နယ်စပ်ဒေသများအပါအဝင် ပြည်တွင်း၌ မြန်မာကျပ်ငွေဖြင့် ငွေပေးငွေချေမလုပ်သူများကို အရေးယူသွားရန်စီစဉ်နေကြောင်း ဗဟိုဘဏ် ဒုဥက္ကဌဦးဘိုဘိုငယ်က သြဂုတ် ၂၈ ရက်က လွှတ်တော်တွင် ပြောသည်။

အမျိုးသားလွှတ်တော်အစည်းအဝေးတွင် ကရင်ပြည်နယ်က လွှတ်တော်ကိုယ်စားလှယ်ဒေါ်နန်းနီနီအေးက မြန်မာငွေအားကောင်းလာစေရန် နယ်စပ်ကုန်သွယ်ရေးမြို့များတွင် ကျပ်ငွေသုံးစွဲရေးအတွက် ဗဟို ဘဏ်၏ မည်ကဲ့သို့ ဆောင်ရွက်နေပုံကို မေးမြန်းသဖြင့် ၎င်းက ထိုသို့ ပြောကြားခဲ့ခြင်း ဖြစ်သည်။

ထိုင်း−မြန်မာနယ်စပ်ကဲ့သို့သော နယ်စပ်ကုန်သွယ်ရေးနေရာများတွင် မြန်မာကျပ်ငွေထက် ထိုင်းဘတ်ကဲ့သို့သော အခြားတိုင်းပြည်မှ ငွေများကိုသုံးစွဲနေသည့်အပေါ် စည်းကြပ်ရန် အမတ်က လွှတ်တော်တွင် အရေးဆိုမေးမြန်းခြင်းဖြစ်သည်။

နယ်စပ်တွင်သာမက အခြားဒေသများတွင်ပါ ထိုင်းဘတ်သုံးစွဲမှုလျော့ကျစေရန် ကျပ်နှင့်ဘတ်ကို ငွေလဲကောင်တာများတွင် လဲလှယ်သုံးစွဲခွင့်ပြုထားပြီးဖြစ်ရာ ”ဘတ်ငွေကို ပြည်တွင်းမှာသုံးစွဲရင် အရေးယူ ဆောင်ရွက်တဲ့အမိန့်တွေ ထုတ်ပြန်ပြီး အရေးယူဆောင်ရွက်သွားရမှာ ဖြစ်ပါတယ်”ဟု ဦးဘိုဘိုငယ်က ပြောသည်။

မည်သည့်ကာလမှ စတင်၍ လိုက်နာမှုမရှိပါက အရေးယူ ဆောင်ရွက်မည်ဆိုသည်ကို ပြည်သူကိုအသိပေးပြီး ပညာပေးကာလတစ်ခု သတ်မှတ်ကာ ဆောင်ရွက်သွားတော့မည်ဟုလည်း ၎င်းက ဆိုသည်။

နိုင်ငံအတွင်း၌ အမေရိကန်ဒေါ်လာကျယ်ပြန့်စွာ မသုံးစွဲစေရန်နှင့် ငွေလဲလှယ်နှုန်းတည်ငြိမ်စေရေး ရည်ရွယ်ချက်ဖြင့် ငွေပေးငွေချေအားလုံးကို ကျပ်ငွေဖြင့်သာ ပေးချေစေရန် သမ္မတရုံးသို့တင်ပြပြီး တိုင်းဒေသကြီးနှင့်ပြည်နယ်အစိုးရ အဖွဲ့များသို့ ပူးပေါင်းဆောင်ရွက်ကြရန်ကိုလည်း အကြောင်းကြားထားသည်ဟု ဗဟိုဘဏ်ဒုဥက္ကဌက ပြောသည်။

သို့သော်လည်း ကရင်ပြည်နယ်နှင့် ရှမ်းပြည်နယ်တို့ရှိ ထိုင်းနိုင်ငံနှင့် ထိစပ်နေသောဒေသများတွင် ပို့ကုန်/သွင်းကုန် လုပ်ငန်းများတိုးတက်ဖွံ့ဖြိုးလာစေရေးအတွက် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနကထိုဒေသများရှိ ဘဏ်ခွဲများ၌ ကျပ်ငွေ၊ ဘတ်ငွေနှင့် ဒေါ်လာ ငွေစာရင်းများကို ဖွင့်လှစ်ခွင့်ပြုပေးထားသည်ဟု ဦးဘိုဘိုငယ်က ဆိုသည်။

အိန္ဒိယနှင့် တရုတ်နိုင်ငံ နယ်စပ်များရှိ ငွေလဲကောင်တာများတွင် ရူပီးနှင့် ယွမ်တို့ကိုတရားဝင်လဲလှယ်ခွင့်ပြုရန် ဆောင်ရွက်နေသည်ဟုလည်း ၎င်းက ဆိုသည်။

ဗဟိုဘဏ်၏ စာရင်းဇယားများအရ ယခုနှစ် ဇူလိုင် ၂၇ ရက်အထိ တစ်နိုင်ငံလုံးတွင်ငွေလဲကောင်တာ ၁,၃ဝဝ ကျော် ရှိနေပြီ ဖြစ်သည်။

Credit:The Myanmar Times