ခြေထောက်

မဂျစ် အလ် အိုတိုင်ဘီဟာ သူရဲ့ ခြေထောက်နှစ်ဖက်စလုံး ဆုံးရှုံးသွားတဲ့ ကြေကွဲစရာ မနက်ခင်းတစ်ခုကို မှတ်မိနေတုန်းပါပဲ။ သူ စာသင်ပေးမယ့် ကျောင်းကို ရောက်ဖို့အတွက် ထိုင်ခုံခါးပတ် မပတ်ထားတဲ့ အိုတိုင်ဘီတစ်ယောက် ကားကို အရှိန်ပြင်းပြင်းမောင်းလာစဉ်မှာ ခြံစည်းရိုးတစ်ခုကို ၀င်တိုက်မိခဲ့တာပါ။

နှစ်အနည်းငယ်အကြာ ခြေတုရရှိတဲ့အချိန်မှာတော့ ခြေထောက်နှစ်ဖက်စလုံး ဆုံးရှုံးသွားမှုကြောင့် စိတ်ဓာတ်ကျဆင်းမှုကို ကျော်ဖြတ်နိုင်ဖို့ သူက စိုင်းပြင်းလာပါတယ်။

“တစ်နေ့မှာ အပြေးသမားတစ်ယောက်ဖြစ်ဖို့ မျှော်လင့်ပါတယ်။ ဒါပေမယ့် ကျွန်တော့်လိုမျိုး အရှိန်တင်မောင်းတာ၊ ထိုင်ခုံခါးပတ်မပတ်ထားတာမျိုး တစ်ခြားသူတွေကို တကယ်ကို မဖြစ်စေချင်ပါဘူး” လို့ သူက ဆိုပါတယ်။

ခြေထောက်တွေ ဆုံးရှုံးသွားတဲ့နောက်ပိုင်း ဘ၀ကြီးက အဆုံးသတ်သွားပြီလို့ ထင်သွားခဲ့ကာ တစ်နေ့မှာ သူနဲ့ ကံကြမ္မာတူသူတွေအတွက် အားကျစရာ၊ ရှေ့ဆောင်လမ်းပြတစ်ယောက် ဖြစ်လာမယ်ဆိုတာကို စဉ်တောင်မစဉ်းစားမိတဲ့ အကြောင်းကိုလည်း အိုတိုင်ဘီက Al Arabiya သတင်းဌာနကို ဖွင့်ဟခဲ့ပါတယ်။

“လက်ထပ်ပြီး ၅ လလောက်အကြာမှာပဲ ဒီလို မတော်တဆဖြစ်သွားတဲ့အတွက် ကျွန်တော် တော်တော်လး နာကျင်ကြေကွဲရပါတယ်။ ဒါပေမယ့် မိသားစုနဲ့ ဇနီးဖြစ်သူရဲ့ ပံ့ပိုးမှုတွေကြောင်း ဒီလို ကြောက်မက်ဖွယ် ရလဒ်ကြီးကို ဖြတ်ကျော်နိုင်ခဲ့ပါတယ်” လို့ အိုတိုင်ဘီက ဆိုပါတယ်။

အခုအချိန်မှာတော့ သူဟာ ဆရာအလုပ်ကို စွန့်လွှတ်ပြီး ခြေတုနဲ့ လမ်းလျှောက်နိုင်အောင် လေ့ကျင်ပေးခဲ့တဲ့ ဆေးခန်းမှာ အလုပ်လုပ်နေပါတယ်။

“ခြေတုအသုံးပြုတဲ့နယ်ပယ်မှာ ကျွန်တော့်ရဲ့အတွေ့အကြုံတွေကို ပြန်လည်မျှဝေဖို့၊ မသန်စွမ်းသူတွေကို လှုံ့ဆော်ပေးဖို့၊ သူတို့ရဲ့ စိတ်ဓာတ်တွေကို မြှင့်တင်ပေးဖို့ ကျွန်တော်ဟာ ဒီဆေးခန်းမှာပဲ အလုပ်လုပ်ပါတယ်”

သူ ပြန်လည်လမ်းလျှောက်နိုင်အောင် ကူညီပေးခဲ့တဲ့ ဆေးခန်းက ဆရာဝန်တွေအားလုံးကို အိုတိုင်ဘီက ကျေးဇူးတင်နေပြီး၊ သူကျေးဇူးအထူးတင်ရမယ့် နိုင်ငံခြားသားတစ်ယောက် ရှိနေတယ်လို့လည်းဆိုပါတယ်။

“ကျွန်တော်ဟာ ဖိလစ်ပိုင် ဆရာဝန်တစ်ယောက်အပေါ်မှာ အကြွေးတွေ တင်နေပါတယ်။ သူဟာ ကျွန်တော်တို့ ဒီဒုက္ခထဲကလွတ်ပြီး လမ်းပြန်လျှောက်လာနိုင်အောင် စိတ်အားထက်သန်စွာ ကူညီပေးခဲ့ပါတယ်။ သူ့ကို ကျွန်တော် အရမ်းကျေးဇူတင်ပါတယ်”

Ref: Alarabiya

Creidt: M Media