒေါက်တာဘွဲ့အတုပြဿနာ အနည်းငယ် ဂယက်ရိုက်ခဲ့သော်လည်း မူလအစီအစဉ်အတိုင်းပင် အစိုးရအဖွဲ့ကို ဖွဲ့စည်း၍ အုပ်ချုပ်ရေးတာဝန် များ လွှဲပြောင်းရယူခဲ့သည်။

ဆယ်စုနှစ် ငါးခုကျော်အတွင်း ပထမဆုံးပေါ်ထွက်လာသည့် အရပ်သားအစိုးရလက်ထက်တွင် အစိုးရဌာနများနှင့် ဆက်စပ်၍ လုပ် ကိုင်သောလုပ်ငန်းများ ပိုမိုပွင့်လင်းမြင်သာလာပြီး လုပ်ငန်းများပိုမိုထိ ရောက်ကာ စီးပွားရေးဖွံ့ဖြိုးတိုးတက်လာမည်ဟု အားလုံးက မျှော်လင့် ခဲ့ကြသည်။

သို့သော် လက်တွေ့တွင်မူ အစိုးရအဖွဲ့ ကိုးလရှိလာသည့်တိုင် စီးပွားရေးမှာ ပိုမိုနှေးကွေးလာနေသည်။ အမေရိကန်နိုင်ငံမှ စီးပွားရေး အရ ပိတ်ဆို့မှုများ ဖယ်ရှားပေးခြင်း၊ ဂျပန်နိုင်ငံက အကူအညီများ တိုး မြှင့်ပေးနေသော်လည်း နိုင်ငံ့စီးပွားရေးမှာ အများစုမျှော်လင့်ထားသကဲ့ သို့ တိုးတက်မလာဘဲ ပိုမိုကျပ်တည်းလာပါသည်။ စီးပွားရေးကျဆင်းမှု ကို ရန်ကုန်မြို့တွင် ဆောက်လုပ်ရေးလုပ်ငန်းများကို ရပ်နားစေခဲ့သော ဆုံးဖြတ်ချက်ကဲ့သို့ မူဝါဒအမှားများက ပိုမိုဆိုးရွားစေခဲ့သည်။

ယခင်အစိုးရများ ချန်ရစ်ထားခဲ့သည့် ပြဿနာများကို ဖြေရှင်းနေရ သောကြောင့် တိုးတက်မှုရှိသင့်သလောက်မရှိဟု ဆိုနိုင်သော်လည်း ပြည်ပရင်းနှီးမြှုပ်နှံမှု လျော့ကျခြင်း၊ ကုန်သွယ်မှုလျော့ကျခြင်း၊ ဘတ် ဂျက်လိုငွေများခြင်း၊ ငွေကြေးဖောင်းပွမှုမြင့်မားပြီး ကုန်ဈေးနှုန်းကြီးခြင်း စသည့် စီးပွားရေးအတွက် အနုတ်လက္ခဏာဆောင်သော ဖြစ်ရပ်များမှာ အစိုးရအဖွဲ့၏ စွမ်းဆောင်ရည်အပေါ်တွင် အဓိကမူတည်နေပါသည်။ အစိုးရအဖွဲ့ဝင်အများစုမှာ အုပ်ချုပ်ရေးအတွေ့အကြုံ နည်းပါးသည့်အ တွက် လုပ်ငန်းကျွမ်းကျင်မှုရှိအောင် အချိန်ယူပြင်ဆင်နေရသည်ဟုဆို သော်လည်း လပေါင်းများစွာတိုင်အောင် ဌာနနှင့်ပတ်သက်၍ မူဝါဒ ကောင်းများ၊ နိုင်ငံအတွက် လုပ်သင့်လုပ်ထိုက်သည်များ ချမှတ်လုပ်ကိုင် ခြင်းမပြုနိုင်ဟုဆိုလျှင်၎င်းတို့၏ စွမ်းဆောင်ရည်ကို ပြန်လည်သုံးသပ်ရန် လိုမည်ဖြစ်ပါသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တွင်အ လုပ်တာဝန်များ အင်မတန်များပြားလွန်းပြီး အစိုးရအဖွဲ့အောင်မြင်မှု၊ မအောင်မြင်မှုမှာ ၎င်း၏ လုပ်ငန်းတာဝန်များ ခွဲဝေပေးနိုင်မှုအပေါ်တွင် မူတည်ကြောင်း နိုင်ငံတကာ ပဋိပက္ခစောင့်ကြည့်လေ့လာရေးအဖွဲ့ (ICG)၏ သတိပေးထားချက်ကိုလည်း သတိပြုသင့်ပါသည်။

တစ်ရက်ပြီးတစ်ရက်ကုန်ဆုံးပြီး အရပ်သားအစိုးရသက်တမ်း တစ်နှစ်ပြည့်ခါနီးလာပြီဖြစ်သည်။ ယခုနှစ်အတိုင်း ပြည်ထောင်စုဝန် ကြီးများက ကျန်လေးနှစ်ကို စွမ်းဆောင်လျှင် နိုင်ငံမည်မျှရှေ့ရောက် နိုင်ပါသလဲဟု နိုင်ငံရေးစိတ်ဝင်စားသူနှင့် စီးပွားရေးလုပ်ငန်းရှင်အချို့ ကိုမေးကြည့်ရာ ယခုနှင့် ထူးမခြားနားအခြေအနေသာ ဖြစ်လိမ့်မည်ဟု ပြောကြသည်။ အစိုးရအဖွဲ့အနေဖြင့်လည်း ထိုအချက်ကို ပြန်လည်သုံးသပ်ရန်လိုပါသည်။

ပြည်သူများ၏ တစ်ခဲနက်ထောက်ခံမှု၊ ယုံကြည်မှုဖြင့် တက်လာ သော အစိုးရဖြစ်၍ ပြည်သူများ၏ မျှော်လင့်ချက်ကိုဖြည့်ဆည်းပေး ရန် ပိုမိုတာဝန်ရှိပါသည်။ ဒေါ်အောင်ဆန်းစုကြည်နှင့် အစိုးရခေါင်း ဆောင်များအနေဖြင့် လက်ရှိအစိုးရအဖွဲ့ဝင်များ၏ စွမ်းဆောင်ရည် ကို သမာသမတ်ကျကျ အကဲဖြတ်ပြီး လူမှန်နေရာမှန်ဖြစ်စေရန်၊ လူမှန်နေရာမှန်မဖြစ်သူအချို့နေရာတွင် သင့်တော်သူများဖြင့် အစား ထိုးပြီး အစိုးရစွမ်းဆောင်ရည် ပိုမိုထက်မြက်လာစေရန် ဆောင်ရွက် ရမည်ဖြစ်သည်။

ပြည်သူအများစုကတော့ ပြည်သူ့အစိုးရအဖွဲ့၏ စွမ်းဆောင်ရည် ကောင်းမွန်မှုကို တဖွဖွပြောခွင့်ရပြီး ငါတို့အစိုးရဟု အမြဲဂုဏ်ယူလိုနေကြပါသည်။ အပြောနှင့်မဟုတ်ဘဲ လက်တွေ့စွမ်းဆောင်ရည်ကောင်းများကို ပြသရန်မှာ ၀န်ကြီးများသည် စေတနာတစ်ခုတည်းဖြင့်မရဘဲ အရည်အချင်းရှိပြီး စီမံခန့်ခွဲမှုကောင်းမွန်သူများဖြစ်ရန် အရေးကြီးလှပါသည်။
Credit:7Day