အိပ်နည်း

အသက် (၃၀) ပတ်ဝန်းကျင် မိန်းကလေးတစ်ယောက်ဟာ မနက် (၇) နာရီမှာ ထဖို့ ည (၁၂) နာရီလောက်မှာ အိပ်တယ်။ ဒီ (၇) နာရီ အိပ်နေချိန် အတွင်းမှာ (၃၉၀) ကီလိုကယ်လိုရီထိ အဆီကျနိုင်ပါတယ်။ အိပ်နေရင်း အဆီတွေ လောင်ကျွမ်းပစ်တာပေါ့။ ဒါဆို ကိုယ်တွင်း အဆီပိုတွေ ကုန်ဆုံးသွားအောင် နေ့ခင်းဆို ငြိမ်မနေဘဲ ကိုယ်ခန္ဓာကို လှုပ်ရှားပေးရတာမျိုးလိုပဲ။ အိပ်ရင်လည်း အိပ်ချင်သလို မအိပ်ဘဲ အဆီတွေလောင်တဲ့ အိပ်နည်းနဲ့ အိပ်လို့လည်း ရပါပြီ။

အိပ်ခါနီး (၃) နာရီအလိုမှာ
ညဆို ဘယ်အချိန် အိပ်ယာဝင်တာလဲ။ မဝင်ခင် (၃) နာရီအထိ စားချင်တာ စားလို့ ရပါတယ်။ စားချင်တာ စားတဲ့အခါမှာ ကယ်လိုရီတွက်ပြီး အစားအသောက်ကို စားတတ်တဲ့သူတွေက မြန်မြန်ကျမှာပေါ့။ မတွက်ဘဲ စားလည်း ရပါတယ်။ ဒါပေမယ့် မအိပ်ခင် (၃) နာရီမှာ ဘာအစာ တစ်စိလေးမှ ပါးစပ်ထဲ ထည့်ဖို့ မစဉ်းစားပါနဲ့။ အစာခြေချိန်က (၃) နာရီအတွင်း ခြေပြီး အိပ်တာနဲ့ အစာအိမ်က အစာခြေနှုန်း နှေးသွားတာမို့ အများကြီးစားထားမယ်ဆိုရင် တအိအိနဲ့ အဆီတွေလည်း မကြေနိုင်တော့လို့ပါ။


့မအိပ်ခင် (၁) နာရီလောက်မှာ
မြန်မြန် အိပ်ပျော်အောင်လို့ တီဗီ ပိတ်မယ်၊ လက်ပ်တော့ပိတ်မယ်၊ အခန်းမီးလည်း ပိတ်မယ်၊ နားကြပ်ကို ဖြုတ်ပြီး အိပ်ပါ။ အခုအချိန်ကနေ အိပ်တော့မယ်ဆိုတာကို တစ်အိမ်လုံးနဲ့ ရည်းစားကိုပါ (ရှိသူများအတွက်ပေါ့နော်) အသိပေးပြီး လာမနှောင့်ယှက်ဖို့ ဖုန်းမဆက်ဖို့ ပြောထားပါ။ နှစ်နှစ်ခြိုက်ခြိုက် အိပ်နိုင်အောင်ဆိုရင် ရေနွေးနဲ့ ရေချိုးပြီး မအိပ်ခင် လက်ကလေးတွေ၊ ခြေဖဝါးလေးတွေကို ဆုပ်လိုက်ဖြန့်လိုက်လုပ်ပေး၊ ခြေချင်းဝတ်ကိုလည်း အဝိုင်းလေးတွေ လှုပ်ပေးရင် သွေးလည်ပတ်မှု ကောင်းလာပြီး ပိုအိပ်ကောင်းပါတယ်။

ဘယ်အချိန်အိပ်
ပိန်စေတဲ့ ဟော်မုန်းရှိတာကို သိကြလား။ ဒီဟော်မုန်း နာမည်က ဖြစ်ပြီး ပုံမှန်အလုပ်လုပ်ချိန်က ည (၁၀) နာရီကနေ မနက် (၃) နာရီ အတွင်းပေါ့။ ဒီအချိန်အတွင်း အိပ်နိုင်ရင် အကောင်းဆုံးပဲ။ သူက အိပ်ပျော်ပြီဆိုမှ ထွက်တာဆိုတော့ နှစ်နှစ်ခြိုက်ခြိုက်အိပ်ပျော်ဖို့တော့ လိုမယ်။

အိပ်ရေးမဝရင်
ဘာဖြစ်သလဲဆိုတော့ ပိုဝစေပါတယ်။ အိပ်ရေးမဝရင် ကိုယ်ခန္ဓာတွင်းက ဟော်မုန်းတွေက သူ့အချိန်နဲ့သူ မထွက်တော့ဘူး။ အဆိုးဆုံးက စားချင်စိတ်ကို လျော့နည်းစေတဲ့ လက်ပတင် (Leptin) ဟော်မုန်းကို လျော့သွားတယ်။ ဒီတော့ အာဟာရနဲ့ စွမ်းအင် (Energy) Balance ဖြစ်အောင်ဆိုပြီး ခန္ဓာတွင်းက အရမ်းကို စားချင်အောင် လုပ်တဲ့ (Ghrelin) ဟော်မုန်းက အလုပ်တွေ ပိုထွက်လာပါတယ်။ ဒီတော့ အိပ်ရေးက မဝ၊ အအေးတွေသောက်၊ မုန့်တွေ ထိုင်စား၊ ကော်ဖီတွေသောက်ဖြစ်ကုန်တာပါ။ ဒါကြောင့် အိပ်ချိန် အနည်းဆုံး (၇) နာရီ ကနေ (၈) နာရီ ထက်မလျော့ဘဲ အိပ်ပါ။
တစ်နေ့လုံး စားချင်တာစားပြီး အိပ်ချင်သလို အိပ်လို့တော့ ဘယ်ရမလဲ။ ဒါပေမယ့် အခုပြောပြမယ့် အချိန်ဇယားကို ကြည့်ပြီး ကိုယ် လိုအပ်သလို စားချိန် အိပ်ချိန်လေးကို ချင့်ချိန်ပြီး နေပုံထိုင်ပုံလေးနည်းနည်းလေး ပြောင်းလိုက်ရင် ရပြီ။
Source : Eatthis
Credit: Duwun