ငယ်ကချစ် အနှစ်တစ်ရာ မမေ့သာ ငယ်ကပေါင်း အနှစ်တစ်သောင်း မမေ့ကောင်း ဆိုတဲ့ ဆိုရိုးကို ကြားဖူးကြမှာပါ။ မြန်မာဓလေ့မှာ ငယ်လင် ငယ်မယား ဆိုတဲ့ အသုံးအနှုန်းလည်း ရှိပါတယ်။
မြန်မာ့အယူအဆမှာ အသက်ငယ်တုန်း လက်ထပ်တာဟာလည်း ကောင်းတယ်ဆိုပြီး ပြောစမှတ်ပြုကြပါတယ်။
ဒါပေမယ့် ပြောင်းလဲလာတဲ့ ခေတ်မှာ အသက်ငယ် တုန်း လက်ထပ် လည်း မကောင်းတော့ပါဘူး။ အများစုသတ်မှတ်ထားတဲ့ အရွယ်ဟာ ၂၆ နှစ်ကစပြီး နောက်ပိုင်းမှာ လက်ထပ် သင့်တယ်လို့ဆိုပါတယ်။
1. အဆင်သင့်မဖြစ်သေး။
အသက် ၂၀ လောက်မှာ အိမ်ထောင်ပြု လိုက်တယ် ဆိုပါစို့။
မိဘက ထောက်ပံ့ပေးနိုင်တဲ့သူများက ကိစ္စမရှိပါဘူး။ ကမန်းကတန်းယူလိုက်ရတဲ့ လင်မယား များကတော့ အခက်တွေ့နိုင်ပါတယ်။
ငွေကြေး လည်း အဆင်သင့်မဖြစ်သေးသလို နေထိုင်စရာအတွက်လည်း စိတ်မချရသေးပါဘူး။
2. စိတ်ဖိစီးမှု များနိုင်။
လခထုတ်ပြီးဆိုတာနဲ့ အိမ်လခ ရေမီတာ စားစရိတ် သုံးစရိတ် သာရေးနာရေး စတာတွေကို အမြီးနှုတ် ခေါင်းနှုတ်နဲ့ လုံလောက်တဲ့ စုဆောင်းငွေကို ရရှိနိုင်မှာ မဟုတ်ပါဘူး။ အရေးပေါ်အခြေအနေမျိုးမှာ ငွေလိုခဲ့ရင်လည်း ခေါင်းပေါ်ကို အထုပ်ကြီးကြီး ပိလာနိုင်ပါတယ်။
3. ဘဝအခြေမခိုင်။
ငယ်တုန်းမှာ တက်လမ်းများများရှာထားပြီး ကြိုးစားလိုက်ရင် နောက်ပိုင်းမှာ ဘာမှ စိတ်ပူစရာ မလိုတော့ပါဘူး။ အိမ်ထောင်ရေးက ကြားဖြတ်ဝင်လာတဲ့အချိန်မှာ သင့်ဘဝ တိုးတက်ဖို့ကလည်း နှောင့်နှေးသွားမှာ ဖြစ်ပါတယ်။
4. ဒေါသ ဖြစ်လွယ်။
အရမ်းချစ်လို့ ယူထားကြပေမယ့် အဆင်မပြေလို့ စိတ်ညစ်ရတဲ့အခါ သင့်အိမ်ထောင်ဖက်အပေါ် အပြစ်ပုံချချင်စိတ် ပေါ်လာတတ်ပါတယ်။ ဖွင့်မပြောဖြစ်ရင်တောင်မှ သင်ဟာ အိမ်ထောင်သည် ဘဝ ကို သိပ်မနှစ်သက်တော့ပါဘူး။
5. သားရေးသမီးရေး။
ကလေးမရှိတဲ့ အိမ်ထောင်သည် တွေက စိတ်မပူ ရပါဘူး။ အိမ်ရဲ့ရတနာလေးတွေဖြစ်တဲ့ ကလေးလေးတွေ ရလာပြီဆိုရင် ထိန်းဖို့ အချိန်မပေးနိုင်တာ။ ထိန်းမယ့်သူ ရှိရင်တောင် ကလေးရဲ့နောင်ရေး ပညာရေး အတွက် ပိုမို ကြိုးစားရှာဖွေရတာတွေ ဖြစ်လာပါပြီ။
6. အိတ်ပေါက် နဲ့ ဖားကောက်။
သင်က ခြေကပ်လက်ကပ်ထားချင်ပေမယ့် စုစရာရယ်လို့ ပိုလျှံငွေမရှိတဲ့အခါမှာ ဒုက္ခရောက်နိုင်ပါတယ်။ ရှေ့ကရှာလိုက် နောက်က ကုန်လိုက် ဖြစ်နေတာကြောင့် သင့်ဆီမှာ အဖတ်တင်တာ သိပ်မရှိနိုင်ပါဘူး။
ဆယ်ကျော်သက်အရွယ်မှာ အိမ်ထောင်ပြု ဖြစ်တာထက် သင့်ဘဝအတွက် တည်ငြိမ်တဲ့ လမ်းကြောင်း တစ်ခုပေါ်ရောက်ပြီး စိတ်မပူရတဲ့ အခြေအနေမျိုးမှာ လက်ထပ် တာဟာ သင့်အတွက်ရော သင့်အိမ်ထောင်ဖက် အတွက်ပါ အကောင်းဆုံး ဖြစ်ပါတယ်။
Credit : Original Uploder