ရုရှားနိုင်ငံ တွင် ၅ တန်းမှ၍ တပ်မတော်မှဖွင့်လှစ်ပေးထားသော ကျောင်း များတွင် အခမဲ့တက်ရောက် နိုင်ကြပါသည်။ ထို ကျောင်း တက်ရောက်ပြီး ကျောင်း ပြီးပါက ဗိုလ်သင်တန်း ဆက်လျှောက်နိုင်ကာ ဗိုလ်လောင်း ဖြစ်ရန်လည်း သေချာပါသည်။ အရပ်ဘက်အထက်တန်း ကျောင်း တက်ရောက်ပြီးသူများသည်လည်း ဗိုလ်လောင်း လျှောက်နိုင်ပြီး စာမေးပွဲ၊ ကိုယ်ခန္ဓာကျန်းမာကြံ့ခိုင်ရေးနှင့် စိတ်ကျန်းမာရေးအဆင့်ဆင့်တို့ စိစစ်ပြီးအောင်မြင်လျှင် တက်ရောက်နိုင်ပါသည်။

အသက် ၁၈ နှစ်ပြည့်သူ ယောက်ျား တိုင်းသည် နိုင်ငံတော်အ တွက် စစ်မှုထမ်း ရန်တာ ၀န်ရှိကြပါသည်။ ရုရှား တို့သည် စစ်မှု မထမ်းမနေရစနစ်ကို ကျင့်သုံးပြီး စစ်မှုထမ်း ကာလမှ ယခင်နှစ် နှစ်ဖြစ်ကာ လက်ရှိအချိန်တွင် တစ်နှစ်သို့လျှော့ချထားပါသည်။ ဆေးအဆင့်မမီသူ၊ ဘာသာရေးအရလိုက်နာရသူဘုန်းကြီး ရဟန်း များအား စိစစ်ပြီးလွတ်ငြိမ်းခွင့်ပြုထားပါသည်။ ၎င်းင်းတို့အနေဖြင့် စစ်မှုထမ်းခြင်းအစားနိုင်ငံတော်ပိုင်ဌာနများ တွင် အမှုထမ်းဆောင်ကြရပါသည်။ စစ်မှုထမ်း ဆောင်ဖူးသူများအနေဖြင့် ပြည်ထဲရေးလက်အောက်ခံဌာနများ တွင် အရာရှိ^အရာခံအကြပ်ကြီးများအဖြစ် ၀င်ရောက်အမှုထမ်းခွင့် ရရှိကြမည်ဖြစ်သည်။

အလုပ်အကိုင် လျှောက်ရာတွင်လည်း စစ်မှုထမ်းေ ဆာင်ခဲ့စဉ်က တာဝန်ကျေပွန်မှုမှတ်ချက်ကောင်းမှသာ အလုပ်ရရှိရန်သေချာပါသည်။ စစ်မှုမထမ်းမနေရစနစ်မှ စစ်မှုထ မ်းသက် ၈ လထက်မနည်းသူသည် တပ်မတော် တွင် ဆက်လက်တာဝန်ထမ်းဆောင်လိုပါက တပ်ကြပ်၊ တပ်ကြပ်ကြီးနှင့် အရာခံများအဖြစ် ၅ နှစ်စာချုပ်ထပ်မံ ချုပ်ဆိုရမည်ဖြစ်သည်။ ၅ နှစ်ပြည့်သော် ဆက်လက်ထမ်းဆောင်လိုပါက ၅ နှစ် သို့မဟုတ် ၃ နှစ်စာချုပ်ထပ်မံ
ချုပ်ဆိုရမည်ဖြစ်သည်။

တာဝန် ထမ်းဆောင်စဉ် နေထိုင်ရန်အိမ်နှင့်တိုက်ခန်းစီစဉ်ပေးပြီး အခမဲ့ဆေးဝါးကုသခွင့် ကိုလည်း ရရှိမည်ဖြစ်သည်။ စစ်မှုထမ်းသက် ၂၀ ပြည့်ချိန်တွင် မိမိကိုယ်ပိုင်နေထိုင်ရန် အိမ် မရှိပါက နေစရာ အိမ် သို့မဟုတ် တိုက်ခန်းအား မိသားစုအနည်းများအပေါ်မူတည်၍ မိသား စုများပါက တိုက်ခန်းအကျယ်၊ နည်းပါက တိုက်ခန်းကျဉ်း အား အပိုင်ပေးပါသည်။ ရုရှားတပ်မတော်သည် ရာထူး^အဆင့်တိုးမြှင့်ခြင်းအား မိမိတို့၏သက် ဆိုင်ရာလက်ရုံးတပ်ဖွဲ့အကြီးအကဲများမှ တိုက်ရိုက်ကိုင်တွယ်သည်။


သတ်မှတ်ကာလပြည့်သော မည်သည့်အရာ ရှိ၊ စစ်သည် ကိုမဆို ပြစ်မှုတစ်စုံတစ်ရာခိုင်လုံသော အကြောင်းပြချက်မရှိဘဲ ရာထူး^အဆင့်တိုမြှင့်ပေးရန် ပျက်ကွက်ပါက နစ်နာသူအရာရှိ^စစ်သည် မှ တပ်ထိန်းတပ်ဖွဲ့သို့ သတင်းပို့အသနားခံစာတင်နိုင်ပါသည်။ အုပ် ချုပ်သူတပ်မှူး သို့မဟုတ် ကျောင်းအုပ်ကြီးသည် အဆိုပါ ပျက်ကွက်မှုအတွက် အနားပေးခံရနိုင်သည်အထိ တင်းကြပ်စွာဥပဒေထုတ်ပြန်ထားပါသည်။ အခြားလက်ရုံးတပ်ဖွဲ့များသည်လည်း မိမိတို့ လက်ရုံးအောက် ရှိ အရာ ရှိ စစ်သည်များ၏ ရာထူး^အဆင့်တိုးမြှင့်ခြင်းကို ကိုယ်တွယ်ရပြီး ရှုပ်ထွေးမှုမရှိပေ။

အမြဲတမ်း စစ်မှုထမ်း များသည် ရာထူး တိုးရန်သတ်မှတ်ထားသည့် နှစ်ပြည့်လျှင် တပ်ဖွဲ့တွင် နေရာလွတ် ရှိသည်ဖြစ်စေ၊ မရှိသည်ဖြစ်စေ အဆင့်တိုးပေးရသည်။ ဥပမာ ဗိုလ်မှူးတစ်ယောက်သည် ၃ နှစ်ပြည့်လျှင် ဒုမှူး ကြီးအဆင့်သို့တိုးမြှင့်ခံစားခွင့်ရှိသည် (တရုတ်ပြည်သူ့လွတ်မြောက်ရေးတပ်မတော်တွင်လည်း ၎င်းင်းအတိုင်းပင် ဖြစ်ပါသည်)။ ပြစ်မှုမှတမ်တမ်းတွင် မင်နီထိပါကလည်း ၎င်းင်းပြစ်ဒဏ်ကျသက်တမ်းပြည့်ပြီးသည်နှင့် ဒုတိယဗိုလ် မှူးကြီးအဆင့်သို့ တိုးမြှင့်ပေးရမည်ဖြစ်သည်။ ပြစ်မှုကြောင့် ရာထူးဆိုင်းငံ့ကာလပြည့်ပါက အဆိုပါကလမင်နီသည် အလိုလိုပျက်ပြယ်ပြီး နောက်တစ်ဆင့်တိုးရာတွင် ထည့်သွင်းစဉ်းစားရန်မလိုတော့ပေ။

ထို့အပြင် ပြစ်မှုဒဏ်  ကြောင့် ရာထူးဆိုင်းငံ့ခံနေရသော ကာလတွင်လည်း မင်နီ ထိထားသောအရာရှိ၊ စစ်သည်များ၏အလုပ်တာဝန်ကို ကျေ ပွန်စွာထမ်းဆောင်ခြင်း၊ ပေးအပ်သောတာဝန်ကိုအစွမ်းကုန်လုပ်ဆောင်ခြင်း၊ တီထွင်ဆန်းသစ်မှုတစ်ခုခုလုပ်ဆောင် နိုင်ခြင်းရှိပါက အုပ်ချုပ်သူတပ်မှူး^ကျောင်းအုပ်ကြီးမှ မင်နီ ကိုပယ်ဖျက်ပေးနိုင်ပါသည်။ မင်နီ ပျက်ပြယ်သည့် နောက်တစ်နေ့သည် စစ်မှုထမ်းကာလပြည့်ပါက နောက်တစ်ဆင့်တိုး ခံစားခွင့်ရရှိသည်။ အရာရှိများအနေဖြင့် ပြန်တမ်းဝင်အရာရှိအဖြစ် စတင်ခန့်အပ်ခံရသည့်နေ့မှစတင်၍ ၅ နှစ်စာချုပ်ကိုမဖြစ်မနေချုပ်ဆိုကြရသည်။

စာချုပ်သက်တမ်း ပြည့်ပါက ဆက်လက်တာဝန်ထမ်းဆောင်လိုပါက ၅ နှစ် သို့မဟုတ် ၃ နှစ်ထပ်မံချုပ်ဆိုနိုင်ပါသည်။ စစ်မှုထမ်းသက် ၁၀ နှစ်ပြည့်သော အရာရှိသည် ကိုယ်ပိုင်တိုက်ခန်းမရှိသေးပါက နိုင်ငံတော် မှ တိုက်ခန်းဝယ်ရန် ငွေအားလည်းကောင်း၊ တိုက်ခန်းအဆင်သင့်ရှိပါက တိုက်ခန်းအားနေထိုင်ခွင့်ပေးရန်တင်ပြတောင်းခံနိုင်သည်။ ထို တိုက်ခန်း အား အပိုင်ရရှိမည်ဖြစ်ပါသည်။ နှစ်စဉ်ရုံးပိတ်ရက်များအပြင် သာမန်ခွင့်အအနားယူခွင့်ရက် ၃၀ အား အပြည့်အ၀ခံစားခွင့်ရှိပါသည်။ စစ်သက် ၁၀ နှစ်ကျော်ပါက တစ်နှစ်လျှင် ၄၅ ရက်ထက်မပိုသော ခွင့်အား ခံစားခွင့်ရှိသည်။

စစ်သက် ၂၀ ကျော်ပါက ၄၅ ရက်နှင့်အထက် ခံစားခွင့်ရှိပြီး စာသင်ပေးသောနည်းပြ၊ ပါမောက္ခများ သည် ၅၆ ရက်ထိ ခံစားခွင့်ရှိသည်။ ရုရှား စစ်မှုထမ်း အားလုံးသည် လစာငွေရရှိပုံမတူကြပေ။ အရာရှိ^စစ်သည် အားလုံး မိမိတို့ လက်မောင်းမှ အဆင့်၊ ပုခုံးပေါ်မှအပွင့်စသဖြင့် အဆင့်အတွက်ပုံသေလစာချင်းတူညီကြသော် လည်း ထမ်းဆောင်ရမည့်နေရာ၊ ရာထူး၊ တာဝန်ခံရသည့်ပမာဏအနည်းအများအပေါ်မူတည်၍ ရာထူး အတွက် လစာ ရရှိကြသည်။ ဗိုလ်မှူးကြီးချင်း အဆင့်တူသော်လည်း တစ်ဦးကတပ်ရင်းမှူး၊ တစ်ဦးက ဒုကျောင်းအုပ်ကြီး ဆိုပါက ရာထူး အရမြင့်သော ဒုကျောင်းအုပ်ကြီးမှာ လစာပို၍ရရှိပါသည်။

နှစ်တိုး လစာ သည် စစ်မှုထမ်း သက်အား အဆင့်အတွက် ရရှိသောလစာမှ ၂-၃ ရာခိုင်နှုန်းအား မြှောက်ပြီးလစဉ်ရရှိသည်။ ပညာသည်ဖြစ်ပါက ၂ ရာခိုင်နှုန်းထပ်တိုး ရရှိသည်။ တပ်တွင်း၊ ကျောင်းတွင်းထူးချွန်မှုများ၊ တီထွင်မှုများရှိပါက ဆုချီးမြှင့်ငွေလစာထဲသို့ တစ်လုံးတစ်ခဲ တည်းပေါင်း၍ ချီးမြှင့်ပေးပါသည်။ ကြံ့ခိုင်ရေးအတွက် အရာရှိ^စစ်သည်အားလုံးကို ၃ လတစ်ကြိမ် ဆန်းစစ်အဲ ဖြတ်ကာ သတ်မှတ်ထားသောစံချိန်အတွင်း ထိန်းထားနိုင်သူများအား ကြံ့ခိုင်သန်စွမ်းမှုအတွက် လစဉ်ချီးမြှင့်ငွေ များကို ထပ်ပေါင်းချီးမြှင့်ပေးပါသည်။

သီးခြား တိုက်ပွဲ ၀င်ဖူးသော၊ စစ်ဆင်ရေး များတွင်ပါဝင်တိုက်ခိုက်ဖူးသော သူများသည် မိမိတို့ဆုတံဆိပ်၊ စစ်ပွဲတွင် ပါဝင်ခဲ့ခြင်းတို့အတွက် လစာ၏ ၂ ရာခိုင်နှုန်းအား လစာ တွင် ထပ်တိုးရရှိသည်။ နှစ်စဉ်ဘဏ္ဍာရေးနှစ် မကုန်ခင် ဒီဇင်ဘာလတွင် ဘောနပ်စ်ဆုကြေးငွေ သို့မဟုတ် ထောက်ပံ့ငွေအား လျှောက်ထားတောင်းခံနိုင်သည်။ ထိုထောက်ပံ့ငွေမှာ လက်ရှိလစာ၏ ၂ ဆဖြစ်ပါသည်။ တပ်မတော်သားများအနေဖြင့် ကိုယ်ပိုင်စီးပွားရေးလုံး ၀လုပ်ခွင့်မရှိဘဲ ပြင်းထန်စွာတားမြစ်ထားပြီး မိသားစုဇနီးသားသမီးကိုသာ ခွင့်ပြုပါသည်။ ခြွင်းချက်အနေဖြင့် အရာရှိများအား အရပ်ဖက် တက္ကသိုလ် များတွင် အခကြေးငွေဖြင့် သင်ကြားခွင့်အား ထက်မှခွင့်ပြုပါက သင်ကြား နိုင်သည်။ တပ်မှအငြိမ်းစားယူပါက လုပ်သက်ဆုကြေးရရှိပြီး အချိန်မရွေးဆေးကုသခွင့်ရရှိပါသည်။
မကြာမီထုတ်ဝေမည့် ရုရှား တပ်မတော် ပြုပြင်ပြောင်းလဲခြင်းစာအုပ်မှ
ကောက်နှုတ်ဖော်ပြပါသည်။
လေးစားစွာဖြင့်
ရန်နိုင်
အချက်အလက်များအပင်ပန်းခံရှာဖွေပေးသော ညီလေးသက်
ပိုင်စိုး(Mario Moe Sat)ကိုကျေးဇူးအထူးတင်ပါတယ်ဗျ

share frome : myanmar 24 hr