ဇူလိုင်မှ ဩဂုတ် ပထမပတ် အတွင်း ပြည်တွင်း အလုပ်အကိုင် ရှာဖွေမှုမှာ အမျိုးသား တွေထက် အမျိုးသမီး အရေအတွက်က ပိုများလာကြောင်း အွန်လိုင်း အလုပ်အကိုင် ရှာဖွေရေး ၀က်ဘ်ဆိုက် တစ်ခုရဲ့ စစ်တမ်း မှာ ဖော်ပြထားပါတယ်။
အွန်လိုင်း အလုပ်အကိုင်ရှာဖွေရေး ၀က်ဘ်ဆိုက်ဖြစ်တဲ့ work.com.mm ကကောက်ယူခဲ့တဲ့ စစ်တမ်းမှာ အမျိုးသမီး ဦး ရေဟာ အမျိုးသား ဦးရေထက် ၂ ရာခိုင်နှုန်းပို၍ အလုပ်ရှာဖွေခဲ့ကြောင်း ဖော်ပြထားတာ ဖြစ်ပါတယ်။

‘‘ဇူလိုင်တစ်လလုံးနဲ့ ဩဂုတ်လဆန်းအထိ အခြေအနေ ကို တွက်ထားတာပါ။ အဲဒီမှာ ထူးထူးခြား ခြားအမျိုးသမီးအရေအတွက်များ နေတာတွေ့တာဖြစ်ပါတယ်’’ ဟု work.com.mmမှ တာဝန် ရှိသူကပြောထားကြောင်း 7Day Daily ရဲ့ သတင်းတစ်ရပ်မှာ ဖော်ပြထားပါတယ်။အဆိုပါစစ်တမ်းကို အလုပ်အကိုင် ရှာဖွေတဲ့ လုပ်သားဦးရေ ၈,၀၀၀ ခန့်ဆီကနေ ကောက်ယူခဲ့တာဖြစ်ပါတယ်။

အလုပ်အကိုင် ရှာဖွေနေကြသူအများစုက အင်ဂျင်နီယာ အလုပ်အကိုင်၊ စီမံခန့်ခွဲရေးပညာ အလုပ်အကို ၊ အိုင်တီ နဲ့ နည်းပညာ အလုပ်အကိုင် ၊ စာရင်းကိုင်နဲ့ ဘဏ္ဍာရေးစီမံခန့်ခွဲမှု အလုပ်အကိုင် တို့ကို အများဆုံးရှာဖွေ လျှောက်ထားကြတယ်လို့ သိရပါတယ်။

Credit : 7day daily