ရခိုင်အရေး နှင့်ပတ်သက်၍ အမေရိကန် နိုင်ငံခြားရေး ဝန်ကြီး ရက်စ်တီလာဆန် က နိုင်ငံတော် ၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ထံ ဖုန်း ဖြင့် ဆက်သွယ်ဆွေးနွေးခဲ့သည်။မြန်မာ အစိုးရ နိုင်ငံခြားရေး ဝန်ကြီး အဖြစ်လည်း တာဝန်ယူထားသည့် ဒေါ်အောင်ဆန်းစုကြည် ထံ ရက်စ်တီလာဆန်က စက်တင် ဘာ ၁၉ ရက်တွင် ဖုန်း ဖြင့် ဆက် သွယ် စကားပြောခဲ့ကြောင်း အမေရိကန် နိုင်ငံခြားရေး ဝန်ကြီးဌာန က တရားဝင်ထုတ်ပြန်သည်။

မြန်မာ အစိုးရ အနေဖြင့် ရခိုင်ပြည်နယ် တွင် ဖြစ်ပွားနေသည့် ပဋိ ပက္ခများကို ချုပ်ငြိမ်းအဆုံးသတ် နိုင်အောင် အားထုတ်ကြိုးပမ်းနေပြီး နယ်မြေမငြိမ်သက်မှုများ ကြောင့် ထွက်ခွာရွှေ့ပြောင်းခဲ့ရ သူများကို နေရပ်ပြန်နိုင်ရေး ကူညီစီစဉ်နေသည်ကို ရက်စ်တီလာဆန်ကကြိုဆိုအသိအမှတ်ပြုခဲ့ကြောင်း ကြေညာချက်၌ ပါရှိသည်။

ဒေါ်အောင်ဆန်းစုကြည် က ရခိုင်ပြည်နယ် အရေးကိစ္စနှင့်ပတ် သက်၍ နိုင်ငံတကာ သံတမန်များ ကို အမျိုးသားပြန်လည်သင့်မြတ် ရေးနှင့် ငြိမ်းချမ်းရေးဆိုင်ရာ မိန့် ခွန်းပြောကြားသည့်နေ့တွင်ပင် ရက်စ်တီလာဆန်က ဖုန်း ဖြင့် ဆက်သွယ်ဆွေးနွေးခဲ့သည်။

တီလာဆန် က မြန်မာ အစိုးရ နှင့် တပ်မတော် တို့ကို ပဋိပက္ခဖြစ်ပွားရာ နယ်မြေ များတွင် လူသား ချင်းစာနာမှု အထောက်အပံ့များ ပေးပို့နိုင်ရေး ကူညီပူးပေါင်း ဆောင်ရွက်ရန်နှင့် လူ့အခွင့်အရေး ထိခိုက်မှုမရှိအောင် ကိုင် တွယ်လုပ်ဆောင်ရန် တိုက်တွန်းခဲ့ကြောင်း အမေရိကန် နိုင်ငံခြားရေး ဝန်ကြီးဌာန ထုတ်ပြန်ချက်၌ ဖော်ပြထားသည်။

ထို့အပြင် ဒေါ်အောင်ဆန်းစုကြည် မိန့်ခွန်း ကြောင့် နိုင်ငံတကာ က မြန်မာ အစိုးရ ၏  ငြိမ်းချမ်းရေး အတွက် ကြိုးစားအားထုတ်နေ သည်ကို ပိုမိုနားလည်မှုရှိလာစေ မည်ဟု မျှော်လင့်ကြောင်း တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရအရာရှိ လူကန်းက စက် တင်ဘာ ၁၉ ရက်တွင် ပြုလုပ်သော သတင်းစာ ရှင်းလင်းပွဲ၌ ဒေါ်အောင်ဆန်းစုကြည် မိန့်ခွန်း အပေါ် မှတ်ချက်မေးမြန်းမှုကို ဖြေကြားသည်။

‘‘ဒီ မိန့်ခွန်း ဟာ မြန်မာနိုင်ငံ ရဲ့ အခြေအနေတွေကို နိုင်ငံတကာ အသိုက်အဝ က ပိုမိုသိရှိလာပြီး မြန်မာ အစိုးရ ရဲ့ ပြည်တွင်းငြိမ်း ချမ်းရေးအတွက် ကြိုးစားအား ထုတ်နေတာတွေကိုလည်း ပိုပြီး နားလည် မှုရှိရှိ ကူညီလာအောင် အထောက်အပံ့ဖြစ်စေဖို့ ကျွန် တော်တို့ မျှော်လင့်ပါတယ်။ အိမ်နီးချင်းကောင်းအနေနဲ့ တရုတ် ဟာ မြန်မာနိုင်ငံ ရဲ့ ပြည်တွင်း တည်ငြိမ်ရေးနဲ့ ဖွံ့ဖြိုးရေးလုပ် ဆောင်မှုတွေအတွက် လိုအပ်တဲ့ အထောက်အပံ့တွေကိုလည်း ဆက်လက်ကူညီနေမှာ ဖြစ်ပါ တယ်’’ဟု လူကန်းက ပြောသည်။

Credit : 7day daily