ရန်ကုန်မြို့၊ ကမာရွတ်မြို့နယ်၊ အင်းယားလမ်းရှိ ရွှေရှမ်းကန် စားသောက်ဆိုင် ပိတ်သိမ်းရန် ရန်ကုန်တိုင်းဒေသကြီးအစိုးရမှ ညှိနှိုင်းဆောင်ရွက်ပေးသွားမည်ဟု ပညာရေးဝန်ကြီး ဒေါက်တာမျိုးသိမ်းကြီးက ယနေ့ပြုလုပ်သည့် ပြည်သူ့လွှတ်တော်အစည်းအဝေးတွင် ပြောကြားခဲ့သည်။
ယနေ့ပြုလုပ်သည့် ပြည်သူ့လွှတ်တော်အစည်းအဝေးတွင် အင်းစိန်မဲဆန္ဒနယ်မှ ဦးမောင်မောင်ဦးက အဆိုပါအဆောက်အဦငှားရမ်းထားခြင်းအား ရုပ်သိမ်းရန် အစီအစဉ်ရှိ၊ မရှိ မေးမြန်းခဲ့ရာတွင် ပညာရေးဝန်ကြီးက အထက်ပါအတိုင်း ပြန်လည်ဖြေကြားခဲ့ခြင်းဖြစ်သည်။
အဆိုပါ စားသောက်ဆိုင်နေရာသည် ပညာရေးဝန်ကြီးဌာနလက်အောက်ရှိ တက္ကသိုလ်လှေလှော်အသင်းပိုင် အဆောက်အဦဖြစ်သည်။
ယခုပိတ်သိမ်းရန် ဆွေးနွေးခဲ့သည် စားသောက်ဆိုင်နေရာ ငှားရမ်းကာလစာချုပ်သက်တမ်းမှာ ငါးနှစ်ဖြစ်သည်။ ၂၀၁၅ ခုနှစ် ဖေဖော်ဝါရီလ ၂၄ ရက်နေ့က ကျင်းပခဲ့သည့် ပညာရေးဝန်ကြီးဌာန၊ စီမံခန့်ခွဲရေးကော်မတီအစည်းအဝေး၏ အတည်ပြုဆုံးဖြတ်ချက်အရ အဆိုပါအဆောက်အဦအား ၁.၄.၂၀၁၆ မှ ၃၁.၃.၂၀၂၁ နှစ်ထိ ငါးနှစ်ကြာ ငှားရမ်းစာချုပ်ခဲ့ခြင်းဖြစ်သည်။ ငှားရမ်းခမှာနှုန်းမှာ တစ်လကျပ် (၃၅) သိန်းဖြစ်ပြီး ၁၂ လစာ ငှားရမ်းခ ကျပ်သိန်း (၄၂၀) ကို နိုင်ငံတော်ဘဏ္ဍာငွေအဖြစ် သတ်မှတ်ငွေစာရင်းအတိုင်း ပေးသွင်းခဲ့ပြီးကို စီစစ်တွေ့ရှိရကြောင်း ဝန်ကြီးက ရှင်းလင်းခဲ့သည်။
၃၁.၃.၂၀၁၇ တွင် ၁၂လစာ ငှားရမ်းခပေးသွင်းမှုကာလ ကုန်ဆုံးပြီဖြစ်သည့်အတွက် စာချုပ်ပါစည်းကမ်းချက်နှင့်အညီ ၇.၄.၂၀၁၇ ရက်နေ့နောက်ဆုံးထားပြောင်းရွှေ့ရန်နှင့် သိရှိကြောင်း လက်မှတ်ရေးထိုးပေးရန် ညှိနှိုင်းပေးခဲ့ရာ ငြင်းဆန်ခဲ့သည်။ ထို့သို့ငြင်းဆန်ခဲ့သည့်အတွက် ပညာရေးဝန်ကြီးဌာနမှ တရားဥပဒေနှင့်အညီ ၁၉၅၅ ခုနှစ်၊ အစိုးရအိမ်ဥပစာနှင်ထုတ်ခြင်း အခွင့်အာဏာပိုင် အပ်နှင်းခွင့်ရရှိရန် ဆောက်လုပ်ရေးဝန်ကြီးဌာနသို့ ညှိနှိုင်းခဲ့ရာ (၃.၇.၂၀၁၇) ရက်နေ့တွင် အခွင့်အာဏာကို အပ်နှင်းခံခဲ့ရကြောင်း ဝန်ကြီး ဒေါက်တာမျိုးသိမ်းကြီးက ထပ်မံရှင်းလင်းသည်။
အခွင့်အာဏာရပြီးနောက် ၇.၇.၂၀၁၇ ရက်နေ့တွင် နို့တစ်စာပေးပို့ခဲ့ရာ ဆိုင်ရှင်ရှေ့မှောက်တွင် ဆိုင်မန်နေဂျာကိုယ်တိုင် လက်မှတ်ရေးထိုးခဲ့သည်ဟု ဆိုသည်။ ယင်းဖြစ်စဉ်အား သက်ဆိုင်ရာဒေသအစိုးရအဖွဲ့ဖြစ်သည့် ရန်ကုန်တိုင်းဒေသကြီးအစိုးရထံတင်ပြထားပြီး ရန်ကုန်တိုင်းဒေသကြီးအစိုးရအဖွဲ့အနေဖြင့် ရွှေရှမ်းကန်စားသောက်ဆိုင် ပိတ်သိမ်းရန်ကိစ္စအတွက် အစည်းအဝေးခေါ်ယူပြီး ညှိနှိုင်းဆောင်ရွက်ပေးသွားမည်ဟု ဝန်ကြီးက ရှင်းလင်းခဲ့သည်။

Credit; စီးပွားရှင်