buddha and bogyut aung san

ယခုတလော မကြာခဏကြားရသည်။ NLD အစိုးရလက်ထက်တွင် စီမံခန့်ခွဲမှုအမှားများစွာကို ပြုမူ ဆောင်ရွက်နေပြီး စိတ်ကူးယဉ်ခံစားချက်ဖြင့် တိုင်းပြည်အုပ်ချုပ်သောကြောင့် ဆိုးကျိုးများသာရမည်ဖြစ် ကြောင်း၊ တိုင်းပြည်ဗြောင်းဆန်နေပြီဖြစ်ကြောင်း ပြည်ခိုင်ဖြိုးပါတီဥက္ကဋ္ဌ ဦးသန်းဌေးက သူ၏ မဲဆွယ် စည်းရုံးပွဲများတွင် ပြောကြားခဲ့ခြင်းဖြစ်သည်။ ကုလားကို မကြောက်ပေါက်ဖော်ကြီးကိုလည်း မကြောက်ရဆို သော အခြေအနေမျိုးဖန်တီးခဲ့တာ ပြည်ခိုင်ဖြိုးအစိုးရပါဟု သူတို့ကိုယ်သူတို့လည်း ကိုယ်ရည်သွေးပြန်ပါသည်။ ဤနေရာ၌ ပြောစရာများများစားစားမရှိပါ။ ပြည်သူလူထုကို ချင့်ယုံပါဟုသာ ပြောချင်သည်။

မိမိမဲဆန္ဒရလိုမှုကြောင့် ကုလား ကို တရုတ် ကို ဆန့်ကျင်ပြလိုက်လုပ်နေခြင်းသည် မူမှန်သော မဲဆွယ် မှုမဟုတ်ပါ။ ဦးသန်းဌေးတို့ပါတီ ဥက္ကဋ္ဌဟောင်းကြီး ဗိုလ်ချုပ်ကြီး သိန်းစိန် ဥက္ကဋ္ဌ အဖြစ် ဆောင်ရွက်ခဲ့သော ညောင်နှစ်ပင်အမျိုးသားညီလာခံက ရေးဆွဲပြဋ္ဌာန်းခဲ့သည့် ၂၀၀၈ ဖွဲ့စည်းပုံအခြေခံဥပဒေ ပုဒ်မ ၃၆၄ တွင်””နိုင်ငံရေး ကိစ္စအလို့ငှာ ဘာသာသာသနာ ကို အလွဲသုံးစားမပြုရ။ ထို့အပြင် လူမျိုးကြောင့်သော် လည်းကောင်း တဖက်နှင့် တဖက်၊ တဂိုဏ်းနှင့်တဂိုဏ်း မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း တမျိုးမျိုး ပေါ်ပေါက်လာစေရန် ရည်ရွယ်သော သို့မဟုတ် ပေါ်ပေါက်လာရန် အကြောင်းရှိသော အပြုအမူသည် ဤဖွဲ့ စည်းပုံအခြေခံဥပဒေနှင့် ဆန့်ကျင်သည်။ ထိုအပြုအမူမျိုးအတွက် ပြစ်ဒဏ်ပေးနိုင်ရန် ဥပဒေပြဋ္ဌာန်းနိုင်သည်” ဟု ပါရှိပါသည်။ ကိုယ်ပြဋ္ဌာန်းခဲ့သော ဥပဒေကိုကိုယ်လိုက်နာဖို့တော့ လိုမည်ဖြစ်သည်။

တခါလာလည်း ကုလား ၊ တခါလာလည်း ကုလား ကို ထည့်ထည့်ပြော၍ မဲဆွယ်နေရသည်မှာ နောက် ကြောင်းလုံလျှင် ကောင်းပါသည်။ သို့သော် ပြည်ခိုင်ဖြိုးအစိုးရဖွဲ့နိုင်ခဲ့စဉ်က နိုင်ငံတော်၏ အမြင့်ဆုံးဥပဒေ ပြုမဏ္ဍိုင်ကြီးဖြစ်သည့် ပြည်သူ့လွှတ်တော်နှင့် အမျိုးသားလွှတ်တော်ထဲတွင် ဘင်္ဂါလီအမတ်သုံးဦးကို ၀င် ထိုင်နေစေခဲ့တာတော့ ဦးသန်းဌေး မှတ်မိမည်ထင် ပါသည်။ မမှတ်မိ၍ မေ့နေပါက ထပ်ပြောရလျှင် ထိုကြံ့ခိုင်ရေးပါတီဝင်ဘင်္ဂါလီအမတ်သုံးဦးမှာ ပြည်သူ့လွှတ်တော်တွင် ဇော်ကီအာမက် (ခေါ်) ဦးအောင်ဇော် ၀င်း (မောင်တောမြို့နယ် မဲဆန္ဒနယ်)၊ ဦးရွှေမောင် (ဘူးသီးတောင်မြို့နယ်)၊ အမျိုးသားလွှတ်တော်တွင် ဘင်္ဂါလီလူမျိုး ဌေးဝင်းတို့ ဖြစ်ပါသည်။ ထို့ကြောင့် ကြံ့ခိုင်ရေးပါတီသည် ကုလားနှင့် တကယ်ကောကင်းရဲ့ လားဆိုတာ ဦးသန်းဌေးအနေနှင့် အရင်ဆုံးရှင်းရှင်း လင်းလင်းလုပ်ဖို့လိုမည် ဖြစ်သည်။ ထို့အပြင် ရွေး ကောက်ပွဲတွင် ဘင်္ဂါလီကုလားများ မဲပေးခွင့်ရအောင် ၀ှိုက်ကတ် (White Card ) များ ထုတ်ပေးခဲ့တာလည်း ကြံ့ခိုင်ရေးတဖြစ်လဲ စစ်အစိုးရလက်ထက်ပင်ဖြစ်ပါသည်။ ဒါက ကုလားကိစ္စဖြစ်သည်။

တရုတ်ကိစ္စကိုလည်း ကြည့်ပါဦး။ မြစ်ကြီးနား ဘက်တွင် သစ်ခိုးခုတ်သော တရုတ် ၁၄၆ ယောက်ကို တရားရုံးက ထောင်ဒဏ်တသက်တကျွန်းချထားရာမှ ၈ ရက်နှင့် လွှတ်ပေးလိုက်တာလည်း ပြည်ခိုင်ဖြိုး အစိုးရ လက်ထက်ဖြစ်သည်။ မြန်မာဝမ်ပေါင်ကုမ္ပဏီကို မြန်မာပြည်သို့ ခေါ်လာတာလည်း စစ်ဗိုလ်ချုပ်များ ဖြစ်သည်။ မြစ်ဆုံရေကာတာ စီမံကိန်းကို တိုင်းပြည်ကို မတိုင်ပင်ဘဲ မိမိဘာသာ တရုတ်တို့နှင့် လက်သိပ် ထိုးဆောင်ရွက်ခဲ့ကြတာလည်း ပြည်ခိုင်ဖြိုးတဖြစ်လဲ စစ်ဗိုလ်ချုပ်များဖြစ်သည်။ တပည့်တော်တို့က တရုတ် ကိုလည်း ကြောက်ရပါတယ်ဘုရားဟု ပြောခဲ့သော ပြည်ထောင်စုဝန်ကြီးတပါးမှာလည်း ပြည်ခိုင်ဖြိုး ပါတီ မှ ပင်ဖြစ်သည်။ အဲဒီတုန်းက ဦးသန်းဌေး တို့လည်း စစ်ဗိုလ်ချုပ်ကြီးတွေဘ၀နှင့် စိတ်တူကိုယ်တူလုပ်ခဲ့ကြ တာပဲဖြစ်သည်။ ထို့ကြောင့် ယခုလိုရွေးကောက်ပွဲတွင် ခွက်ခွက်လန်အောင် မဲရှုံး၍ အတိုက်အခံဘ၀သို့ ရောက်လာရသောဘ၀တွင် မိမိ ပါတီ ကိုထောက်ခံစေ လိုလျှင် ရိုးရိုးသားသား အခြားကိစ္စများနှင့် မဲဆွယ် စည်းရုံးစေလိုပါသည်။ တရုတ်ဘက်လှည့်လိုက်၊ ကုလားဘက်လှည့်လိုက်နှင့် ပြည်သူလူထုကို မှိုင်း တိုက်နေတာတွေ ရပ်သင့်ပါပြီ။ မရပ်ဘဲ နည်းဟောင်း လမ်းဟောင်းကိုပဲ ဆက်သုံးမည်ဆိုပါက ၂၀၁၅ နိုဝင် ဘာ ၈ ရက်မှာရခဲ့သော ရွေးကောက်ပွဲ ရလဒ် အဖြေမျိုးပဲ ထပ်ထွက်လာမည်ဖြစ်သည်။ ပြည်သူ လူထုသည် ပြောတိုင်းယုံသော ပုတ်သင်ညိုများ မဟုတ်ကြတော့ပါ။ မိမိဦးနှောက်ဥာဏ်နှင့် မိမိ နှိုင်းချိန်စဉ်းစားနိုင်ကြသူများဖြစ်သည်။

မြန်မာနိုင်ငံတွင် ဗြောင်းဆန်နေပြီ၊ ပရမ်းပတာ တွေဖြစ်နေပြီဆိုတာလည်း ဦးသန်းဌေးတို့ စွပ်စွဲချက် သက်သက်သာ ဖြစ်ပေသည်။ ဟိုတလောကလည်း နိုင်ငံတွင် ရာဇ၀တ်မှုတွေတိုး၊ အချုပ်အခြာအာဏာ ထိပါးခံရမှုတွေဖြစ်နေသဖြင့် ကာကွယ်ရေးနှင့် လုံခြုံရေးကောင်စီအမြန်ခေါ်ပေးဖို့ ပါတီ(၁၁)ပါတီ တောင်း ဆိုကြတာလည်း ပြည်သူလူထု၏ သဘောဆန္ဒမဟုတ်သဖြင့် ဘာမှမထိရောက်ဘဲ ထို ၁၁ ပါတီမှာ ကိုယ့် အတ္တကို ကိုယ်ထုတ်ပြသလိုဖြစ်ခဲ့ရပါသည်။ မဲလိုချင်လျှင် ရိုးရိုးသားသားစည်းရုံးကြရပါမည်။ ဗိုလ်ချုပ်ကြီး တွေ၏ ချမ်းသာကြွယ်ဝမှုကို တိုင်းပြည်သို့ ချပြကာ ရွေးကောက်ပွဲတွင် အနိုင်ရပါက စည်းစိမ်ဥစ္စာ တ၀က် တိတိကို ဆင်းရဲသား လုပ်သားပြည်သူများအား ဝေခြမ်းပေးမည်ဟု ကြေညာလိုက်တာနှင့်ပင် ကြားဖြတ် ရွေးကောက်ပွဲ၌ ၀က်ဝက်ကွဲအောင်ပွဲရနိုင်ပါသည်။ မယုံလျှင် ကျွန်တော့်ကို ပြည်ခိုင်ဖြိုးပါတီ ရွေးကောက် ပွဲအောင်နိုင်ရေး ကိုယ်စားလှယ်ခန့်ပါ။ ထိုဆောင်ပုဒ် အတိုင်း လိုက်လံစည်းရုံးပါမည်။ နိုင်စေရပါမည်။ နိုင် လျှင်တော့ ကတိအတိုင်းတကယ်ဝေခြမ်းပေးဖို့ လိုမည် ဖြစ်သည်။ တိုင်းပြည်အတွက် တကယ်စေတနာရှိလျှင် စမ်းကြည့်စေလိုပါသည်။ ကုလားတွေ တရုတ်တွေ အကွက်က ရိုးနေပါပြီ။

သို့သော် ဘာသာရေး၊ လူမျိုးရေးမှိုင်းများမှာ အချို့နေရာများတွင် အသုံးဝင်ဆဲဖြစ်သေးတာ တွေ့ရလေသည်။ ဥပမာမွန်ပြည်နယ်တွင် ဖြစ်သည်။ တံတားတခု၏ အမည်ကို လွတ်လပ်ရေးဖခင်ကြီး အမည်ပေးဖို့ NLD က စီစဉ်သည်။ လွှတ်တော်တွင် တံတားအမည်ကို မဲခွဲဆုံးဖြတ်သည်။ ဤနေရာတွင် လူမျိုးရေး အစွန်းရောက်သူများ ရှေ့တန်းသို့ထွက်လာသည်။ ဗိုလ်ချုပ်အောင်ဆန်းအမည်ကို ကန့်ကွက်သည်။ ဆန္ဒတွေပြကြသည်။ တံတားအမည်ကို ဗိုလ်ချုပ်အောင်ဆန်းအမည်မတပ်လိုဘဲ မိမိဒေသအမည် တပ်လိုသည် ကို လက်ခံပေး၍ရသည်။ နားလည်ပေး၍ရသည်။ ဤအထိ ဘာမှ အငြင်းပွားစရာမရှိ။ သို့သော် တဖြည်း ဖြည်းနှင့် ပိုပိုသာသာလေးတွေ ဖြစ်လာသည်။ ကျဉ်းမြောင်းသော လူမျိုးစွဲတွေ၊ အတ္တစွဲတွေပါလာသည်။ ဗိုလ်ချုပ်အောင်ဆန်း ရုပ်တုများ သူတို့မြို့တွင် ရှိနေခြင်းကို လက်မခံနိုင်ပါဆိုတာမျိုးဖြစ်လာသည်။ မော်လမြိုင်တွင်လည်း ဆန္ဒပြကြသည်။ မုဒုံမြို့တွင် ဗိုလ်ချုပ်အောင်ဆန်းရုပ်တုရှိရာပန်းခြံရှေ့၌ ဆန္ဒပြကြသည်။ ဆန္ဒပြသူများထဲတွင် ဗုဒ္ဓဘာသာရဟန်းပျိုများလည်း ပါသည်။ ထိုဆန္ဒပြရဟန်းငယ်များထဲမှ ဓာတ်ပုံ တပုံဖေ့စ်ဘွတ်တွင် တက်လာသောအခါ ကြည့်ရတာ များစွာစိတ်မချမ်းသာဖြစ်မိပါသည်။ စိတ်မချမ်းသာ ရခြင်းမှာ အပိုင်းနှစ်ပိုင်းဖြစ်ပါသည်။ တပိုင်းမှာ ဗုဒ္ဓသာသနာအတွက် စိတ်မကောင်းခြင်းဖြစ်ပါသည်။ နောက်တပိုင်းမှာ ဗိုလ်ချုပ်အောင်ဆန်း ၏ ဂုဏ်ကျေးဇူးကို ဤမျှအထိ နင်းခြေရက်လေခြင်းဟူသော စိတ် မကောင်းမှု ဖြစ်ပါသည်။ ဘာသာသာသနာအတွက် စိတ်မကောင်းဝမ်းနည်းခြင်းကား ဤသို့ဖြစ်ပါသည်။ ရှင်းအောင်ပြောပြပါမည်။ ဓာတ်ပုံထဲတွင် ဗိုလ်ချုပ်အောင်ဆန်း ၏ ရုပ်တုရှေ့တွင် ရဟန်းတပါးရပ်နေပါသည်။ ထိုရဟန်းသည် ညာဘက်လက်ကိုမြောက်၍ လက်ခလယ်ကိုအပေါ်သို့ ထောင်ပြထားပါသည်။ ထိုပုံကိုမြင်လိုက်ရသည်နှင့် ကျွန်တော်သည် အံ့သြတုန်လှုပ်သွားပါသည်။ ထိုလက်ခလယ်ကို အပေါ်သို့ထောင် ပြသော အမူအရာသည် အနောက်တိုင်းနိုင်ငံများတွင် အင်မတန်ရိုင်းပြသော အမူအရာဖြစ်ပါသည်။ ကျွန် တော့်အသက် ၄၉ နှစ်သက်တမ်းတွင် တခါမှမလုပ်ဖူးသလို ကျွန်တော်ဧည့်လမ်းညွှန်အဖြစ် လိုက်ပါဆောင် ရွက်ရသော နိုင်ငံခြားသား လူကြီးလူကောင်းများလည်း ထိုအမူအရာမျိုးလုပ်ပြသည်ကို တခါမျှ မမြင်မတွေ့ဖူး ပါ။ ထိုအမူအရာမှာ အင်္ဂလိပ်ဘာသာဖြင့် Fuck You ဟု အလွန်ညစ်ညမ်းသည့် အဓိပ္ပာယ်ရပါသည်။ အင်္ဂလန်၊ အမေရိကစသောနိုင်ငံများတွင်ပင် အဆင့်အတန်းရှိသော သာမန်အရပ်သားများပင်လုပ်လေ့လုပ်ထမရှိပါ။ ကလေကချေများ၊ မူးယစ်ဆေးစွဲနေသူများ၊ လမ်းသရဲများ အိမ်ခြေယာခြေမဲ့များ၊ ဒုစရိုက်သမားများ၊ ပြည့်တန်ဆာများသာ လုပ်လေ့လုပ်ထရှိသော အပြုအမူဖြစ်ပါသည်။

ကျွန်တော်တို့သည် ဗုဒ္ဓဘာသာ ရဟန်းတော် များ၊ သံဃာတော် များကို အလွန်ပင်ရိုသေပါသည်၊ ကိုင်းရှိုင်းပါသည်။ ကိုးကွယ်ပါသည်။ တကမ္ဘာလုံးလည်း ဗုဒ္ဓဘာသာ သည် အလွန်သိမ်မွေ့နူးညံ့၍ မေတ္တာတရားရှေ့ထားသော ဘာသာတခုဟု အလေးထားကြပါသည်။ နားလည်လက်ခံထားကြပါသည်။ ရဟန်းသံဃာ များကိုလည်း မေတ္တာတရားကြီးမားသူများ၊ ကိုယ်အမူအရာ နှုတ်အမူအရာ နူးညံ့သိမ်မွေ့သူများ၊ ဗုဒ္ဓ၏အဆုံးအမ၀ယ် ပျော်မွေ့ကြသူများဟု ယူဆထားခဲ့ကြပါသည်။ ထိုသို့ ကမ္ဘာကပါလေးစားရသည့် ကျွန်တော်တို့ ဗုဒ္ဓဘာသာသည် ကိုယ်တော်တပါးက ဘာမဟုတ်သောအကြောင်းတခုကို အခြေခံ၍ ရိုင်းပျသောကိစ္စများ၊ ရုန့်ရင်းကြမ်းတမ်းသော အပြုအမူများ၊ သူတို့ဆီတွင် မိကောင်းဖခင်သားသမီးများ ပြုလုပ် လေ့မရှိသော ကိုယ်ဟန်အမူအရာများကို ပြုမူပြလိုက်သည့်အတွက် အားလုံးက အံ့သြတုန်လှုပ်သွားကြမည် ဖြစ်သည်။ ဗုဒ္ဓဘာသာဆိုသည်နှင့် ယဉ်ကျေးသိမ်မွေ့သော နှလုံးသားပိုင်ရှင်များဟု ယူဆနေကြသူများကို ဤပုံရိပ်က ဆိုးဆိုးရွားရွားထိခိုက်စေမည်ဖြစ်သည်။ ဗိုလ်ချုပ်အောင်ဆန်းရုပ်တုရှေ့မှ ဦးဇင်းလေးသည် မိမိပြုမူသည့်အဓိပ္ပာယ်ကိုအပြည့်အ၀နားမလည်ဘဲ ခပ်ပေါ့ပေါ့အနေနှင့် လုပ်ကောင်းလုပ်တာလည်း ဖြစ်နိုင် ပါသည်။ ထိုအပြုအမူသည် အင်မတန်ရိုင်းကြောင်း မသိသဖြင့်လုပ်သည်ဆိုလျှင် နောင်အခါ ဆင်ခြင်မိစေရန် မေတ္တာရှေ့ထား၍ ဤစာကို ရေးပါသည်။ ဦးဇင်းသည် လူအဖြစ်ဖြင့်ဖြစ်စေ၊ ရဟန်းဝတ်ဖြင့်ဖြစ်စေ၊ မည်သည့်နိုင်ငံ မည်သည့်အရပ်သို့ရောက်ရောက် ဓာတ်ပုံရိုက်ရာတွင်ဖြစ်စေ၊ လူကြားသူကြားထဲတွင် ဖြစ်စေ ဤလက်ဟန်အမူအရာမျိုး လုံးဝမလုပ်ပါနှင့် ဘုရား။ သာသနာဝန်ထမ်း ရဟန်းများ၊ မော်လ၀ီများ၊ ခရစ်ယာန်ဘုန်းတော်ကြီးများ၊ ဟိန္ဒူဖကီးများကို မဆို ထားဘိ ဘာသာမဲ့ဟုဆိုသူများပင် လူကြီးလူကောင်း အားလုံး ဤအမူအရာမျိုးကို ယဉ်ကျေးသော လူ့ဘုံအသိုင်းအ၀ိုင်းတွင် မလုပ်ကြပါဘုရား။ မိမိကိုယ်ကို အဆုံးစွန်အထိ နိမ့်ကျသွားစေသော အမူအရာများ ဖြစ်ပါသည်ဘုရား။ သို့ပါသော်လည်း ဤအပြုအမူ၏ အဓိပ္ပာယ်ကို တိတိကျကျပြည့်ပြည့်၀၀လည်း နားလည်သည်၊ ငါလုပ်ချင်လို့လုပ်ပါသည်ဟု ဆိုလာလျှင်တော့ မည်သို့မျှပြောစရာမရှိပါဘုရား။ တခုပဲရှိသည်မှာ မိမိ တကိုယ်ရည်ရိုင်းပျမှုသည် ဗုဒ္ဓဘုရားရှင်ထူထောင် ခဲ့သော ဗုဒ္ဓသာသနာတော်ကြီးတခုလုံးကို ထိခိုက်စေသည်ဆိုလျှင်ဖြင့်၊ မိမိကြောင့် မိမိဘာသာကို အထင် သေးစရာဖြစ်လာမည်ဆိုလျှင်ဖြင့် လုပ်သင့်၊ မလုပ်သင့် မိမိဘာသာဆုံးဖြတ်ချက်ချကြရန် ဖြစ်ပါသည်။

ဗိုလ်ချုပ်အောင်ဆန်း ကို ကြိုက်ခွင့်၊ မကြိုက်ခွင့် လူတိုင်းမှာရှိပါသည်။ ဘုရင်မကြီးရှင်စောပုကို ကြိုက်ခွင့်၊ မကြိုက်ခွင့် လူတိုင်းမှာ ရှိပါသည်။ ဓမ္မစေတီ မင်းကိုကြိုက်ခွင့်၊ မကြိုက်ခွင့် လူတိုင်းမှာရှိပါသည်။ ဗညားဒလကို ကြိုက်ခွင့်၊ မကြိုက်ခွင့် လူတိုင်းမှာရှိပါသည်။ သို့သော် ကိုယ်မကြိုက်တာနှင့် သူ့ကိုဆဲရေးခြင်း၊ မဖွယ်မရာလုပ်ပြခြင်းသည် မာဂဏ္ဍီပုဏ္ဏားကြီး လင်မယား၏ သမီးဖြစ်သူ သမီးမာဂဏ္ဍီ၏ လမ်းစဉ် ဖြစ်သည်။ ပုဏ္ဏားကြီး လင်မယား သည် သူတို့၏ သမီးဖြစ်သူ၏ လူမကနတ်တမျှ ချောမောလှပသော ရုပ်ရည်ကြောင့် သမီးနှင့်ထိုက်တန်သူကို ဤဇမ္ဗူဝယ်မရှိဟု ထင်ထားကြသူများ ဖြစ်သည်။ သို့သော် တနေ့တွင် မြတ်စွာဘုရားသည် ပုဏ္ဏားကြီးတို့ နေထိုင်ရာ ကုရုတိုင်း ကမ္မာသဒနိဂုံးသို့ ဆွမ်းခံကြွတော်မူ၏။ ဆွမ်းခံကြွလာသော ဘုရားရှင်ကို ပုဏ္ဏားကြီးမြင်လျှင် ယောကျာ်းမြတ်တို့၏ လက္ခဏာကြီးငယ်နှင့် ပြည့်စုံသောမြတ်စွာဘုရားကိုတွေ့လျှင် သမီးအတွက် အိမ်ထောင်ဘက်တွေ့ပြီဟုဆိုကာ အိမ်ပြန်၍ သမီးနှင့် ဇနီးကိုခေါ်လေသည်။ သူတို့ပြန်လာလျှင် မြတ်စွာ ဘုရားကား ထိုနေရာတွင်မရှိတော့ သို့သော် သစ္စာ ဓိဋ္ဌာန်၍ချသွားသော ခြေတော်ရာတဆူကိုမူ ပုဏ္ဏားကြီးတို့တွေ့ရသည်။ ခြေတော်ရာကို မြင်သည်နှင့် ရာဂကင်းသူ၏ခြေရာဆိုသည်ကို ပုဏ္ဏေးမကြီးက သိ၏။ သမီးကိုလက်ခံမည့်သူမျိုးမဟုတ်ဟု ဆိုသည်။ သို့ သော် ပုဏ္ဏားကြီးကဇွတ်ပင် သူ့သမီးကို ငြင်းပယ်မည့်သူလောကတွင်ရှိမည် မဟုတ်ဟု ထင်သည်။ ထို့ကြောင့်မြတ်စွာဘုရား ဆွမ်းခံပြန်အလာလမ်းတွင် တွေ့ကြသောအခါ သမီးကို အလုပ်အကျွေးအဖြစ် သိမ်းပိုက်ပါရန် ၀မ်းမြောက်ဝမ်းသာကမ်းလှမ်းသည်။

ထိုအခါ မြတ်စွာဘုရား က မိမိအားကမ်းလှမ်းလာ သည့် မာရ်နတ်မင်း ၏ သမီးသုံးယောက်ကိုပင် တပ် မက်ခြင်းမရှိခဲ့သဖြင့် ကျင်ကြီးကျင်ငယ်တို့ဖြင့် ပြည့်လျှမ်းနေသော မာဂဏ္ဍီသူငယ်မကို ခြေဖြင့်ပင် ထိ တွေ့လိုခြင်းမရှိကြောင်းဖြင့် ငြင်းပယ်လိုက်လေ၏။ မြတ်စွာဘုရားသည် အမှန်ကိုပြောခြင်းဖြစ်၏။ ထိုသို့ ပစ်ပစ်ခါခါပြောမှ သမီး၏အလှအပေါ်တွင် အမှီပြု၍ မာန်တက်နေသော ပုဏ္ကားကြီးလင်မယား မာနများကွာ ကျကာ တရားထူးရမည်ကို သိမြင်တော်မူ၍ဖြစ်သည်။ မြင်တော်မူသည့်အတိုင်းလည်း တရားဟောတော်မူ သောအခါ တရားအဆုံးဝယ် မာဂဏ္ဍီပုဏ္ဏားဇနီးမောင်နှံသည် အနာဂါမ် ဖြစ်သွားကြလေသည်။ သို့သော် လောကကောင်းကျိုးဆောင်ရွက်နေသော၊ မိမိမိဘ နှစ်ပါး မဂ်ဥာဏ်ဖိုလ်ဥာဏ်ရဖို့ တရားရေအေးအမြိုက် ဆေးတိုက်ကျွေးခဲ့သော မြတ်စွာဘုရားကို မာဂဏ္ဍီသတို့သမီးသည် အကောင်းမမြင်နိုင် မြတ်စွာဘုရားအပေါ် အငြှိုးကြီးငြှိုးထားတော့သည်။

ကံအားလျော်စွာ ထိုသူငယ်မသည် ကောသမ္ဘီ ပြည့်ရှင်ဘုရင်ဥတေန၏ မိဖုရားဖြစ်လာသည်။ ကောသမ္ဘီပြည်သို့ မြတ်စွာဘုရားကြွလာသောအခါ မိဖုရားသည် သေသောက်ကြူးတို့အား မြတ်စွာဘုရားကို ဆဲရေးခိုင်း၏။ မြတ်စွာဘုရားကို ကိုးကွယ်သူ မိဖုရားသာမာဝတီကိုလည်း ဘုရင့်အမျက်ရှ၍ အသတ်ခံရရန် အားထုတ်ရာမှ မာဂဏ္ဍီမိဖုရား၏ ကောက်ကျစ်စဉ်း လဲမှုပေါ်ပေါက်ပြီး ဥတေနဘုရင်၏ ကွပ်မျက်ခြင်းခံရသည်။ ထို့ကြောင့်လောက၌ သူတပါး၏ ကျေးဇူးကို ချေဖျက်ရုံမက ဆဲရေးသောသူသည် မာဂဏ္ဍီမိဖုရား လမ်းစဉ်ဖြစ်ပေသည်။

ဗိုလ်ချုပ်အောင်ဆန်း ၏ ကျေးဇူးသည် ပြည်ထောင်စုမြန်မာတနိုင်ငံလုံးတွင်ရှိ၏။ ငါတို့က မွန်မို့လို့၊ ရခိုင်မို့လို့၊ ရှမ်းမို့လို့၊ ချင်းမို့လို့၊ ကချင်မို့လို့၊ ဗမာမို့လို့ ဗိုလ်ချုပ်အောင်ဆန်းကျေးဇူးမရှိဘူးဟု ယူဆ လျှင် သွက်သွက်ခါအောင်မှားမည်။ အောင်ဆန်းသည် သူ့တဘ၀လုံးကိုစွန့်၍ လွတ်လပ်ရေးကြိုးပမ်းခဲ့ခြင်းမှာ လူမျိုးစုတစု ကွက်ကွက်ကလေးမဟုတ်။ ပါတီတခုအတွက် လုပ်ခဲ့ကိုင်ခဲ့ခြင်းမဟုတ်။ ပြည်ထောင်စုကြီး တခုလုံးအတွက် ကြိုးပမ်းခဲ့ခြင်းဖြစ်သည်။ ထို့ကြောင့် ယနေ့အချိန်တွင် လွတ်လပ်သောနိုင်ငံတနိုင်ငံအဖြစ် ရပ်တည်နေနိုင်ခြင်းသည် ဗိုလ်ချုပ်အောင်ဆန်း ကျေးဇူး မပါပါဟုပြောပါက ထိုသို့ပြောသူသည် သူ့ကျေးဇူးကို ကန်းလွန်းသူသာဖြစ်မည်။ လူမျိုးစွဲတွေကြီးလွန်းသဖြင့် အမှန်ကို မမြင်နိုင်သူဖြစ်မည်။ ကျေးဇူးရှင်ကို ဆဲရေး ကြလျှင်မူကား ယခုဘ၀ရော တမလွန်မှာပါ ကောင်းနိုင်ဖွယ်မမြင်ပေ။

အမှန်စင်စစ် ဤကဲ့သို့ဆဲရေးသော အမူအရာ ပြုလုပ်သူမှာ မြန်မာပြည်ရှိ သူတော်ကောင်း ရဟန်း သံဃာတော်အားလုံးကို ကိုယ်စားပြုသည်ဟုမဆိုသာ ပါ။ လူနည်းစုတယောက်တလေသာ ဖြစ်ပါလိမ့်မည်။ ဗိုလ်ချုပ်ကို လေးစားကြည်ညိုသော ရဟန်းတော် များစွာလည်း မြန်မာပြည်မှာ ရှိပါသည်။ မုဒုံမြို့တွင်လည်း ဗိုလ်ချုပ်အောင်ဆန်းကို ကြည်ညိုလေးစားသူ များစွာရှိပါသည်။ ပြည်ထောင်စုနေ့က မုဒုံစာပေဟောပြောပွဲနှင့် ဗိုလ်ချုပ်ကျောက်ရုပ်ဖွင့်လှစ်ပွဲသို့ ကျွန်တော်နှင့် ဦးဘုန်း(ဓာတု)သွားရောက်ဟောပြောခဲ့ရာ ဗိုလ်ချုပ် ကိုကြည်ညိုလေးစားထောက်ခံသူများစွာကိုတွေ့ခဲ့ရပါသည်။ ပြည်ထောင်စုနေ့တွင် ဗိုလ်ချုပ်အောင်ဆန်း၏ ဂုဏ်ပုဒ်များကို ဟောပြောရာလာရောက်နားထောင်သူ များပြားလှပါသည်။ ထိုအထဲတွင်ရဟန်းတော်များ လည်း ပါဝင်ပါသည်။

အကယ်စင်စစ် ဤအကွဲအပြဲသည် ဘာမှ မဟုတ်သော အက်ကြောင်းရာသေးသေးကလေး ဖြစ်သည်။ ဗိုလ်ချုပ်အောင်ဆန်း၏ ဂုဏ်ရည်သည် ထိုတံတားအမည်ပေးပေး၊ မပေးပေး မြန်မာနိုင်ငံသားအားလုံး၏ ရင်ထဲတွင် ( အချို့သော နာကျည်းချက်ရှိ သူများမှတပါး) ရှိနေခဲ့ပြီးဖြစ်သည်။ တံတားအမည် မမှည့်ရလဲ ဗိုလ်ချုပ်သည်အားလုံး၏ ရင်ထဲမှာရှိပြီးသား ဖြစ်သည်။ ထို့ကြောင့် ဇွတ်အတင်း မဲခွဲဆုံးဖြတ်ခြင်း အဆင့်အထိ သွားမည့်အစား NLD သည် သဘောထား ကြီးကြီးထားကာ အခြားနာမည်တခုကိုပေးလိုက်ဖို့ ကောင်းသည်။ လွှတ်တော်တွင် တံတားနာမည်ပေးခြင်းထက် ပိုအရေးပါသော ကိစ္စများကို ဆောင်ရွက်ကြဖို့ ကောင်းသည်။ ဥပမာ ပုဒ်မ ၆၆(ဃ) ရုပ်သိမ်းခြင်းကိစ္စ၊ အနိမ့်ဆုံးလုပ်ခလစာ ပြင်ဆင်သတ်မှတ်ဖို့ကိစ္စ၊ လမ်းတံတားများအားလုံးတွင် မြို့ဝင်ကြေး တံတားဖြတ်သန်းခများ တနိုင်ငံလုံးဖျက်သိမ်းဖို့ကိစ္စ၊ ဆင်းရဲသားများတိုက်ရိုက်အကျိုးရှိနိုင်မည့် ဈေးကောက်ကောက်ခံခြင်းအား ဖျက်သိမ်းပေးသည့်ကိစ္စ၊ ဖွဲ့စည်းပုံ အခြေခံဥပဒေပြင်ဆင်သည့်ကိစ္စ၊ အဂတိလိုက်စားမှုကို ထိထိရောက်ရောက်တိုက်ဖျက်ရေးကိစ္စ၊ လမ်းပန်း ဆက်သွယ်မှုလွယ်ကူရေးကိစ္စ၊ ကုန်ဈေးနှုန်းကျဆင်းရေးကိစ္စတို့ကို ဆွေးနွေးဆုံးဖြတ်ကြဖို့ ကောင်းသည်။ အခုတော့ NLD အမတ်များသည် ဗိုလ်ချုပ်အောင်ဆန်းတံတားအမည်ပေးရေးကိစ္စ၊ ဒေါ်အောင်ဆန်းစုကြည် ဘာသာပြန်သည်ဆိုသော IF ဆိုသည့် ကဗျာကို ကျောင်းသင်ရိုးညွှန်းတန်းတွင်ပြဋ္ဌာန်းရန်ကိစ္စ စသည်ဖြင့် ဒေါ်အောင်ဆန်းစုကြည် ကိုဖားသောကိစ္စများကိုသာ အလုအယက်ဆောင်ရွက်နေသည်ဟု မြင်ပါ သည်။ နောက်နောင်တွင် ဆင်ခြင်ကြရန် ဖြစ်သည်။ NLD အမတ်များ အမြော်အမြင်ရှိရှိ ဆောင်ရွက်ရမည် ဖြစ်သည်။ တချက်မှားခဲ့လျှင် ပြဿနာသေးသေးကို အကြီးကြီးဖြစ်အောင် မီးထွန်းမည့်သူများလည်း အဆင် သင့်စောင့်ကြိုနေသည်ကိုသတိမူရမည် ဖြစ်သည်။ သေးငယ်သောပြသနာများမှသည် သူတို့အဆို ပရမ်းပတာ၊ ဗြောင်းဆန်နေသော အခြေအနေသို့ရောက်အောင် လုပ်ချင်နေသူများ၊ ပွဲလန့်တုန်းဖျာခင်းချင်သူများလည်း မြန်မာနိုင်ငံ၌ မရှားချေ။

ပြီးခဲ့တာတော့ ပြီးခဲ့ချေပြီ။ NLD ကလည်း နှမ်းဖြူးတာ နည်းနည်းလျှော့ပြီး ထိရောက်တာတွေ လုပ်စေချင်သည်။ တိုင်းရင်းသားတွေကလည်း အမြင်ကျယ်စေချင်သည်။ ရန်ကုန်မှာ ဗညားဒလလမ်းဟု အမည်ပေးလည်း မည်သည့်ဗမာတွေကမှ ဆန္ဒမပြ၊ ဓမ္မစေတီလမ်းဆိုတော့လည်း မည်သည့်ဗမာရဟန်းတော်ကမှ ဆဲရေးမနေ၊ ရှင်စောပုလမ်းလုပ်တော့ရော မည်သူတွေကမှ ကန့်ကွက်မနေ။ ထို့အတူ ရာဇဓိရာဇ်လမ်း၊ ဗိုလ်ဆွန်ပက်လမ်း၊ ဦးဥတ္တမပန်းခြံ၊ ဗညားနွဲ့လမ်း၊ ဗညားဦးလမ်း၊ ဟားခါးလမ်း၊ ဟံသာဝတီလမ်း၊ ဟံသာဝတီအ၀ိုင်း၊ ဟိုက်ဆင်ဒူးဝါးလမ်း၊ အင်းလေး လမ်း၊ ကောလင်းလမ်း၊ ကွတ်ခိုင်လမ်း၊ ကျမ်းစာသင် ကျောင်းလမ်း၊ လွိုက်ကော်လမ်း၊ လင်းပင်လမ်း၊ မန်းဘခိုင်လမ်း၊ မြစ်ကြီးနားလမ်း၊ စ၀်စံထွန်းလမ်း၊ ရှမ်းလမ်း၊ ဦးဘဟန်လမ်း၊ ဦးရွှေဇံအောင်လမ်း စသည်ဖြင့် မရေတွက်နိုင်သော ဗမာမဟုတ်သည့် တိုင်းရင်းသားတို့၏ နာမည်နှင့်လမ်းများရှိ၏။ ထိုလမ်းများ၏ အမည်ကို ဗမာများသည် ခုံမင်နှစ်ခြိုက်စွာပင် ခေါ်ဝေါ်သုံးစွဲခဲ့တာပဲ ဖြစ်သည်။ ကိုယ့်လူမျိုးမဟုတ်တာနှင့် လမ်း နာမည်ကိုကန့်ကွက်ရလျှင် ရန်ကုန်ကလူတွေသည် အခြားဘာအလုပ်မှကိုမလုပ်နိုင်တော့ဘဲ လေးငါး ခြောက်နှစ်ဆက်တိုက် လမ်းအမည်ပြောင်းဖို့ဆန္ဒပြနေ ရတာနှင့် အချိန်တွေကုန်ပေမည်။ တကယ်တော့ ကျွန်တော်တို့အားလုံးသည် ပြည်ထောင်စုထဲတွင်အတူနေ ထိုင်နေကြသော လူမျိုးစုတွေပဲ ဖြစ်သည်။ အတိတ်က ပဒေသရာဇ်ခေတ်က ဘုရင်များသူတို့အတ္တနှင့် သူတို့ စစ်ပွဲတွေနွှဲ ကြတယောက်ဒေသကို တယောက်က သိမ်းပိုက်ကြတာတွေကို ယနေ့ ၂၁ ရာစုအထိ အတိတ် ကိုပြန်သွားကာ သူ့လူမျိုးငါ့လူမျိုးလုပ်နေ၍ မရတော့။ အနာဟောင်းတွေကိုပြန်ဆွနေ၍ မရတော့။ အတ္တတွေ ရှိက ဖျောက်ရမည်။ အငုံ့စိတ်တွေရှိခဲ့က ဖျောက်ကြရမည်။ တောက်ပသောအနာဂတ်ကိုပဲ ဦးတည်ကြ ရအောင်။ မည်းမှောင်ပုတ်စော်နံနေသော အတိတ်မှ အားလုံးရုန်းထွက်ကြရအောင်ပါ။ ဗုဒ္ဓဘုရားရှင် ၏ မျက်နှာကိုရော၊ ဗိုလ်ချုပ်အောင်ဆန်းမျက်နှာကိုရော အိုးမဲမသုတ်မိစေရန်၊ ပြည်ထောင်စုကြီး မိမိကြောင့် သိက္ခာမကျစေရန် ၀ိုင်းဝန်းစောင့်ရှောက်ကြပါစို့။

Credit : သရ၀ဏ်(ပြည်)