လွန်ခဲ့တဲ့ အချိန် လေးလတာလောက်ကို ပြန်ကြည့်လိုက်ပါ…အဲ့ဒီအချိန်တုန်းက သင်ဘာတွေ စဉ်းစား ခဲ့လဲ နောင်လေးလကြာရင် ဘာဖြစ်ရမယ်လို့ သတ်မှတ်ထားတာရှိခဲ့လား…

ရှိခဲ့တယ်ဆိုရင်ရော ဘယ် အတိုင်းအတာ လောက်ထိ အောင်မြင် ခဲ့သလဲ။ ကိုယ့်ကိုယ်ပြန်ကြည့်ဖို့ လိုပါတယ်။

ရည်မှန်းချက် အကြီးအသေးဆိုတာ အရေးမကြီးပါဘူး။ နောင်ငါးနှစ်ကြာတဲ့အခါ ငါဘာဖြစ်ရမယ်ဆိုတာမျိုး သတ်မှတ်ထားတာက ရေရှည် ရည်မှန်းချက် ပေါ့။ဒါပေမယ့် နောင်ငါးနှစ်ကြာမှ ဖြစ်လာမယ့်အနေအထား တစ်ခုဆီကို သွားဖို့ဆိုရင် ရည်တို ရည်မှန်းချက် တွေလည်း ချမှတ်ထားရမှာပါ။ ဒါမှ ကိုယ်ဘယ်လောက် ကြိုးစားဖို့လိုသေးတယ် ဘယ်လောက်အားထုတ်ဖို့ အရည်အချင်း တွေဖြည့်ဖို့ လိုသေးတယ်ဆိုတာကို ချင့်ချိန်နိုင်မှာပါ။

နောင်ငါးနှစ်ကြာတဲ့အခါ ငါမျှော်မှန်းထားတဲ့ ငါ ဖြစ်ဖို့အတွက် ဒီ လေးလ အတွင်းမှာ ဘာတွေဖြည့်ခဲ့မလဲ အစီအစဉ်လေးတွေ ဆွဲထားဖို့ လိုပါတယ်။ ဘာသာစကား အသစ်တစ်ခု သင်ယူတတ်မြောက်ခဲ့တာလား။ ချက်ပြုတ်နည်း ကိတ်မုန့်ဖုတ်နည်းတွေကို တတ်မြောက်ခဲ့တာလား။ ဖက်ရှင် ဒီဇိုင်းပညာ တခုခုကို တတ်မြောက်ခဲ့တာလား။ သစ်ပင်လေး တစ်ပင်လောက် စိုက်ပျိုးကြည့်ခဲ့ပြီးပြီလား။ ကိုယ့်ရဲ့လုပ်ငန်း ကိုရော တိုးတက်အောင် ကြံဆောင်နိုင်ခဲ့သလား။ ဒါမှမဟုတ် ကိုယ့်စိတ်ထဲက မကောင်းတဲ့အပိုင်းကို သန့်သွားအောင် ရှင်းထုတ်နိုင်ခဲ့သလား။ ကိုယ့်ရဲ့ဘဝ ကို မှန်ကန်တဲ့လမ်းကြောင်းပေါ်ရောက်အောင် တည်ဆောက်ဖြစ်ခဲ့တာလား… အစရှိသဖြင့်ပေါ့ဗျာ လူတိုင်းကတော့ ရည်မှန်းချက်ြ ခင်း ဘယ်တူကြမလဲနော်။

ကိုယ်တတ်နိုင်တဲ့အားနဲ့ ကိုယ်လျှောက်မယ့် ခရီးလမ်း ကိုယ့်ရဲ့ရည်မှန်းချက် ပန်းတိုင် ကို ရောက်အောင်သွား မယ်လို့ ဆုံးဖြတ်ထားတဲ့စိတ်က အရေးကြီးပါတယ်။ အခက်အခဲဆိုတာကတော့ ပြောစရာတောင်လိုမယ် မထင်ပါဘူး။ သူက လူသားတိုင်းရဲ့ မိတ်ဆွေဖြစ်နေလောက်ပါပြီ။ သင့်ရဲ့မိတ်ဆွေ ကို ပြုံးပြနှုတ်ဆက်ပြီး လှည့်ထွက်ခဲ့ပါ သူကစကားတွေ အများကြီးလာပြောတိုင်း ပြန်မပြောပါနဲ့ သင့်ရဲ့ အချိန် တွေကို သူနဲ့အတူတူကုန်ဆုံးဖို့ တောင်းဆိုရင်လည်း ငြင်းဆိုလိုက်ပါ။

တစ်မိနစ် တစ်နာရီ တစ်ရက် ဆိုတဲ့အချိန်တွေကလည်း ကုန်တာအရမ်းကို မြန်ပါတယ်။ အခု ကျွန်တော့် စာ ကို ဖတ်နေရင်းနဲ့ ငါးမိနစ် ဆယ်မိနစ်လောက်တော့ အချိန်ပေးလိုက်ရပါပြီ။ ဒါတောင် ဒီစာလေးကို မဖတ်ခင် facebook သုံးနေတဲ့အချိန်တွေကို မတွက်ကြည့်ရသေးဘူးနော်။ အချိန်တွေ နေ့ရက်တွေက ကုန်မှန်းမသိ ကုန်နေတယ်…အသက်တွေကလည်း ကြီးမှန်းမသိ အိုတဲ့လမ်းကို သွားနေတာနော်…။

အသက်သာကြီးသွားတယ် အချိန်တွေသာကုန်သွားတယ် ကိုယ်လျှောက်ခဲ့တဲ့လမ်းကို ပြန်ကြည့်လိုက်ရင် ဘာမှတ်တိုင်မှ မရှိတဲ့ လူသူကင်းမဲ့ပြီး ခြောက်ကပ်နေတဲ့လမ်းမကြီးနဲ့ တူနေမှာပါ။ relationship တွေ ကြည့်လိုက်တော့လဲ အသက်ထွက်ခါနီးလူနာကို အသက်ကယ်ဆေးထိုးထားသလိုမျိုး မသေမရှင် ဖုတ်လိုက် ဖုတ်လိုက်နဲ့ ပေါ့။ ကိုယ်ကိုယ်တိုင်လည်း အသက်မဝင်တော့ဘူး ပတ်ဝန်းကျင်လည်း အသက်မဝင်တော့ဘူး relationship လည်း အသက်မဝင်တော့ဘူး…ဒါပေမယ့် မသေသေးတဲ့အတွက်တော့ လုပ်စရာရှိတာတွေ တော့ဆက်လုပ် နေရအုံးမှာပေါ့။ ဒါပေမယ့် အဓိပ္ပါယ်မဲ့ပြီး အသက်မပါတော့ဘူးလေ။

ဘယ်လောက်ပဲစိတ်ရှုပ်စရာတွေနဲ့ ပြည့်ပြည့် လုပ်စရာအလုပ်တွေ တောင်လိုပုံနေပါစေ မိဘ ဆွေမျိုး မိတ်ဆွေ အပေါင်းအသင်းတွေရဲ့ ရင်ဖွင့်စကားကိုနားထောင်ပေးဖို့ အချိန်ရှိတယ်ဆိုရင် ကိုယ်ရင်ထဲက စကားတွေကိုလည်း နားထောင်ဖို့ အချိန်သတ်မှတ်ထားသင့်တာပေါ့။

ဒါမှ ကိုယ့် ဘဝ ကိုယ် ပြန်သုံးသပ်နိုင်ပြီး ကိုယ်ဘာကို ဖြစ်ချင်တာလဲ ကိုယ် ရည်မှန်းချက် ကဘာလဲ ကိုယ်ဘယ်နေရာကိုတော့ ရောက်နေပြီလဲ ကြိုးစားဖို့ ဘယ်လောက်လိုသေးလဲ ဘာတွေလိုအပ်လဲ ကိုယ့်ကိုယ်ကို ပြန်လည်ဝေဖန်ပါ ဆန်းစစ်ပါ ရည်မှန်းချက်အသေးလေးတွေ သတ်မှတ်ပါ။

သူများ ဘဝ တွေကိုပဲ လိုက်ကြည့်နေရင် ဘယ်တော့မှ အောင်မြင်မှာမဟုတ်ဘူး။ ကိုယ့် ဘဝ ကိုယ် ပြန်ကြည့် ပြန်သုံးသပ် ဒါမှ အောင်မြင်မှာပါ။ ကိုယ့် ရည်မှန်းချက် ပန်းတိုင် ရောက်အောင် မဆုတ်မနစ်တဲ့ ဇွဲ လုံ့လတွေ အပြည့်နဲ့ လျှောက်လှမ်းမယ်ဆိုရင် သင်လိုချင်တဲ့ အနာဂတ်က သင့်ကို နွေးထွေးစွာကြိုဆိုနေမှာပါ..

Credit : Minsayar