တက္ကသိုလ်ဝင်တန်း စာမေးပွဲ အောင်မြင်ရန်၊ မျှော်မှန်းထားသော ဂုဏ်ထူးများ ရရှိရန်မှာ ပညာရေး ရည်မှန်းချက်ထားကာ လုံ့လဝီရိယ ကောင်းစွာ စိုက်ထုတ်ခဲ့ပြီး ဆရာ၊ ဆရာမများ သင်ကြားစဉ် အာရုံစိုက်ခြင်း၊ အတန်းတွင်းနှင့် အိမ်စာများ ပုံမှန် ပြုလုပ်ခဲ့ခြင်း၊ စာကြည့်ချိန် ပုံမှန်ထားကာ စာသင်နှစ်စကတည်းက စနစ်တကျ ကြိုတင်ပြင်ဆင် လေ့လာခြင်းတို့ ပြုခဲ့ရမည့်အပြင် စာမေးပွဲကာလ နီးကပ်လာချိန်နှင့် ဖြေဆိုစဉ်ရက်များတွင်လည်း ဆင်ခြင် လုပ်ဆောင်ရန် လိုအပ်သည်တို့ရှိရာ သတိပြုလိုက်နာ ဆောင်ရွက်နိုင်ရန် ဖော်ပြလိုက်ပါသည်။

၁။ စာမေးပွဲအနီး ကပ်ခန့်မှန်း (Hot Spot) မေးခွန်းများကိုသာ အားကိုးပြီး မဖြေဆိုပါနှင့်။
၂။ အဖြေလွှာ၏ သတ်မှတ်ထားသော နေရာအကွက်တွင် ခုံနံပါတ် ရေးရန် မေ့မကျန်ပါနှင့်။
၃။ အဖြေများကို အမှတ်ပေး စည်းမျဉ်းနှင့်အညီ ဖြေဆိုပါ။
၎။ စာမေးပွဲ ခန်းမထဲတွင် စာမေးပွဲစည်းကမ်း တစ်ခုခုကို ချိုးဖောက်ခြင်း မပြုပါနှင့်။ (ဥပမာ – ပြင်ပမှ ယူလာသော စာရွက်စာတမ်းများကို ခိုးချခြင်း၊ အဖြေလွှာချင်း လဲလှယ်ခြင်း စသည်)
၅။ စာမေးပွဲရက် ညများတွင် ကဖိန်းဓာတ်များပါသော ကော်ဖီများ၊ လက်ဖက်ရည်များ မသောက်ပါနှင့်။ တစ်ညလုံး အိပ်မရဘဲ မျက်စိကြောင်နေခြင်း၊ နှလုံးတုန် ရင်ခုန်စေပြီး ကိုယ်ခံစွမ်းအားများ ကျဆင်းကာ နောက်နေ့ ဖြေဆိုမည့် ဘာသာရပ်များကို ကောင်းစွာ မဖြေဆိုနိုင်ခြင်းတို့ ဖြစ်တတ်ပါသည်။
၆။ စာမေးပွဲရက်ညများတွင် စာလောဘကြီး၍ အိပ်မငိုက်အောင် ဓာတုဆေးများ သုံးစွဲခြင်းသည် ကျန်းမာရေးကို ထိခိုက်စေပါသည်။ လုံလောက်သော အိပ်ချိန် မရရှိခြင်းကြောင့် ဦးနှောက်ဆဲလ်အချို့ ပျက်စီးပြီး ဦးနှောက်၏ စွမ်းဆောင်ရည်ကို ကျဆင်းစေပါသည်။ စဉ်းစားဉာဏ်၊ မှတ်ဉာဏ်စွမ်းအားများ ကျဆင်းပါသည်။ ထို့ကြောင့် ဉာဏ်စမ်း မေးခွန်းများ၊ မမြင်ဖူးသော မေးခွန်းများကို ကောင်းစွာ ဖြေဆိုနိုင်ခြင်း မရှိတော့ပါ။
၇။ မေးခွန်းကို သေသေချာချာ နားလည်အောင် ဖတ်ပြီး ဖြေဆိုရန်။
၈။ မေးခွန်း လိုအပ်ချက်အရ ပေးမှတ်နှင့် ထိုက်တန်အောင် ဖြေဆိုရန်။
၉။ တက္ကသိုလ်ဝင်တန်း စာမေးပွဲတွင် အမှတ် ၁၀ဝ ဖိုးအတွက် သုံးနာရီ ခွင့်ပြုထားသည်။ ၁၀ မှတ်တန် မေးခွန်း တစ်ခုကို အများဆုံး ၁၈ မိနစ် ခွင့်ပြုထားသည်။ ၁ မှတ်တန်မေးခွန်း တစ်ခုကို ၁၀၈ စက္ကန့် (၁ မိနစ် ၄၈ စက္ကန့်) ထက် အချိန် ပိုမယူသင့်ပေ။ သတ်မှတ်ထားသော အချိန်အတွင်း သတ်မှတ်ထားသော ပုဒ်ရေ အပြည့်အစုံကို ဖြေဆိုရပေမည်။
၁၀။ စာမေးပွဲ ဖြေဆိုမည့်နေရာသို့ နာရီဝက်ထက် ပိုစောရောက်ရန် ကြိုတင် သွားရောက်သင့်ပေသည်။
၁၁။ မိမိအဖြေလွှာပေါ်တွင် (က) မေးခွန်းနံပါတ်စဉ် မတပ်ခြင်း၊ (ခ) မေးခွန်းနံပါတ် မှား၍ တပ်မိခြင်း၊ (ဂ) သတ်မှတ်ထားသော ပုဒ်ရေထက်ပို၍ ဖြေဆိုမိခြင်း၊ လျှော့၍ ဖြေဆိုခဲ့ခြင်း၊ (ဃ) စာလုံးပေါင်း သတ်ပုံ အမှားများ၊ ကိန်းဂဏန်း အမှားများ၊ ပုံအမှားများ စသည်ဖြင့် မှား၍ မဖြေဆိုမိရန် သတိပြုပါ။
၁၂။ နောက်ထပ် အဖြေလွှာ စာရွက် အသစ်ထပ်ယူပါက ထိုအဖြေလွှာ စာရွက်သစ်၏ သတ်မှတ်ထားသော နေရာတွင် ခုံနံပါတ်၊ စာစစ်ဌာန တို့ကို တိတိကျကျ ရေးရပါမည်။ စိုးရိမ်စိတ်ကြောင့် အဖြေလွှာစာရွက်တိုင်းတွင် ခုံနံပါတ်များ ရေးခြင်း၊ အမည်များ ရေးခြင်း၊ အမည် အတိုကောက် စာလုံးများရေးခြင်းတို့ပြုပါက စာမေးပွဲစည်းကမ်းအရ အဖြေလွှာ ပယ်ဖျက် ခံရမည်။
၁၃။ စာမေးပွဲကြီး အချိန်ဇယားကို ဂရုတစိုက် မှတ်သားထားရပါမည်။
၁၄။ စာမေးပွဲ ဖြေဆိုပြီး တစ်ဦးနှင့်တစ်ဦး အဖြေတိုက်ခြင်းသည် စိတ်လှုပ်ရှားမှု၊ စိတ်ဓာတ်ကျမှု၊ စိတ်ဖိစီးမှုများ ဖြစ်စေကာ ကျန်ဖြေဆိုမည့် ဘာသာရပ်များအတွက် စိတ်ဓာတ်ခွန်အားများ ဆုံးရှုံးနိုင်သည်။
၁၅။ စာမေးပွဲ ကာလများတွင် အိပ်ချင်ပြေရန်၊ ပို၍ လန်းဆန်းရန် ရည်ရွယ်ချက်ဖြင့် တစ်နေ့ သုံးလေးကြိမ် ရေချိုးပါက ခန္ဓာကိုယ်၏ ကယ်လိုရီ စွမ်းအင်များ ဆုံးရှုံးကာ ကိုယ်ခံစွမ်းအားများ ကျဆင်းစေပါသည်။ နှာစေး၊ ချောင်းဆိုး နေထိုင် မကောင်း စသည်များ ဖြစ်နိုင်ကာ ကျန်းမာရေး ထိခိုက်စေပြီး စိတ်ရှုပ်ထွေးမှု၊ ခေါင်းမကြည်လင်မှုတို့ကို ခံစားရနိုင်သည်။ စိတ်ရော ကိုယ်ပါ လုံးဝ ကျန်းမာနေရန် လိုသည်။

ဆရာဂျက်ဖရီတင်အုန်း
(R.I.T ရန်ကုန်စက်မှုတက္ကသိုလ်)

Share By The Voice Myanmar