မိမိတို့အနေဖြင့် စစ်တပ်ကို အမြင့်ဆုံးတပ်လှန့်ထားပြီး၊ နျူလက်နက်မှာလည်း ပြစားမည့်အရာမဟုတ်ဟု မြောက်ကိုရီးယား ဒုတိယနိုင်ငံခြားရေးဝန်ကြီး ဆင် ဟွန် ချိုလ်က ယမန်နေ့ အလ်ဂျာဇီရားသတင်းဌာနနှင့် အင်တာဗျူးတွင် ပြောကြားလိုက်သည်။

အာရှသို့ ရောက်ရှိနေသည့် အမေရိကန် ဒုတိယသမ္မတ မိုက်ပန့်စ်က မိမိတို့အနေဖြင့် မြောက်ကိုရီးယားကို ရင်ဆိုင်ရန် နည်းလမ်းအားလုံးကို ထည့်သွင်းစဉ်းစားထားသည်ဟု တောင်ကိုရီးယားသို့ရောက်ရှိစဉ် ပြောကြားမှုအား မြောက်ကိုရီးယားက ယခုကဲ့သို့ တုန့်ပြန်ခြင်းဖြစ်သည်။

ဆင် ဟွန် ချိုလ်က သမ္မထရမ့်အနေဖြင့် ကမ္ဘာကြီးကို မျက်လုံဖွင့်ကြည့်ရန်လိုအပ်ကြောင်း၊ အမေရိကန်၏ စစ်အင်အားကို ၀င့်ကြွား၍ အမိန့်များပေးသည့်အချိန်မှာ ကုန်လွန်သွားပြီဖြစ်ကြောင်း၊ အမေရိကန်တွင် အာဏာချုပ်ကိုင်ထားသည့် စီးပွားရေးသမားများက စစ်အင်အား သို့မဟုတ် စီးပွားရေးပိတ်ဆို့မှုများဖြင့် မိမိတို့အား ခြိမ်းခြောက်၍ရမည်ဟု ထင်နေပြီး သမ္မတအိုဘားမားလက်ထက်တွင် အလုပ်မဖြစ်ခဲ့သည့် အဆိုပါဆောင်ရွက်ချက်များမှာ အသုံးမ၀င်ဆိုသည်ကို မကြာခင် တွေ့ရှိရမည်ဖြစ်ကြောင်း ထည့်သွင်းပြောဆိုခဲ့သည်။

“ကျွန်တော်တို့ရဲ့ အချုပ်အချာကို ထိခိုက်လာမယ့် ဘယ်လို လက္ခဏာမျိုးမဆို တွေ့လာရင် ဝေးကွာတဲ့ အမေရိကန် ပိုက်နက်တွေမှာပဲဖြစ်ဖြစ်၊ ဂျပန်နဲ့ တခြားနေရာတွေလို ကိုရီယားကျွန်းဆွယ်က အမေရိကန်စစ်အခြေစိုက်စခန်းမှာပဲဖြစ်ဖြစ် ကျွန်တော်တို့ရဲ့စစ်တပ်ဟာ ကျူးကျော်သူ အမေရိကန်တွေကို အညှာအတာမဲ့ တိုက်ခိုက်သွားမှာပါ”

ထို့ပြင် ကိုရီးယားကျွန်းဆွယ်တွင် နျူလက်နက်ကင်းစင်ရေး ရည်ရွယ်သည့် ၆ နိုင်ငံ ဆွေးနွေးပွဲမှာလည်း အနိုင်ကျင့်ခြင်းဖြစ်သည်ဟု ဒုတိယနိုင်ငံခြားရေးဝန်ကြီးက ထပ်လောင်း ပြောကြားခဲ့သည်။

“ကျွန်တော်တို့ပိုင်ဆိုင်တဲ့ နျူလက်နက်က ပြစားဖို့မဟုတ်ပါဘူး။ ဒါဟာ အမေရိကန် ဒေါ်လာနဲ့ လဲနိုင်မယ့် ကုန်ပစ္စည်းလည်းမဟုတ်သလို၊ ရောင်းဖို့လည်း မဟုတ်ပါဘူး။ ဒါ့ကြောင့် ဒါကို ဖယ်ရှားဖို့ဆိုတဲ့ ရည်ရွယ်ချက်နဲ့တာ့ စားပွဲဝိုင်းမှာ ထိုင်လို့မရပါဘူး”

မြောက်ကိုရီးယားက ဒုံးကျည်စမ်းသပ်မှုများ တောက်လျှောက်ပြုလုပ်လာခဲ့ပြီးနောက် အမေရိကန်နှင့် မြောက်ကိုရီးယားတို့အကြား တင်းမာမှုများမှာ မြင့်တက်လာခဲ့ပြီး အမေရိကန်ကလည်း မြောက်ကိုရီးယာပြဿနာကို ဖြေရှင်းရန် စစ်ရေးအပါအ၀င် နည်းလမ်းအားလုံးကို စဉ်းစားနေသည်ဟု ပြောကြားထားသည်။

Ref: Aljazeera
Credit: M Media