Zawgyi ျဖင့္ဖတ္၇န္

ဧရာ၀တီတိုင္းေဒသႀကီးအတြင္းရွိ ေျမာင္းျမ ႀကိဳးတံတားသည္ (၁-၄-၂၀၁၈)ရက္၊ နံနက္(၀၁:၄၅)နာရီတြင္ (၁၆)တန္၊ (၆)ဘီး ကုန္တင္ကားတစ္စီး ျဖတ္သန္းစဥ္ တံတားက်ိဳးက်မႈ ျဖစ္ခဲ့ပါသည္။ အဆိုပါ တံတားသည္ (၁၉၉၄)ခုႏွစ္တြင္ စတင္တည္ေဆာက္ခဲ့ၿပီး (၁၉၉၆)ခုႏွစ္တြင္ ဖြင့္လွစ္ အသံုးျပဳခဲ့ပါသည္။ ယခုအခါ တံတားသက္တမ္းမွာ (၂၂)ႏွစ္ခန္႔ ရွိၿပီး ျဖစ္ပါသည္။

အဆိုပါ တံတား တည္ေဆာက္စဥ္ကပင္ တန္ခ်ိန္(၈၅၀၀) အေလးခ်ိန္ရွိေသာ ကြန္ကရစ္ ႀကိဳးထိန္းခံု နိမ့္က်မႈျဖစ္စဥ္ ရွိခဲ့၍ ျပန္လည္ျပင္ဆင္ခဲ့ရေသာ တံတား ျဖစ္ပါသည္။ ေျမာင္းျမ ဘက္ကမ္းရွိ ကြန္ကရစ္ ႀကိဳးထိန္းခံု နိမ့္က်မႈျဖစ္စဥ္ေၾကာင့္ တာ၀ါတိုင္သည္ ျမစ္၏ဆန္႔က်င္ဘက္သို႔ (၁၁)လက္မ ေစာင္းရမည့္အစား ျမစ္ဘက္သို႔ (၇)လက္မ ေစာင္းေန၍ တံတားတည္ေဆာက္ ၿပီးစီးခ်ိန္ကစ၍ ႏွစ္စဥ္ေစာင့္ၾကည့္ စစ္ေဆးခဲ့ရပါသည္။ ထိုသို႔ တံတားသက္တမ္း ႏွစ္(၂၀)ျပည့္ေျမာက္သည့္ (၂၀၁၆)ခုႏွစ္မွစ၍ လစဥ္ စစ္ေဆးမႈမ်ား ျပဳလုပ္ခဲ့ပါသည္။ စစ္ေဆးရာတြင္ တံတားၾကမ္းခင္းမ်ား၊ မူလီမ်ား၊ Expansion Joint မ်ား၊ Suspender Rod မ်ား မေကာင္းလွ်င္ လဲလွယ္မႈမ်ား ခ်က္ခ်င္းျပဳလုပ္ခဲ့ပါသည္။

ယခုျဖစ္စဥ္ကို စစ္ေဆးရာတြင္ ကြန္ကရစ္ ႀကိဳးထိန္းခံု၏ အတြင္းပိုင္း ကြန္ကရစ္ထဲတြင္ ထည့္၍ ျမွဳပ္ႏွံထားေသာ သံမဏိႀကိဳးမ်ား ေဆြးေျမ့ၿပီး ႀကိဳးျပတ္၍ တံတားက်ိဳးက်ပ်က္စီးခဲ့ေၾကာင္း ေတြ႕ရွိရပါသည္။

ေဆာက္လုပ္ေရး၀န္ႀကီးဌာန အေနျဖင့္ (၂၀၁၆-၂၀၁၇)ဘ႑ာႏွစ္မွစ၍ လက္ရွိႀကိဳးတံတားႏွင့္အၿပိဳင္ တံတားအသစ္ (၁)စင္းကို ဂ်ပန္အင္ဂ်င္နီယာပညာရွင္မ်ားႏွင့္ ပူးေပါင္း၍ ဂ်ပန္နည္းပညာျဖင့္ တံတားအသစ္ တည္ေဆာက္လ်က္ရွိၿပီး တည္ေဆာက္ခ်ိန္ကာလ (၁)ႏွစ္ခန္႔ ရွိခဲ့ၿပီ ျဖစ္ပါသည္။

တံတားအသစ္သည္ နည္းပညာအရ တည္ေဆာက္ခ်ိန္ (၃)ႏွစ္ခန္႔ ၾကာျမင့္မည္ျဖစ္ေသာေၾကာင့္ ယခုအခါ လမ္းပန္းဆက္သြယ္မႈ အေျခအေနအရ တံတားအသစ္(၁)စင္း အျမန္လိုအပ္ေနၿပီျဖစ္၍ တံတားအသစ္ကို (၁)ႏွစ္အတြင္း ၿပီးစီးေအာင္ တံတားအမ်ိဳးအစား ေျပာင္းလဲေဆာင္ရြက္သြားမည္ ျဖစ္ပါသည္။

ျမန္မာႏိုင္ငံတြင္ တည္ေဆာက္ၿပီးစီးေသာ တံတားမ်ားအား ႏွစ္စဥ္ (၁)ႏွစ္လ်င္ (၂)ႀကိမ္ ပံုမွန္စစ္ေဆးၿပီး ထိန္းသိမ္းျခင္းလုပ္ငန္းမ်ား ေဆာင္ရြက္လ်က္ ရွိပါသည္။ ႀကိဳးတံတားမ်ားမွာ ေျမာင္းျမတံတား အပါအ၀င္ စုစုေပါင္း အစင္း(၃၀)ရွိၿပီး အဆိုပါႀကိဳးတံတားမ်ားကို ယခုကဲ့သို႔ ျဖစ္စဥ္မ်ိဳး မျဖစ္ေစရန္အတြက္ ေဆာက္လုပ္ေရး၀န္ႀကီးဌာန အေနျဖင့္ အေသးစိတ္ စစ္ေဆးမႈမ်ားကို ခ်က္ခ်င္းေဆာင္ရြက္လ်က္ ရွိပါသည္။ အဆိုပါ ႀကိဳးတံတားမ်ား ေရရွည္တည္တံ့ခိုင္ၿမဲေရးအတြက္ ဂ်ပန္အင္ဂ်င္နီယာပညာရွင္မ်ား ႏွင့္လည္းေကာင္း၊ တရုတ္ျပည္သူ႔သမၼတႏိုင္ငံ သံရံုးအစီအစဥ္ျဖင့္ တရုတ္အင္ဂ်င္နီယာပညာရွင္မ်ား ႏွင့္လည္းေကာင္း အတူပူးေပါင္းၿပီး တံတားမ်ား၏ ၾကံ့ခိုင္ေရး အေျခအေနမ်ားအား စစ္ေဆးသြားမည္ ျဖစ္ပါသည္။

ေျမာင္းျမ ႀကိဳးတံတား က်ိဳးက်မႈျဖစ္စဥ္တြင္ ေဆာက္လုပ္ေရး၀န္ႀကီးဌာန အေနျဖင့္ အသက္ဆံုး႐ံႈးသြားၾကေသာ ယာဥ္ေမာင္း ဦးမဲႀကီး (ခ) ဦးသန္႔ေဇာ္ထိုက္၊ ယာဥ္ေနာက္လိုက္ ကိုဂ်ဴးဂ်ဴး (ခ) ကို၀င္းထိုက္ေအာင္ တို႔၏ မိသားစုမ်ားႏွင့္အတူ ထပ္တူထပ္မွ် ၀မ္းနည္းမိပါေၾကာင္း နွင့္ လိုအပ္ေသာ ကူညီေထာက္ပံ့မႈမ်ား ေဆာင္ရြက္ေပးလ်က္ ရွိပါသည္။

ျပည္သူမ်ားအေနျဖင့္ လက္ရွိ အသံုးျပဳလ်က္ရွိေသာ တိုင္းေဒသႀကီးႏွင့္ ျပည္နယ္မ်ား အတြင္းရွိ ႀကိဳးတံတား (၂၉)စင္းကို စိုးရိမ္မႈ မရွိၾကပါရန္ႏွင့္ အဆိုပါ တံတားမ်ား ေရရွည္တည္တံ့ ခိုင္ၿမဲေရးအတြက္ အေလးေပး ေဆာင္ရြက္လ်က္ ရွိပါသည္။ ျပည္သူလူထုအေနျဖင့္ အဆိုပါ ႀကိဳးတံတားမ်ားေပၚတြင္ သတ္မွတ္ ခံႏိုင္၀န္ထက္ ပိုမိုတင္ေဆာင္ကာ ျဖတ္သန္းျခင္း မျပဳၾကပါရန္ႏွင့္ သတ္မွတ္ အရွိန္ႏႈန္းအတိုင္း ေမာင္းႏွင္ျခင္းျဖင့္ ပူးေပါင္း ကူညီေဆာင္ရြက္ ထိန္းသိမ္းေပးၾကပါရန္ ေမတၱာရပ္ခံ ပန္ၾကားအပ္ပါသည္။
Unicodeဖြင့်ဖတ်ရန်

ဧရာဝတီတိုင်းဒေသကြီးအတွင်းရှိ မြောင်းမြ ကြိုးတံတားသည် (၁-၄-၂၀၁၈)ရက်၊ နံနက်(၀၁:၄၅)နာရီတွင် (၁၆)တန်၊ (၆)ဘီး ကုန်တင်ကားတစ်စီး ဖြတ်သန်းစဉ် တံတားကျိုးကျမှု ဖြစ်ခဲ့ပါသည်။ အဆိုပါ တံတားသည် (၁၉၉၄)ခုနှစ်တွင် စတင်တည်ဆောက်ခဲ့ပြီး (၁၉၉၆)ခုနှစ်တွင် ဖွင့်လှစ် အသုံးပြုခဲ့ပါသည်။ ယခုအခါ တံတားသက်တမ်းမှာ (၂၂)နှစ်ခန့် ရှိပြီး ဖြစ်ပါသည်။

အဆိုပါ တံတား တည်ဆောက်စဉ်ကပင် တန်ချိန်(၈၅၀၀) အလေးချိန်ရှိသော ကွန်ကရစ် ကြိုးထိန်းခုံ နိမ့်ကျမှုဖြစ်စဉ် ရှိခဲ့၍ ပြန်လည်ပြင်ဆင်ခဲ့ရသော တံတား ဖြစ်ပါသည်။ မြောင်းမြ ဘက်ကမ်းရှိ ကွန်ကရစ် ကြိုးထိန်းခုံ နိမ့်ကျမှုဖြစ်စဉ်ကြောင့် တာဝါတိုင်သည် မြစ်၏ဆန့်ကျင်ဘက်သို့ (၁၁)လက်မ စောင်းရမည့်အစား မြစ်ဘက်သို့ (၇)လက်မ စောင်းနေ၍ တံတားတည်ဆောက် ပြီးစီးချိန်ကစ၍ နှစ်စဉ်စောင့်ကြည့် စစ်ဆေးခဲ့ရပါသည်။ ထိုသို့ တံတားသက်တမ်း နှစ်(၂၀)ပြည့်မြောက်သည့် (၂၀၁၆)ခုနှစ်မှစ၍ လစဉ် စစ်ဆေးမှုများ ပြုလုပ်ခဲ့ပါသည်။ စစ်ဆေးရာတွင် တံတားကြမ်းခင်းများ၊ မူလီများ၊ Expansion Joint များ၊ Suspender Rod များ မကောင်းလျှင် လဲလှယ်မှုများ ချက်ချင်းပြုလုပ်ခဲ့ပါသည်။

ယခုဖြစ်စဉ်ကို စစ်ဆေးရာတွင် ကွန်ကရစ် ကြိုးထိန်းခုံ၏ အတွင်းပိုင်း ကွန်ကရစ်ထဲတွင် ထည့်၍ မြှုပ်နှံထားသော သံမဏိကြိုးများ ဆွေးမြေ့ပြီး ကြိုးပြတ်၍ တံတားကျိုးကျပျက်စီးခဲ့ကြောင်း တွေ့ရှိရပါသည်။

ဆောက်လုပ်ရေးဝန်ကြီးဌာန အနေဖြင့် (၂၀၁၆-၂၀၁၇)ဘဏ္ဍာနှစ်မှစ၍ လက်ရှိကြိုးတံတားနှင့်အပြိုင် တံတားအသစ် (၁)စင်းကို ဂျပန်အင်ဂျင်နီယာပညာရှင်များနှင့် ပူးပေါင်း၍ ဂျပန်နည်းပညာဖြင့် တံတားအသစ် တည်ဆောက်လျက်ရှိပြီး တည်ဆောက်ချိန်ကာလ (၁)နှစ်ခန့် ရှိခဲ့ပြီ ဖြစ်ပါသည်။

တံတားအသစ်သည် နည်းပညာအရ တည်ဆောက်ချိန် (၃)နှစ်ခန့် ကြာမြင့်မည်ဖြစ်သောကြောင့် ယခုအခါ လမ်းပန်းဆက်သွယ်မှု အခြေအနေအရ တံတားအသစ်(၁)စင်း အမြန်လိုအပ်နေပြီဖြစ်၍ တံတားအသစ်ကို (၁)နှစ်အတွင်း ပြီးစီးအောင် တံတားအမျိုးအစား ပြောင်းလဲဆောင်ရွက်သွားမည် ဖြစ်ပါသည်။

မြန်မာနိုင်ငံတွင် တည်ဆောက်ပြီးစီးသော တံတားများအား နှစ်စဉ် (၁)နှစ်လျင် (၂)ကြိမ် ပုံမှန်စစ်ဆေးပြီး ထိန်းသိမ်းခြင်းလုပ်ငန်းများ ဆောင်ရွက်လျက် ရှိပါသည်။ ကြိုးတံတားများမှာ မြောင်းမြတံတား အပါအဝင် စုစုပေါင်း အစင်း(၃၀)ရှိပြီး အဆိုပါကြိုးတံတားများကို ယခုကဲ့သို့ ဖြစ်စဉ်မျိုး မဖြစ်စေရန်အတွက် ဆောက်လုပ်ရေးဝန်ကြီးဌာန အနေဖြင့် အသေးစိတ် စစ်ဆေးမှုများကို ချက်ချင်းဆောင်ရွက်လျက် ရှိပါသည်။ အဆိုပါ ကြိုးတံတားများ ရေရှည်တည်တံ့ခိုင်မြဲရေးအတွက် ဂျပန်အင်ဂျင်နီယာပညာရှင်များ နှင့်လည်းကောင်း၊ တရုတ်ပြည်သူ့သမ္မတနိုင်ငံ သံရုံးအစီအစဉ်ဖြင့် တရုတ်အင်ဂျင်နီယာပညာရှင်များ နှင့်လည်းကောင်း အတူပူးပေါင်းပြီး တံတားများ၏ ကြံ့ခိုင်ရေး အခြေအနေများအား စစ်ဆေးသွားမည် ဖြစ်ပါသည်။

မြောင်းမြ ကြိုးတံတား ကျိုးကျမှုဖြစ်စဉ်တွင် ဆောက်လုပ်ရေးဝန်ကြီးဌာန အနေဖြင့် အသက်ဆုံးရှုံးသွားကြသော ယာဉ်မောင်း ဦးမဲကြီး (ခ) ဦးသန့်ဇော်ထိုက်၊ ယာဉ်နောက်လိုက် ကိုဂျူးဂျူး (ခ) ကိုဝင်းထိုက်အောင် တို့၏ မိသားစုများနှင့်အတူ ထပ်တူထပ်မျှ ဝမ်းနည်းမိပါကြောင်း နှင့် လိုအပ်သော ကူညီထောက်ပံ့မှုများ ဆောင်ရွက်ပေးလျက် ရှိပါသည်။

ပြည်သူများအနေဖြင့် လက်ရှိ အသုံးပြုလျက်ရှိသော တိုင်းဒေသကြီးနှင့် ပြည်နယ်များ အတွင်းရှိ ကြိုးတံတား (၂၉)စင်းကို စိုးရိမ်မှု မရှိကြပါရန်နှင့် အဆိုပါ တံတားများ ရေရှည်တည်တံ့ ခိုင်မြဲရေးအတွက် အလေးပေး ဆောင်ရွက်လျက် ရှိပါသည်။ ပြည်သူလူထုအနေဖြင့် အဆိုပါ ကြိုးတံတားများပေါ်တွင် သတ်မှတ် ခံနိုင်ဝန်ထက် ပိုမိုတင်ဆောင်ကာ ဖြတ်သန်းခြင်း မပြုကြပါရန်နှင့် သတ်မှတ် အရှိန်နှုန်းအတိုင်း မောင်းနှင်ခြင်းဖြင့် ပူးပေါင်း ကူညီဆောင်ရွက် ထိန်းသိမ်းပေးကြပါရန် မေတ္တာရပ်ခံ ပန်ကြားအပ်ပါသည်။
Credit: Ministry of Construction