လွှတ်တော်
နိုင်ငံတော် သမ္မတရဲ့သီးသန့် ရန်ပုံငွေထဲကနေသုံးစွဲထားတဲ့ လုပ်ငန်းတွေထဲက တချို့ကို ဥပဒေစည်းမျဉ်းစည်းကမ်းနဲ့ ညီညွတ်ခြင်းရှိမရှိစိစစ်ပြီးမှသာခွင့်ပြုဖို့ ပြည်ထောင်စုလွှတ်တော်က ဆုံးဖြတ်ပါ တယ်။
အစိုးရအဖွဲ့ကနေ ကျပ်သန်း ၁၇ ဘီလျံနီးပါးကို သမ္မတရဲ့ သီးသန့်ရန်ပုံငွေထဲကနေသုံးစွဲထားပြီး ယနေ့ကျင်းပတဲ့ ပြည်ထောင်စုလွှတ်တော်မှာအတည်ပြုချက်ရယူရာ လွှတ်တော်ကပြန်စိစစ်ဖို့ဆုံးဖြတ်လိုက်တာပါ။
ဆောက်လုပ်ရေးဝန်ကြီးဌာနရဲ့ အခုနှစ် ဇူလိုင်လနှင့် ဩဂုတ်လအတွင်းက တိုင်းဒေသကြီးပြည်နယ် ခုနစ်ခုမှာ သဘာဝ ဘေးဒဏ်ကြောင့် ရေကြီးရေလျှံကာပျက်စီးခဲ့တဲ့ လမ်းတံတားတွေပြုပြင်ဖို့ ကျပ် ၆၆၉၁ သန်းကိုတင်ပြပါတယ်။
မုံရွာဥစားကြက်မွေးမြူရေးဇုန်မှာ ဧပြီလအတွင်းကပုံမှန်မဟုတ်တဲ့ ကြက်သေဆုံးမှုဖြစ်ပွားခဲ့ရာ ရန်ကုန်နှင့်မန္တလေးရှိ ဓာတ် ခွဲခန်းများမှာ စမ်းသပ်စစ်ဆေးချက်များအရကူးစက်မြန် ပြင်းထန်ကြက်ငှက်တုပ်ကွေးရောဂါဖြစ်ပွားကျ ရောက်နေကြောင်း စစ်ဆေးတွေ့ရှိခဲ့ပါတယ်။ ရောဂါကူးစက်ပျံ့နှံ့မှုကိုကာကွယ်ရန်နဲ့ လူသို့ကူးစက်မှုကိုတားဆီးနိုင်ရန်အတွက် အရေးပေါ် ကာကွယ်ထိန်းချုပ်ရေး စီမံချက်ပါလုပ်ငန်းများအတိုင်း ကြက်ခြံ ၁၇၄ ခြံမှ ကြက်ပိုင်ရှင် ၉၈ ဦးကို လျော်ကြေးငွေကျပ် ၆၆၂ သန်းပေးခဲ့တဲ့ငွေကိုအတည်ပြုပေးဖို့ စစ်ကိုင်းတိုင်းဒေသကြီး အစိုးရအဖွဲ့ရဲ့ အသုံးစရိတ်ကိုတင်သွင်းလာပါတယ်။
မန္တလေးတိုင်းဒေသကြီးအတွင်းမှာ ဧပြီလဆန်းနဲ့ မေလအတွင်းက လေပြင်းတိုက်ခတ်ခြင်း၊ မိုးရွာသွန်းပြီး မိုးသီးတွေ ကြွေကျခြင်း၊ ဧရာဝတီမြစ်ရေတက်လို့ချောင်းရေကြီးမှုဖြစ်ပေါ်တာကြောင့်မဖြစ်မနေဆောင်ရွက်မယ့်လုပ်ငန်းတွေ အတွက် သုံးစွဲငွေကျပ်သန်း ၉၂၁၅ ကျော်ကိုတင်ပြလာပါတယ်။
သည်ခေါင်းစဉ်သုံးခုကတော့ ကြိုတင်မမျှော်မှန်းနိုင်သော သဘာဝဘေးအန္တရာယ်များအတွက် အသုံးစရိတ်ဖြစ်ခြင်း ခေါင်းစဉ်အောက်ကနေ တင်ပြတောင်းခံတာကြောင့် လွှတ်တော်ကမှတ်တမ်းတင်ခဲ့ပါတယ်။
ဒါပေမဲ့ ရှမ်းပြည်နယ်အင်းလေးကန်ရေရှည်တည်တံ့ရေးလုပ်ငန်းတွေမှာ တွင်ကျယ်စွာဆောင်ရွက်နိုင်ဖို့အတွက်သောင်တူး စက် Bell 250 Dredging Pump ဝယ်ယူမှုအတွက် ပေးချေကျန်ငွေ တောင်းခံလာတာကိုတော့ ပြန်လည် စိစစ်ပြီးမှသာ ခွင့်ပြုမည်ဖြစ်ကြောင်း လွှတ်တော်ကဆုံးဖြတ်ခဲ့ပါတယ်။
တောင်းဆို
ပြည်ထောင်စုလွှတ်တော် ပြည်သူ့ငွေစာရင်းပူးပေါင်းကော်မတီက ဦးအောင်မင်းက တကယ်လို့ ဒီအသုံးစရိတ်များသည် ဩဂုတ်လ ၃၁ ရက်နေ့နောက်ပိုင်းမှသာသုံးစွဲမယ့် အသုံးစရိတ်များဖြစ်ပါက ဒုတိယ အကြိမ်ပြည်ထောင်စု လွှတ်တော်က ပြင်ဆင်ထားတဲ့ ၂၀၁၆ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကိုပြင်ဆင်သည့်ဥပဒေအရပြန်လည် စိစစ်ရန်လိုအပ်မည်ဖြစ်ကြောင်းတင်ပြပါတယ်လို့ လွှတ်တော်မှာတောင်းဆိုလိုက်ပါတယ်။
ယခုနှစ် ဩဂုတ်လအတွင်းက ပြင်ဆင်ပြဋ္ဌာန်းခဲ့တဲ့ ၂၀၁၆ ခုနှစ် ပြည်ထောင်စု၏ ဘဏ္ဍာငွေအရအသုံးဆိုင်ရာ ဥပဒေကို ပြင်ဆင်သည့် ဥပဒေမှာကကြိုတင်မမျှော်မှန်းနိုင်သော သဘာဝဘေးအန္တရာယ်များအတွက် အသုံးစရိတ် ဖြစ်ခြင်း၊ ဘဏ္ဍာ ရေးနှစ်အတွင်းမသုံးစွဲလျှင်မဖြစ်သည့် အထူးကိစ္စရပ်ဖြစ်ပါက ပြည်ထောင်စုအစိုးရအဖွဲ့၏ ထောက်ခံချက်အရ ပြည်ထောင်စုလွှတ်တော်၏အတည်ပြုချက်ဖြင့် ခွင့်ပြုသောအသုံးစရိတ်ဖြစ်ရပါမယ်လို့ ပြဋ္ဌာန်းထားပါတယ်။ ဒါကြောင့်သည် အချက်တွေနဲ့ ကိုက်ညီမှုရှိမရှိကိုလွှတ်တော်ကစိစစ်မှာလည်းဖြစ်ပါတယ်။

Author – ချိုဇင်မာဝင့်
Credit:Kumudra