mandalay-hluttaw
ယခုလ ၁၂ ရက်နေ့က ကျင်းပသည့် ဒုတိယအကြိမ် မန္တလေးတိုင်းဒေသကြီးလွှတ်တော် စတုတ္ထပုံမှန်အစည်းအဝေး စတုတ္ထနေ့တွင် အဆိုတင်သွင်းသည့် လွှတ်တော်ကိုယ်စားလှယ် ဦးတင်အောင်က ဆွေးနွေးနေသည်ကို တွေ့ရစဉ်။

ဒုတိယအကြိမ် မန္တလေးတိုင်းဒေသကြီးလွှတ်တော် စတုတ္ထပုံမှန်အစည်းအဝေး ဒုတိယနေ့တွင်

ချမ်းမြသာစည်မြို့နယ်၊ မဲဆန္ဒနယ်အမှတ်(၁) မှ လွှတ်တော်ကိုယ်စားလှယ် ဦးတင်အောင် က
‘မန္တလေးတိုင်း ဒေသကြီးအတွင်းရှိ တရားရုံးများကို တရားစီရင်ရေးဆိုင်ရာ ကိစ္စများနှင့် ပတ်သက်၍
ယခုထက်ပိုမို ထိန်းကွပ်ကြီးကြပ်ပေးရန် တိုက်တွန်းကြောင်း’ အဆိုကို တင်သွင်းခဲ့ရာ
ယခုလ ၁၂ ရက်နေ့က ကျင်းပသည့် စတုတ္ထပုံမှန်အစည်းအဝေး စတုတ္ထနေ့တွင်
လွှတ်တော်ကိုယ်စားလှယ် လေးဦးကထောက်ခံခဲ့ပြီး လွှတ်တော်တွင် မဲခွဲဆုံဖြတ်ခဲ့ရာ
အဆိုအတည်ပြုနိုင်ခဲ့သည်။

လွှတ်တော်ကိုယ်စားလှယ် လေးဦး၏ ထောက်ခံပြောကြားချက်များအရ မန္တလေးတိုင်းဒေသကြီး
တရားလွှတ်တော် တရားသူကြီးချုပ်က တရားရုံးအဆင့်ဆင့်လုပ်ထုံး လုပ်နည်းများကို ဆွေးနွေးခဲ့ပြီး
အဆိုကို လွှတ်တော်တွင် မှတ်တမ်းတင်ထားရန်သာ ပြောဆိုခဲ့သော်လည်း အဆိုတင်သွင်းခဲ့သည့်
လွှတ်တော် ကိုယ်စားလှယ်မှ လွှတ်တော်တွင်မှတ်တမ်းတင်ထားခြင်းမှာ လုံလောက်သည့်
အဖြေမဟုတ်သဖြင့် လွှတ်တော်၏ အဆုံးအဖြတ်ကိုရယူရန် ပြောဆိုခဲ့သည့်အတွက် လွှတ်တော်တွင်
မဲခွဲဆုံးဖြတ်ခဲ့ရာ လွှတ်တော်ကိုယ်စားလှယ် ၇၁ ဦး ရှိသည့်အနက် အဆိုကိုထောက်ခံသည့်
လွှတ်တော်ကိုယ် ၆၃ ဦး ရှိခဲ့ခြင်းကြောင့် အဆိုကို အတည်ပြုနိုင်ခဲ့ခြင်းဖြစ်သည်။

“တရားစီရင်ရေးလုပ်ငန်းတွေ အောင်မြင်ဖို့အတွက်ကတော့ တရားသူကြီးတစ်ဦးတည်းနဲ့
ဆောင်ရွက်လို့ရတဲ့ လုပ်ငန်းအနေအထား မဟုတ်ပါဘူး၊ တရားစီရင်ရေးနဲ့ ဆက်နွယ်နေတဲ့
တရားစွဲအဖွဲ့အစည်းတွေ၊ ရှေ့နေရှေ့ရပ်တွေ၊ သက်သေတွေ အမှုသည်တွေ မိမိတို့ရဲ့ကျရာ ကဏ္ဍမှာ
ပူးပေါင်းဆောင်ရွက်မှဖြစ်မှာပါ။ တိုင်းဒေသကြီးမှာ တိုင်းဒေသကြီးတရားလွှတ်တော် လက်အောက်ခံ
တရားရုံးရှစ်ရုံး၊ လက်အောက်ခံ တရားရုံး ၃၄၊ အထူးတရားရုံး ငါးရုံး ရှိပါတယ်။ ဒီတရားရုံးတွေကို
အဆင့်ဆင့်ကြီးကြပ်ဆောင်ရွက်ရပါတယ်။ ညှိနှိုင်းဆောင်ရွက်မှုတွေ၊ မှုခင်းကျဆင်းအောင်
ဥပဒေအရာရှိ၊ ရဲတပ်ဖွဲ့တွေနဲ့ စီမံချက်တွေလုပ်ဆောင်ရတယ်။ ကြီးကြပ်တဲ့နေရာမှာ
တရားလွှတ်တော်ကနေ တရားသူကြီးတွေဆီကို ခရိုင်တစ်ခုချင်းစီအလိုက် ခွဲခြားကြီးကြပ်
ဆောင်ရွက်ရတာရှိပါတယ်။ သက်ဆိုင်ရာတရားရုံးတွေ၊ ရဲစခန်းအချုပ်တွေကိုလည်း
စစ်ဆေးဆောင်ရွက်ရပါတယ်။ ကြန့်ကြာနေတဲ့အမှုတွေကိုလည်း ဥပဒေလုပ်ထုံးလုပ်နည်းနဲ့အညီ
ဘယ်အချိန်မှာ ပြီးပြတ်အောင်ဆောင်ရွက်ရမယ်ဆိုတာတွေကိုလည်း သတ်မှတ်အချိန်ထားပြီး
ကြီးကြပ် ဆောင်ရွက်ရတာတွေရှိပါတယ်” ဟု မန္တလေးတိုင်းဒေသကြီးတရားလွှတ်တော်
တရားသူကြီးချုပ် ဦးစိုးသိန်းက လွှတ်တော်တွင် ဆွေးနွေးပြောကြားခဲ့သည်။

တရားစီရင်ရေးဆိုသည်မှာ ဒိုင်လူကြီးတစ်ဦးမဟုတ်ကြောင်း ၊ဒိုင်ဆိုသည်မှာ မှားမှ အနီးကပ်၊
အ၀ါကပ် ပြသရကြောင်း၊ တရားရုံးဆိုသည်မှာ အကြောင်းအမျိုးမျိုးကြောင့် ရောက်ရှိလာသူများကို
ဖြေသိမ့်နိုင်အောင် ကုစားပေးရသည် နေရာတစ်ခုဖြစ်ဖြစ်ခြင်းကြောင့် ဖြေသိမ့် ဖြေရှင်းဖို့
လိုအပ်သည့်အတွက် ယခုထက်ပိုမိုကြီးကြပ်ပြီးအစီအစဉ်သစ်များကို ရေးဆွဲနိုင်ရန်အတွက်
အဆိုကိုတင်သွင်းရခြင်းဖြစ်ကြောင်း ဦးတင်အောင်က ဆိုသည်။

“တရားသူကြီးချုပ် ဖြေကြားချက်တွေကို ကျေနပ်အားရမှု မရှိပါဘူး။ သူကညည်းပြနေတာပါ။
တရားစီရင်ရေးမှာ တရားသူကြီးတွေတင်မကဘူး ရဲတွေ၊ ရှေ့နေတွေရော၊ သက်သေတွေရောပေ့ါနော့။
ဒါတွေလုပ်ဖို့အတွက်ကို သူတို့ကို ပါဝါပေးထားပြီးသား ညွှန်ကြားချက်တွေလည်း ပေးထားပြီးသား
ဖြစ်တယ်။ ဥပမာ ရဲတွေမလာဘူးဆိုရင် လာအောင်လုပ်ဖို့အတွက် သူ့မှာ အာဏာပေးထားပြီးသား
ဖြစ်တယ်။ အဲ့ဒါတွေကို ကြီးကြပ်လုပ်ဖို့ လိုအပ်တယ်။ လုပ်ပိုင်ခွင့်ပေးထားတဲ့ သူတစ်ယောက်က
အဲ့လိုတွေ ညည်းနေမယ်ဆိုရင် ကျွန်တော်တို့ တကယ်တော့ အာမခံတင်ထားတဲ့သူကို အာမခံပေးဖို့
စီစဉ်ပေးရမယ်။ အာမခံပေးနိုင်တဲ့သူကို အာမခံပေးဖို့နောက်ကျသွားတဲ့အခါ သူကတော့
စိတ်မကောင်းဘူးလို့ပဲပြောတယ်။ အာမခံရသင့်တဲ့သူတွေ အချုပ်ထဲပါသွားပြီလေ။ ဒီတော့ အချုပ်ထဲမှာ
ထိခိုက်နစ်နာမှုက အတိုင်းဆမရှိဘူး။ ဒါတွေကိုကြီးကြပ်ဖို့ တရားရုံးတွေမှာ တာဝန်ရှိတယ်။
တရားရုံးတွေကိုကြီးကြပ်ဖို့ တတိုင်းလုံးရဲ့ အကြီးအမှူးသည် တရားသူကြီးချုပ်မှာ တာဝန်ရှိတယ်။
လိုအပ်လို့ဆိုရင်တောင် ခုံရုံးဖွဲ့လုပ်ပြီး အမှုကိုစစ်ဆေးလို့ရတဲ့အထိ ခွင့်ပြုထားတယ်။
တကယ်လုပ်မယ်ဆိုရင် လုပ်လို့ရပါတယ်။ ဒါတွေကို ညည်းနေလို့ မရပါဘူး။ အခု အဆိုကို
အတည်ပြုပြီးပြီဆိုရင်တော့ အခုထက်ပိုပြီတော့ လုပ်ဆောင်ရတော့မယ်။ ညွှန်ကြားချက်တွေ
ထုတ်ပြန်တာနဲ့ ပြီးလို့မရတော့ဘူး။ တရားရုံးအချိန်မှန်ဖို့ စစ်ဆေးချိန်တွေမှန်ကန်ဖို့ အားလုံးပဲ
လုပ်ဆောင်ရတော့မယ်” ဟု အဆိုတင်သွင်းသူ ဦးတင်အောင်က မြန်မာတိုင်း(မ်) ကိုပြောသည်။

Credit: The Myanmar Time
Link: http://myanmar.mmtimes.com/index.php/national-news/mandalay-upper-myanmar/23922-2017-01-12-10-15-33.html