ေထာင္နဲ႔ခ်ီတဲ့ ႐ုိဟင္ဂ်ာ ဒုကၡသည္ ေတြ နတ္ျမစ္ကိုု ျဖတ္ေက်ာ္ၿပီး ဘဂၤလားေဒ့ရွ္ ဘက္ ထြက္ေျပးလာေနတဲ့ ႐ုပ္သံဗြီဒီယုိကုိ ကုလသမဂၢ က ထုုတ္ျပန္လိုုက္ပါတယ္။

ဘဂၤလားေဒ့ရွ္ နိုင္ငံဘက္ျခမ္း ပေလာင္ခလီ ဧရိယာ အေပၚကေန ေအာက္တုိဘာ ၁၆ ရက္ေန႔က ႐ုိက္ကူးထားတဲ့ ႐ုပ္သံဖုိင္ ထဲမွာေတာ့ ေလွေတြနဲ႔ ေရာက္ရွိလာတဲ့ ဒုုကၡသည္ ေတြဟာ ေရလႊမ္းမိုုးေနတဲ့ ကြင္းျပင္ေတြကို ျဖတ္ေက်ာ္လမ္းေလၽွာက္ေနတာ ေတြ႔ရပါတယ္။

ရခိုုင္ျပည္နယ္ အတြင္း ေဈးေတြ ပိတ္ထားၿပီး အကူအညီေတြကို ကန္႔သတ္ထားလုိ႔ အစာေရစာ ငတ္မြတ္ေနတာေၾကာင့္ ထြက္ခြာလာရတာလုိ႔ ဒုကၡသည္ ေတြက ေျပာပါတယ္။

“က်ေနာ္တိုု႔ ရြာမွာ ဘာမွ စားစရာ မရွိေတာ့လို က်ေနာ္တိုု႔ အိိမ္ေတြက ထြက္ေျပးခဲ့ၾကတာ” လုိ႔ အသက္ ၂၈ ႏွစ္အရြယ္ရွိ ႐ိုဟင္ဂ်ာ အမ်ဳိးသား ဂ်ာနီအာေလာင္းက  ေျပာပါတယ္။

ေအာက္တုိဘာ ၁၆ ရက္ေန႔ မနက္ပုိင္းက ႐ုပ္သံ ဗြီဒီယုိ ထဲမွာ ေတြ႔ရတဲ့ ဒုကၡသည္ ေတြထဲက ပေလာင္ခလီ ေတာင္ဘက္ ကီလိုမီတာ အေတာ္ေဝးေဝးမွာ ဒုုကၡသည္ အမ်ားအျပားကုိ သယ္ေဆာင္လာတဲ့ ေလွတစီး တိမ္းေမွာက္သြားခဲ့လုိ႔ လူအနည္းဆံုုး ၁၂ ဦး ေသဆံုုးကာ လူ ၃၅ ဦး ေပ်ာက္ဆံုုးေနခဲ့ၿပီး ၂၁ ဦး အသက္ရွင္ခဲ့ေၾကာင္း ဘဂၤလားေဒ့ရွ္ အာဏာပိုုင္ေတြက ေျပာၾကားထားပါတယ္။

နတ္ျမစ္ကို ျဖတ္ေက်ာ္ဖိုု႔ ပိုုက္ဆံ အမ်ားအျပား ပိုုေပးတဲ့အတြက္ ဒုုကၡသည္ေတြ အလြန္အကၽြံတင္ေဆာင္လာျခင္းေၾကာင့္ ေလွနစ္ျမဳပ္ခဲ့တာလုိ႔ ဘဂၤလားေဒ့ရွ္ နယ္ျခားေစာင့္တပ္ဖြဲ႔က ေျပာပါတယ္။

႐ုိဟင္ဂ်ာ ဒုကၡသည္ ေတြအေပၚ လူမ်ဳိးသုဥ္း ဖယ္ရွားမႈ က်ဴးလြန္ခဲ့တယ္ဆုိၿပီး ကုလသမဂၢရဲ႕ စြပ္စြဲခ်က္ေတြကို ျမန္မာဘက္က ျငင္းပယ္ထားၿပီး ARSA အၾကမ္းဖက္သမားေတြက အရပ္သားေတြကို သတ္ျဖတ္ၿပီး ေက်းရြာ ေတြကို မီး႐ိႈ႔ခဲ့တယ္လုိ႔ စြပ္စြဲထားပါတယ္။

စက္တင္ဘာ ၂၅ ရက္ေန႔က အာဆာ အၾကမ္းဖက္ အဖြဲ႔က တုိက္ခုိက္ခဲ့ၿပီး ေနာက္ပုိင္းမွာ ျမန္မာ လံုၿခံဳေရး တပ္ဖြဲ႔ေတြက နယ္ေျမရွင္းလင္းေရး လုပ္ေဆာင္မႈေၾကာင့္ ဘဂၤလားေဒ့ရွ္ ကုိ ထြက္ေျပးတဲ့ ဒုကၡသည္ ၅ သိန္းေက်ာ္ ရွိတယ္လုိ႔ ကုလသမဂၢက ထုတ္ျပန္ထားပါတယ္။

Credit : DVB

 

Unicode ဖြင့်ဖတ်ရန်

ထောင်ချီ ဒုက္ခသည်များ ဘင်္ဂလားဒေ့ရှ်ဘက် ပြေးလာသည့် ရုပ်သံ ကုလထုတ်ပြန်

ထောင်နဲ့ချီတဲ့ ရိုဟင်ဂျာဒုက္ခသည်တွေ နတ်မြစ်ကိုု ဖြတ်ကျော်ပြီး ဘင်္ဂလားဒေ့ရှ်ဘက် ထွက်ပြေးလာနေတဲ့ ရုပ်သံဗွီဒီယိုကို ကုလသမဂ္ဂက ထုုတ်ပြန်လိုုက်ပါတယ်။

ဘင်္ဂလားဒေ့ရှ်နိုင်ငံဘက်ခြမ်း ပလောင်ခလီဧရိယာအပေါ်ကနေ အောက်တိုဘာ ၁၆ ရက်နေ့က ရိုက်ကူးထားတဲ့ ရုပ်သံဖိုင်ထဲမှာတော့ လှေတွေနဲ့ ရောက်ရှိလာတဲ့ ဒုုက္ခသည်တွေဟာ ရေလွှမ်းမိုုးနေတဲ့ ကွင်းပြင်တွေကို ဖြတ်ကျော်လမ်းလျှောက်နေတာ တွေ့ရပါတယ်။

 

ရခိုုင်ပြည်နယ်အတွင်း ဈေးတွေ ပိတ်ထားပြီး အကူအညီတွေကို ကန့်သတ်ထားလို့ အစာရေစာ ငတ်မွတ်နေတာကြောင့် ထွက်ခွာလာရတာလို့ ဒုက္ခသည်တွေက ပြောပါတယ်။

“ကျနော်တိုု့ ရွာမှာ ဘာမှ စားစရာ မရှိတော့လို ကျနော်တိုု့ အိမ်တွေက ထွက်ပြေးခဲ့ကြတာ” လို့ အသက် ၂၈ နှစ်အရွယ်ရှိ ရိုဟင်ဂျာ အမျိုးသား ဂျာနီအာလောင်းက ပြောပါတယ်။

အောက်တိုဘာ ၁၆ ရက်နေ့ မနက်ပိုင်းက ရုပ်သံဗွီဒီယိုထဲမှာ တွေ့ရတဲ့ ဒုက္ခသည်တွေထဲက ပလောင်ခလီ တောင်ဘက် ကီလိုမီတာအတော်ဝေးဝေးမှာ ဒုုက္ခသည် အများအပြားကို သယ်ဆောင်လာတဲ့ လှေတစီး တိမ်းမှောက်သွားခဲ့လို့ လူအနည်းဆုံုး ၁၂ ဦး သေဆုံုးကာ လူ ၃၅ ဦး ပျောက်ဆုံုးနေခဲ့ပြီး ၂၁ ဦး အသက်ရှင်ခဲ့ကြောင်း ဘင်္ဂလားဒေ့ရှ် အာဏာပိုုင်တွေက ပြောကြားထားပါတယ်။

နတ်မြစ်ကို ဖြတ်ကျော်ဖိုု့ ပိုုက်ဆံ အများအပြား ပိုုပေးတဲ့အတွက် ဒုုက္ခသည်တွေ အလွန်အကျွံတင်ဆောင်လာခြင်းကြောင့် လှေနစ်မြုပ်ခဲ့တာလို့ ဘင်္ဂလားဒေ့ရှ် နယ်ခြားစောင့်တပ်ဖွဲ့က ပြောပါတယ်။

ရိုဟင်ဂျာဒုက္ခသည်တွေအပေါ် လူမျိုးသုဉ်း ဖယ်ရှားမှု ကျူးလွန်ခဲ့တယ်ဆိုပြီး ကုလသမဂ္ဂရဲ့ စွပ်စွဲချက်တွေကို မြန်မာဘက်က ငြင်းပယ်ထားပြီး ARSA အကြမ်းဖက်သမားတွေက အရပ်သားတွေကို သတ်ဖြတ်ပြီး ကျေးရွာတွေကို မီးရှို့ခဲ့တယ်လို့ စွပ်စွဲထားပါတယ်။

စက်တင်ဘာ ၂၅ ရက်နေ့က အာဆာ အကြမ်းဖက်အဖွဲ့က တိုက်ခိုက်ခဲ့ပြီး နောက်ပိုင်းမှာ မြန်မာလုံခြုံရေးတပ်ဖွဲ့တွေက နယ်မြေရှင်းလင်းရေး လုပ်ဆောင်မှုကြောင့် ဘင်္ဂလားဒေ့ရှ်ကို ထွက်ပြေးတဲ့ ဒုက္ခသည် ၅ သိန်းကျော် ရှိတယ်လို့ ကုလသမဂ္ဂက ထုတ်ပြန်ထားပါတယ်။

Credit : DVB